U16 ລາວຊະນະ ມົງໂກລີ 4-0

- advert banner 728 90 728x90 - U16 ລາວຊະນະ ມົງໂກລີ 4-0

​      ໃນ​ວັນ​ທີ 19 ກັນຍານີ້ ນັກ​ກິລາ​ທີມ​ຊາດ​ຍິງ U16 ລາວ ລົງສະໜາມຄັ້ງທີ 2 ສາມາດເອົາຊະນະ ທີມຊາດມົງໂກລີ  4-0 ໃນການແຂ່ງຂັນ​ບານ​ເຕະຍິງຊີງແຊ້ມອາຊີ ລຸ້ນອາຍຸບໍ່ເກີນ 16 ປີ ຮອບຄັດເລືອກ 2019 AFC U-16 WOMEN’S CHAMPIONSHIP 2019 ທີ່ປະເທດມົງໂກລີ ໃນລະຫວ່າງວັນທີ 15-23 ກັນຍາ 2018.

ທີມຊາດລາວ ​ໄດ້​ປະຕູ​ຈາກນາງ ພິມພາ ທອງສະຫວ່າງ, ນາງ ອິນທິດາ ຄູນສີ ແລະ ນາງເປ້ ເໝົາ 2 ປະຕູ ສົ່ງຜົນໃຫ້ທີມຊາດລາວ ຢູ່ອັນດັບທີ 2 ຂອງກຸ່ມ ຈາກການລົງສະໜາມ 2 ຄັ້ງ ຊະນະ 2 ຄັ້ງ ລວມມີ 6 ຄະແນນ,​ ສ່ວນອັນດັບທີ 1 ແມ່ນທີມຊາດອິນເດຍ ຈາກການລົງສະໜາມ 3 ຄັ້ງ ຊະນະ 3 ຄັ້ງ ມີ 9 ຄະແນນ.

ການ​ແຂ່ງຂັນ​ບານ​ເຕະຍິງຊີງແຊ້ມອາຊີ ລຸ້ນອາຍຸບໍ່ເກີນ 16 ປີ ຮອບຄັດເລືອກ 2019 AFC U-16 WOMEN’S CHAMPIONSHIP 2019 ທີ່ປະເທດມົງໂກລີ ທີມຊາດລາວ ຢູ່ຮ່ວມກຸ່ມບີ ປະກອບມີ:  ອິນເດຍ, ຮົງກົງ, ປາກິດສະຖານ ແລະ ມົງໂກລີ (ເຈົ້າພາບ).

- 1 1 - U16 ລາວຊະນະ ມົງໂກລີ 4-0
- lattana 1 - U16 ລາວຊະນະ ມົງໂກລີ 4-0

ສໍາລັບ​ຕາຕະລາງການແຂ່ງຂັນ​ຂອງ​ທີ​ມຊາດ​ລາວ​ ຈະ​ລົງ​ສະໜາມອີກ 2 ຄັ້ງ​ຄື: ​ໃນວັນທີ 21 ກັນຍາ ເວລາ 13:00 ​ໂມງ​ ພົບ ຮົງກົງ ແລະ ວັນທີ 23 ກັນຍາ ເວລາ 17:00 ​ໂມງ ພົບ ອິນເດຍ.

error: Content is protected !!