ຄວາມໄດ້ ໃຫ້ລື່ນຄວາມເສຍ!

ຄວາມໄດ້ ໃຫ້ລື່ນຄວາມເສຍ! - 23547 - ຄວາມໄດ້ ໃຫ້ລື່ນຄວາມເສຍ!
ຄວາມໄດ້ ໃຫ້ລື່ນຄວາມເສຍ! - Untitled design - ຄວາມໄດ້ ໃຫ້ລື່ນຄວາມເສຍ!

ການລົງທຶນເຮັດໂຄງການໃດໆກໍຕາມ ປາສະຈາກບໍ່ໄດ້ທັງຜົນດີ ແລະຜົນເສຍ ແຕ່ຫຼັກການພື້ນຖານອັນຈຳເປັນ ກໍແມ່ນ ຕ້ອງໃຫ້ໄດ້ ລື່ນແນວເສຍຫາຍ.

ທ້າຍອາທິດຜ່ານມາ ຜູ້ຂຽນ ໄດ້ພົບພໍ້ໝູ່ເພື່ອນທີ່ເຮັດວຽກປະກອບສ່ວນການພັດທະນາເສດຖະກິດ-ສັງຄົມ ຂອງຊາດ ທີ່ແຕກຕ່າງກັນໃນຫຼາກຫຼາຍສາຂາ, ໃນນັ້ນ ມີໝູ່ທັງຜູ້ ເປັນທະຫານ ແລະຕຳຫຼວດ. ໝູ່ຜູ້ເປັນ ທະຫານ ໄດ້ຍົກເລື່ອງທີ່ເພິ່ນເຮັດຫາກະໄດ້ຜັກຜ່ອນ ນັ້ນກໍຄື ນຳພາອ້າຍນ້ອງຊ່ວຍເຫຼືອປະຊາຊົນ ທີ່ປະສົບໄພນໍ້າຖ້ວມ ເຂດແຂວງວຽງຈັນ ແລະ ນະຄອນຫຼວງວຽງຈັນ.

ເພິ່ນເວົ້າວ່າ “ໄພນໍ້າຖ້ວມປີນີ້ ຈັ່ງແມ່ນໜັກຫຼາຍ ອ້າຍນ້ອງທະຫານເຮົາແມ່ນໄດ້ເຮັດວຽກໜັກ ພໍສົມຄວນ ໃນການ ປະກອບສ່ວນຊ່ວຍເຫຼືອປະຊາຊົນ ເຊັ່ນ : ການຊ່ວຍຂົນເຄື່ອງ ເກັບໄວ້ບ່ອນສູງຂອງປະຊາຊົນຫຼາຍຄອບຄົວໃຈເຂດທ່າງ່ອນ,  ຫາດກ້ຽງ ແລະເຂດອື່ນໆ ເຊິ່ງທະຫານບາງຈຳນວນແມ່ນໄດ້ປະຈຳການ ຕະຫຼອດ 24 ຊົ່ວໂມງ, ເປັນຕາເຫັນໃຈພວກເພິ່ນຄືກັນ ແຕ່ເຮັດແນວໃດໄດ້ ເພາະບ້ານເມືອງກຳລັງຢູ່ໃນເຫດສຸກເສີນ ແລະກໍເປັນໜ້າທີ່ຂອງພວກເຮົາຢູ່ແລ້ວ”.

