ປະທານສະພາແຫ່ງຊາດຢ້ຽມຢາມສັນຖະວະໄມຕີ ສ.ຮົງກາຣີ ຢ່າງເປັນທາງການ

- Laos Hongary - ປະທານສະພາແຫ່ງຊາດຢ້ຽມຢາມສັນຖະວະໄມຕີ ສ.ຮົງກາຣີ ຢ່າງເປັນທາງການ
- Untitled design - ປະທານສະພາແຫ່ງຊາດຢ້ຽມຢາມສັນຖະວະໄມຕີ ສ.ຮົງກາຣີ ຢ່າງເປັນທາງການ

ໂດຍຕອບສະໜອງຄໍາເຊື່ອເຊີນຂອງທ່ານ ໂກເວີ ລາຊໂລ ປະທານສະພາແຫ່ງຊາດ ສາທາລະນະລັດ ຮົງກາຣີ, ທ່ານນາງ ປານີ ຢາທໍ່ຕູ້ ປະທານສະພາແຫ່ງຊາດ ສາທາລະນະລັດ ປະຊາທິປະໄຕ ປະຊາຊົນລາວ ພ້ອມດ້ວຍຄະນະ, ໄດ້ດໍາເນີນການຢ້ຽມຢາມສັນຖະວະໄມຕີສາທາລະນະລັດ ຮົງກາຣີ ຢ່າງເປັນທາງການໃນລະຫວ່າງວັນທີ 16-19 ກັນຍານີ້, ເຊິ່ງໄດ້ມີການພົບປະສອງຝ່າຍ ເພື່ອປຶກສາຫາລືເສີມຂະຫຍາຍສາຍພົວພັນມິດຕະພາບ ແລະ ການຮ່ວມມືທີ່ມີມາແຕ່ດົນນານລະຫວ່າງສອງປະເທດ ກໍຄືສອງສະພາແຫ່ງຊາດ ສປປ ລາວ ແລະ ສ.ຮົງກາຣີ ໃຫ້ມີບາດກ້າວໃໝ່ ແລະ ເກີດດອກອອກຜົນງອກງາມຍິ່ງຂຶ້ນ.

ໃນການພົບປະສອງຝ່າຍໄດ້ຕີລາຄາຄືນການຮ່ວມມືໃນໄລຍະຜ່ານມາ, ໂດຍສະເພາະແມ່ນການແລກປ່ຽນຢ້ຽມຢາມຂອງຄະນະຜູ້ແທນລະດັບຕ່າງໆ ທັງສູນກາງ ແລະ ທ້ອງຖິ່ນ, ຊຶ່ງເຫັນວ່າການຮ່ວມມືດັ່ງກ່າວໄດ້ຮັບການພັດທະນາດີຂຶ້ນເປັນກ້າວໆ, ມີຂະແໜງການຈໍານວນໜຶ່ງຂອງລາວ ແລະ ຮົງກາຣີ ໄດ້ມີການເຊັນສັນຍາວ່າດ້ວຍການຮ່ວມມືຫລາຍສະບັບ, ໂດຍສະເພາະແມ່ນບົດບັນທຶກຄວາມເຂົ້າໃຈຂອບການຮ່ວມມືໃໝ່ຂອງສອງກະຊວງກະສິກໍາ ເພື່ອການຮ່ວມມື ແລະ ຊ່ວຍເຫລືອພັດທະນາລະບົບການຜະລິດ ແລະ ການປັບປຸງຜົນຜະລິດກະສິກໍາທີ່ມີຄຸນນະພາບ ແລະ ແບບຄົບວົງຈອນ. ພ້ອມນັ້ນຍັງມີສັນຍາການຮ່ວມມືດ້ານການສຶກສາ, ດ້ານການຄຸ້ມຄອງ ແລະ ບໍາບັດນໍ້າເປື້ອນຢູ່ນະຄອນຫລວງວຽງຈັນ ແລະ ອື່ນໆ.

