ລາວຈະສົ່ງ 4 ປະເພດກິລາເຂົ້າຮ່ວມ ເອຊຽນພາລາເກມທີ່ອິນໂດເນເຊຍ

- 42205430 479382049206420 4794668676257153024 n - ລາວຈະສົ່ງ 4 ປະເພດກິລາເຂົ້າຮ່ວມ ເອຊຽນພາລາເກມທີ່ອິນໂດເນເຊຍ
- Untitled design - ລາວຈະສົ່ງ 4 ປະເພດກິລາເຂົ້າຮ່ວມ ເອຊຽນພາລາເກມທີ່ອິນໂດເນເຊຍ

ສປປ ລາວ ກຽມສົ່ງ 4 ປະເພດກິລາເຂົ້າຮ່ວມເອຊຽນພາລາເກມ ທີ່ປະເທດອິນໂດເນເຊຍ ທີ່ຈະຈັດຂຶ້ນລະຫວ່າງວັນທີ 6-14 ຕຸລາ 2018.

ທ່ານ ລັດຖະໄຊ ອິນທະວົງ ຫົວໜ້າພະແນກບໍລິຫານ ກົມກິລາມວນຊົນ ກະຊວງສຶກສາທິການ ແລະ ກິລາ ໃຫ້ສໍາພາດວ່າ: ພາຍຫລັງໄດ້ຮັບການແຕ່ງຕັ້ງຈາກຂັ້ນເທິງແລ້ວ ພວກເຮົາກໍເລີ່ມຄັດເລືອກນັກກິລາແຕ່ລະປະເພດ ເພື່ອກຽມຄວາມພ້ອມເຂົ້າຮ່ວມການແຂ່ງຂັນ ເອຊຽນພາລາເກມ ທີ່ປະເທດອິນໂດເນເຊຍເປັນເຈົ້າພາບ. ການເຂົ້າຮ່ວມແຂ່ງຂັນຄັ້ງນີ້ ພວກເຮົາຈະສົ່ງເຂົ້າຮ່ວມທັງໝົດ 4 ປະເພດກິລາຄື: ແລ່ນ-ລານ, ລອຍນໍ້າ, ຍົກນໍ້າໜັກ ແລະ ໂກນບານຍິງດັ່ງນີ້ເປັນຕົ້ນ. ສໍາລັບໂກນບານຊາຍປີນີ້ຈະບໍ່ໄດ້ເຂົ້າຮ່ວມການແຂ່ງຂັນ ເພາະວ່າໃນຊ່ວງການຄັດເລືອກນັກກິລານີ້ ພວກເຮົາໄດ້ສົ່ງນັກກິລາໂກນບານທີມຊາດລາວຍິງ-ຊາຍເຂົ້າຮ່ວມການແຂ່ງຂັນອາຊຽນປາຊີຟິກ ທີ່ປະເທດໄທ ຈັດຂຶ້ນລະຫວ່າງຕົ້ນເດືອນກັນຍາຜ່ານມານີ້ ເຊິ່ງເປັນລາຍການຄັດເລືອກຄວາມພ້ອມຂອງນັກກິລາກ່ອນການເຂົ້າຮ່ວມເອຊຽນພາລາເກມ ໂດຍການແຂ່ງຂັນຄັດເລືອກດັ່ງກ່າວມີນັກກິລາຈາກ 5 ປະເທດເຂົ້າຮ່ວມຄື: ອົດສະຕຣາລີ, ອິນເດຍ, ສິງກະໂປ, ໄທ ແລະ ລາວ. ຜ່ານການແຂ່ງຂັນຄັດເລືອກດັ່ງກ່າວ ໂກນບານທີມຊາດລາວຊາຍບໍ່ສາມາດຜ່ານເຂົ້າຮອບການຄັດເລືອກ. ດັ່ງນັ້ນ, ມີແຕ່ທີມຍິງທີ່ສາມາດຜ່ານການຄັດເລືອກ.

- Wave100S AD to Website 2020 0 - ລາວຈະສົ່ງ 4 ປະເພດກິລາເຂົ້າຮ່ວມ ເອຊຽນພາລາເກມທີ່ອິນໂດເນເຊຍ

ທ່ານ ລັດຖະໄຊ ອິນທະວົງ ໄດ້ເວົ້າຕື່ມອີກວ່າ: ການແຂ່ງຂັນເອຊຽນພາລາເກມຄັ້ງນີ້ ພວກເຮົາບໍ່ໄດ້ຕັ້ງຄວາມຫວັງໄວ້ສູງປານໃດ ຍ້ອນຄວາມຫຍຸ້ງຍາກສະຖານທີ່ການຝຶກຊ້ອມໃນບາງປະເພດກິລາ. ດັ່ງນັ້ນ, ພວກເຮົາຕັ້ງຄວາມຫວັງໄວ້ພຽງກິລາຍົກນໍ້າໜັກເທົ່ານັ້ນ ເພາະຜ່ານການແຂ່ງຂັນຊີງແຊ້ມໂລກສາມາດຍາດໄດ້ອັນດັບທີ 4 ຂອງໂລກ.

- WhatsApp Image 2020 05 27 at 5 - ລາວຈະສົ່ງ 4 ປະເພດກິລາເຂົ້າຮ່ວມ ເອຊຽນພາລາເກມທີ່ອິນໂດເນເຊຍ
- WhatsApp Image 2020 05 27 at 5 - ລາວຈະສົ່ງ 4 ປະເພດກິລາເຂົ້າຮ່ວມ ເອຊຽນພາລາເກມທີ່ອິນໂດເນເຊຍ
error: Alert: ເນື້ອຫາຂ່າວມີລິຂະສິດ !!