ລາວຍັງເວົ້າຕຶ່ມວ່າ, “ເຮັດແນວໃດກໍເຮັດ ເຮົານີ້ເຫັນມາກັບຕາ ໜ້າສົງສານປະຊາຊົນແທ້ໆ ນໍ້າຖ້ວມມາແລ້ວ ບໍ່ນັບສາ ໄຮ່ນາຕາກ້າ ຮົ້ວສວນ ທີ່ໄດ້ຮັບຄວາມເສຍຫາຍ ແຕ່ນັບທັງຊີວິດ ແລະຊັບສິນຂອງເຂົາເຈົ້າ ແມ່ນມີຄວາມສ່ຽງຫຼາຍທີ່ສຸດ, ບາງເຂດ ນໍ້າຈະຮອດກົງເຕີໄຟຟ້າ ແລ້ວພາກສ່ວນທີ່ກ່ຽວຂ້ອງຍັງບໍ່ດັບໄຟ ອັນນີ້ ສ່ຽງຫຼາຍແທ້ໆ ເຊັ່ນ ມີຄົນໜຶ່ງຖືກໄຟຟ້າສ໋ອດ ຢູ່ຖຽງນາ ກໍເປັນຕົວຢ່າງໜຶ່ງ. ນອກນັ້ນ ບັນດາ ສັດລ້ຽງ, ໜອງປາ, ພາຫະນະ ແລະຊັບສິນອື່ນໆ ເປັນນວນຫຼວງຫຼາຍ ແມ່ນໄດ້ຮັບຄວາມເສຍຫາຍ, ປະຊາຊົນຫຼາຍຄົນ ຈົນນໍ້າຕາຕົກໃນ!​ ແລ້ວແມ່ນພາກສ່ວນໃດ ຈະເຂົ້າມາຊ່ວຍເຫຼືອ ແລະຮັບຜິດຊອບ?”

ໃນປີນີ້ ເຂດລ່ອງງຶ່ມແມ່ນໄດ້ຮັບຜົນກະທົບຈາກໄພພິບັດນໍ້າຖ້ວມບໍ່ໜ້ອຍກວ່າ ແຂວງອື່ນໃນທົ່ວປະເທດ ເນື່ອງຈາກຝົນຕົກໜັກ ຕິດຕໍ່ການຫຼາຍວັນ ເຮັດໃຫ້ລະດັບໃນອ່າງນໍ້າງຶ່ມຂອງເຂື່ອນນໍ້າງຶ່ມ 1 ເພີ່ມຂຶ້ນ ບວກກັບ ການໄຫຼ ມາໂຮມຈາກເຂື່ອນອື່ນໆເຊັ່ນ ເຂື່ອນ ນໍ້າງື່ມ 2 ແລະ ນໍ້າງຶ່ມ 5 ເຮັດໃຫ້ ຈຳເປັນຕ້ອງປ່ອຍນໍ້າອອກຕັ້ງແຕ່ວັນທີ 12 ສິງຫາ 2018 ຫາ ຕົ້ນເດືອນກັນຍາ ເຮັດໃຫ້ປະລິມານນໍ້າທີ່ປ່ອຍເພີ່ມຂຶ້ນຈຳນວນຫຼາຍ ກາຍເປັນທະເລ ເຮັດໃຫ້ ຢ່າງໜ້ອຍ 16 ບ້ານທີ່ຢູ່ກ້ອງເຂື່ອນປະສົບໄພນໍ້າຖ້ວມ ໄດ້ຮັບຜົນກະທົບໜັກໜ່ວງສົມຄວນ.

ຄວາມໄດ້ ໃຫ້ລື່ນຄວາມເສຍ! - Wave100S AD to Website 2020 0 - ຄວາມໄດ້ ໃຫ້ລື່ນຄວາມເສຍ!

ເມື່ອເປັນເຊັ່ນນັ້ນ ທ່ານ ທອງລຸນ ສີສຸລິດ ນາຍົກແຫ່ງ ສປປລາວ ຈຶ່ງມີທິດຊີ້ນຳ ໃນລະຫວ່າງ ການເດີນທາງ ຕິດຕາມ ເບິ່ງສະພາບນໍ້າຖ້ວມ ເມື່ອວັນທີ 6 ກັນຍາ ທີ່ຜ່ານມາ ວ່າ “ຜູ້​ປະກອບ​ການ​ເຂື່ອນ​ໄຟຟ້າ​ຕ້ອງ​ໃສ່​ໃຈຈັດ​ສັນ​ງົບປະມານ​ເພື່ອ​ແຮ​ໄວ້​ຊ່ວຍ​ເຫລືອ​ປະຊາຊົນ​ເວລາ​ປະສົບ​ໄພ​ນໍ້າຖ້ວມ​ໃຫ້​ທັນ​ການ”

