ຮວາງ​ແອ​ງຢາ​ລາຍ​ສືບ​ຕໍ່​ໃຫ້ການ​ຊ່ວຍ​ເຫລືອ​ຜູ້​ປະສົບ​ໄພ​ແຂວງ​ອັດ​ຕະປືຕື່ມ​ອີກ 2 ຕື້ກີບ

- Huang anh - ຮວາງ​ແອ​ງຢາ​ລາຍ​ສືບ​ຕໍ່​ໃຫ້ການ​ຊ່ວຍ​ເຫລືອ​ຜູ້​ປະສົບ​ໄພ​ແຂວງ​ອັດ​ຕະປືຕື່ມ​ອີກ 2 ຕື້ກີບ
- Untitled design - ຮວາງ​ແອ​ງຢາ​ລາຍ​ສືບ​ຕໍ່​ໃຫ້ການ​ຊ່ວຍ​ເຫລືອ​ຜູ້​ປະສົບ​ໄພ​ແຂວງ​ອັດ​ຕະປືຕື່ມ​ອີກ 2 ຕື້ກີບ

​ໃນ​ວັນ​ທີ 15 ກັນຍາ​ນີ້, ກຸ່ມ​ບໍລິສັດ​ຮວາງ​ແອ​ງຢາ​ລາຍ ສສ ຫວຽດນາມ ​ໄດ້​ສືບ​ຕໍ່​ໃຫ້ການ​ຊ່ວຍ​ເຫລືອ​ປະຊາຊົນ​ຜູ້​ປະສົບ​ໄພ​ນ້ຳຖ້ວມ​ຢູ່​ເມືອງ​ສະໜາມ​ໄຊ ​ແຂວງ​ອັດ​ຕະປື ຕື່ມ​ອີກ 2 ຕື້ກີບ (ປະມານ 2 ​ແສນ​ກວ່າ​ໂດ​ລາ​ສະຫະລັດ) ​ເພື່ອ​ແບ່ງ​ເບົາ​ຄວາມ​ເສຍ​ຫາຍ ​ແລະ ສ້າງ​ເງື່ອນ​ໄຂ​ໃຫ້​ເຂົາ​ເຈົ້າສາມາດ​ຟື້ນຟູ​ຊີວິດ​ການ​ເປັນ​ຢູ່​ຂອງ​ຕົນ​ດີ​ຂຶ້ນ​ໂດຍ​ໄວ ​ເຊິ່ງ​ເງິນ​ຊ່ວຍ​ເຫລືອ​ດັ່ງກ່າວ​ໄດ້​ມອບ​ໃຫ້​ຜູ້ຕາງໜ້າ​ການ​ເງິນ​ແຂວງ​ໄດ້​ໂອນ​ເຂົ້າຄັງ​ເງິນ​ແຫ່ງ​ຊາດ​ປະຈຳ​ທ້ອງ​ຖິ່ນ​ເປັນ​ທີ່​ຮຽບຮ້ອຍ​ແລ້ວ.

ພາຍຫລັງ​ເກີດ​ເຫດ​ເຂື່ອນ​ເຊ​ປຽນ-​ເຊ​ນ້ຳນ້ອຍ​ແຕກ ​ເມື່ອ​ທ້າຍ​ເດືອນ​ກໍລະກົດ​ຜ່ານ​ມາ, ກຸ່ມ​ບໍລິສັດ​ຮວາງ​ແອ​ງຢາ​ລາຍ​ກໍ​ໄດ້​ຮີບ​ຮ້ອນ​ນຳ​ເອົາ​ວັດຖຸປັດ​ໄຈ​ຕ່າງໆ​ລົງ​ຊ່ວຍ​ເຫລືອ​ປະຊາຊົນ​ໃນ​ເຂດ​ເກີດ​ເຫດ​ດັ່ງກ່າວ​ໄດ້​ຢ່າງ​ທັນ​ການ ​ເຊິ່ງປະກອບ​ມີ​ເຂົ້າສານ 50 ​ໂຕນ, ໝີ່​ສຳ​ເລັດ​ຮູບ 1 ​ແສນ​ຫໍ່, ​ເຄື່ອງນຸ່ງ 2.000 ຊຸດ, ຖົງ​ໃຊ້​ສຳລັບ​ການ​ແພດ ​ແລະ ຢາ​ປົວ​ພະຍາດ​ຕ່າງໆ​ຫລາຍ​ຮ້ອຍ​ຖົງ, ພ້ອມ​ໄດ້​ນຳ​ເອົາ​ທ່ານໝໍ​ຈຳນວນ 14 ທ່ານ​ລົງ​ຊ່ວຍ​ເຫລືອ​ການ​ປະຕິບັດ​ງານ​ຂອງ​ໂຮງໝໍ​ແຂວງ​ອັດ​ຕະປື​ໄດ້​ຢ່າງ​ທັນ​ການ.

​ໄພພິບັດ​ດັ່ງກ່າວ​ໄດ້​ສ້າງ​ຄວາມ​ເສຍ​ຫາຍ​ຢ່າງ​ຫລວງຫລາຍ​ແກ່​ຊີວິດ ​ແລະ ຊັບ​ສິນ​ຂອງ​ປະຊາຊົນ​ເມືອງ​ສະໜາມ​ໄຊ ​ແລະ ດ້ວຍ​ການ​ປະກອບສ່ວນ​ຊ່ວຍ​ເຫລືອ​ຂອງ​ຫລາຍ​ພາກສ່ວນ ນັບ​ທັງ​ພາຍ​ໃນ ​ແລະ ບັນດາ​ປະ​ເທດ​ເພື່ອນ​ມິດສາ​ກົນ​ອື່ນໆ ​ໄດ້​ສ້າງ​ເງື່ອນ​ໄຂ​ໃຫ້​ປະຊາຊົນ​ຜູ້​ປະສົບ​ໄພ​ສາມາດ​ປົວ​ແປງ​ຊີວິດ​ການ​ເປັນ​ຢູ່​ຂອງ​ເຂົາ​ເຈົ້າດີ​ຂຶ້ນ​ເປັນ​ລຳດັບ.

- Wave100S AD to Website 2020 0 - ຮວາງ​ແອ​ງຢາ​ລາຍ​ສືບ​ຕໍ່​ໃຫ້ການ​ຊ່ວຍ​ເຫລືອ​ຜູ້​ປະສົບ​ໄພ​ແຂວງ​ອັດ​ຕະປືຕື່ມ​ອີກ 2 ຕື້ກີບ
- WhatsApp Image 2020 05 27 at 5 - ຮວາງ​ແອ​ງຢາ​ລາຍ​ສືບ​ຕໍ່​ໃຫ້ການ​ຊ່ວຍ​ເຫລືອ​ຜູ້​ປະສົບ​ໄພ​ແຂວງ​ອັດ​ຕະປືຕື່ມ​ອີກ 2 ຕື້ກີບ
- WhatsApp Image 2020 05 27 at 5 - ຮວາງ​ແອ​ງຢາ​ລາຍ​ສືບ​ຕໍ່​ໃຫ້ການ​ຊ່ວຍ​ເຫລືອ​ຜູ້​ປະສົບ​ໄພ​ແຂວງ​ອັດ​ຕະປືຕື່ມ​ອີກ 2 ຕື້ກີບ
error: Alert: ເນື້ອຫາຂ່າວມີລິຂະສິດ !!