ໃນໂອກາດນີ້, ທ່ານປະທານສະພາແຫ່ງຊາດລາວ ກໍໄດ້ສະແດງຄວາມຂອບໃຈ ແລະ ຕີລາຄາສູງຕໍ່ສາທາລະນະລັດ ຮົງກາຣີ ທີ່ຍາມໃດກໍໄດ້ໃຫ້ການຊ່ວຍເຫລືອ ແລະ ສະໜັບສະໜູນແກ່ພາລະກິດສ້າງສາພັດທະນາປະເທດຊາດລາວຕະຫລອດມາ, ພ້ອມທັງໄດ້ສະເໜີໃຫ້ສະພາແຫ່ງຊາດສ.ຮົງກາຣີ, ສືບຕໍ່ຊຸກຍູ້ໃຫ້ລັດຖະບານຂອງສອງປະເທດຈັດຕັ້ງປະຕິບັດບັນດາສັນຍາ ແລະ ໂຄງການຮ່ວມມືຕ່າງໆທີ່ມີທ່າແຮງ ເຊັ່ນ: ດ້ານການຄ້າ-ການລົງທຶນ, ກະສິກໍາ, ການສຶກສາ, ວຽກງານການຕ່າງປະເທດ ແລະ ອື່ນໆຕື່ມອີກ.

- Wave100S AD to Website 2020 0 - ປະທານສະພາແຫ່ງຊາດຢ້ຽມຢາມສັນຖະວະໄມຕີ ສ.ຮົງກາຣີ ຢ່າງເປັນທາງການ

ໃນວັນດຽວກັນ, ປະທານສະພາແຫ່ງຊາດລາວ ພ້ອມດ້ວຍຄະນະຍັງໄດ້ພົບປະກັບທ່ານ ແລວັນແຕ ມາກຢໍ ຮອງລັດຖະມົນຕີກະຊວງການຕ່າງປະເທດ ແລະ ການຄ້າ ສ.ຮົງກາຣີ ເພື່ອປຶກກສາຫາລືຊຸກຍູ້ສົ່ງເສີມການຮ່ວມມືດ້ານການຄ້າ ແລະ ວຽກງານການຕ່າງປະເທດຂອງສອງປະເທດ, ເຊິ່ງກະຊວງການຕ່າງປະເທດສອງຝ່າຍ ກໍໄດ້ມີບົດບັນທຶກຄວາມເຂົ້າໃຈກ່ຽວກັບການປຶກສາຫາລື ແລະ ການຮ່ວມມືລະຫວ່າງສອງກະຊວງ. ພ້ອມນີ້, ທ່ານ ປະທານສະພາແຫ່ງຊາດລາວ ຍັງໄດ້ພົບປະກັບທ່ານ ໂຊນ ແຟນເດີມັນ ຮອງລັດຖະມົນຕີກະຊວງກະສິກໍາ ສ.ຮົງກາຣີ, ຢ້ຽມຢາມຕະຫລາດໃນກາງເມືອງ ແລະ ສະຖານທີ່ທ່ອງທ່ຽວສໍາຄັນຢູ່ນະຄອນຫລວງບູດາແປສຕື່ມອີກ.

ລາວ ແລະ ຮົງກາຣີ ໄດ້ສ້າງຕັ້ງສາຍພົວພັນການທູດນໍາກັນໃນວັນທີ 12 ກັນຍາ 1962.

- WhatsApp Image 2020 05 27 at 5 - ປະທານສະພາແຫ່ງຊາດຢ້ຽມຢາມສັນຖະວະໄມຕີ ສ.ຮົງກາຣີ ຢ່າງເປັນທາງການ
- WhatsApp Image 2020 05 27 at 5 - ປະທານສະພາແຫ່ງຊາດຢ້ຽມຢາມສັນຖະວະໄມຕີ ສ.ຮົງກາຣີ ຢ່າງເປັນທາງການ
error: Alert: ເນື້ອຫາຂ່າວມີລິຂະສິດ !!