ນອກນັ້ນ, ທ່ານ ນາຍົກຍັງເນັ້ນວ່າ “​ໃຫ້​ຄະນະ​ບໍລິຫານ​ເຂື່ອນ​ໄຟຟ້າ​ນໍ້າງື່ມ 1 ຕ້ອງ​ມີ​ການ​ບໍລິຫານ​ຈັດການ​ນ້ຳ​ໃນ​ໜ້າ​ເຂື່ອນ​ທີ່​ດີ ​ແລະ ມີ​ການ​ປະສານ​ກັນ​ລະອຽດ​ກັບ​ການ​ປ່ອຍ​ນໍ້າຂອງ​ເຂື່ອນ​ ທີ່ຢູ່​ຕອນ​ເທິງ. ນອກຈາກ​ນີ້ ກໍ​ຕ້ອງ​ມີ​ຄວາມ​ຮັບຜິດຊອບ​ໃນ​ການ​ຕິດຕາມ​ຊ່ວຍ​ເຫລືອ ​ແລະ ​ເບິ່ງ​ແຍງ​ປະຊາຊົນ​ທີ່​ອາ​ໄສ​ຢູ່​ເຂດ​ລຸ່ມ​ເຂື່ອນ​ທີ່​ປະສົບ​ໄພ​ດັ່ງກ່າວ​ໃຫ້​ດີ​ທີ່​ສຸດ ​ໂດຍ​ສະ​ເພາະ​ແມ່ນ 16 ບ້ານ​ທີ່ຢູ່​ກ້ອງ​ເຂື່ອນ”

ຄວາມທຸກເວລານໍ້າຖ້ວມເຮືອນຊານ, ໄຮ່ນາຕາກ້າ ບໍ່ຖືກໃຜ ບໍ່ຮູ້ວ່າເຫຼືອໃຈເທົ່າໃດ, ການຕິດຕາມຜົນກະທົບ ແລະການໃຫ້ຄວາມຊ່ວຍເຫຼືອ ຢ່າງທ່ວງທັນ ແລະທົ່ວເຖິງຂອງພາກສ່ວນທີ່ກ່ຽວຂ້ອງ ແມ່ນສິ່ງສຳຄັນ ຖືເປັນຈັນຍາບັນ ໃນການພັດທະນາທີ່ມີຄວາມຮັບຊອບຕໍ່ສັງຄົມ.

ໝູ່ທະຫານຜູ້ເພິ່ນພັນລະນາ ເລື່ອງລາວການຊ່ວຍເຫຼືອຜູ້ປະສົບໄພ ຢ່າງຈິງຈັງ ແລະເຜັດຮ້ອນນັ້ນ ເວົ້າຕອນທ້າຍຕຶ່ມວ່າ “ຊາຄວາມຄິດເຮົາ ໂຄງການໃດກໍຕາມ ຂໍໃຫ້ມີຄວາມໄດ້ ໃຫ້ລື່ນຄວາມເສຍ ຈຶ່ງຮ້ອງວ່າ ໂຄງການພັດທະນາ ແຕ່ບາງຄັ້ງເງິນຄຳກໍບໍ່ສາມາດປ່ຽນແທນວິຖີຊີວິດຂອງປະຊາຊົນໄດ້”.

ຄວາມໄດ້ ໃຫ້ລື່ນຄວາມເສຍ! - WhatsApp Image 2020 05 27 at 5 - ຄວາມໄດ້ ໃຫ້ລື່ນຄວາມເສຍ!
ຄວາມໄດ້ ໃຫ້ລື່ນຄວາມເສຍ! - WhatsApp Image 2020 05 27 at 5 - ຄວາມໄດ້ ໃຫ້ລື່ນຄວາມເສຍ!
error: Alert: ເນື້ອຫາຂ່າວມີລິຂະສິດ !!