ຫົວໜ້າ​ຈັດຕັ້ງສູນ​ກາງ​ພັກ​ເນັ້ນ​ໃຫ້​ຄະນະ​ນຳ​ເມືອງ​ປາກ​ກະດິງ​ເອົາ​ໃຈ​ໃສ່​ວຽກ​ງານ ປກຊ-ປກສ

- Head of arrangment - ຫົວໜ້າ​ຈັດຕັ້ງສູນ​ກາງ​ພັກ​ເນັ້ນ​ໃຫ້​ຄະນະ​ນຳ​ເມືອງ​ປາກ​ກະດິງ​ເອົາ​ໃຈ​ໃສ່​ວຽກ​ງານ ປກຊ-ປກສ
- Untitled design - ຫົວໜ້າ​ຈັດຕັ້ງສູນ​ກາງ​ພັກ​ເນັ້ນ​ໃຫ້​ຄະນະ​ນຳ​ເມືອງ​ປາກ​ກະດິງ​ເອົາ​ໃຈ​ໃສ່​ວຽກ​ງານ ປກຊ-ປກສ

​ເມື່ອ​ບໍ່​ດົນ​ມາ​ນີ້, ທ່ານ ຈັນ​ສີ ​ໂພ​ສີຄຳ ກຳມະການ​ກົມ​ການ​ເມືອງ​ສູນ​ກາງ​ພັກ, ຫົວໜ້າ​ຄະນະ​ຈັດຕັ້ງສູນ​ກາງ​ພັກ ​ໄດ້​ເຄື່ອນ​ໄຫວ​ຢ້ຽມຢາມ ​ແລະ ​ໂອ້​ລົມ​ຄະນະ​ນຳ ​ແລະ ພະນັກງານ​ຫລັກ​ແຫ​ລ່ງ​ເມືອງ​ປາກ​ກະດິງ ​ແຂວງ​ບໍລິ​ຄຳ​ໄຊ ​ໂດຍ​ໄດ້​ເນັ້ນ​ໃຫ້​ເພີ່ມ​ທະວີ​ຄວາມ​ເອົາ​ໃຈ​ໃສ່​ວຽກ​ງານ​ປ້ອງ​ກັນຊາ​ດ-ປ້ອງ​ກັນ​ຄວາມ​ສະຫງົບ​ໃຫ້​ມີ​ຄວາມ​ໜັກ​ແໜ້ນ​ເຂັ້ມ​ແຂງ, ພ້ອມ​ທັງ​ຊຸກຍູ້​ສົ່ງ​ເສີມ​ການ​ຜະລິດ​ກະສິກຳ​ຂອງ​ປະຊາຊົນ​ໃຫ້​ເປັນ​ສິນຄ້າ​ຫລາຍ​ຂຶ້ນ ​ເພື່ອ​ຍົກ​ລະດັບ​ຊີວິດ​ການ​ເປັນ​ຢູ່​ຂອງ​ເຂົາ​ເຈົ້າ​ໄດ້​ດີ​ຂຶ້ນ, ສ້າງ​ເງື່ອນ​ໄຂ​ຮອບດ້ານ​ເພື່ອ​ກ້າວ​ຂຶ້ນກາຍ​ເປັນ​ເມືອງ​ຮັ່ງມີ​ເຂັ້ມ​ແຂງ​ຮອບດ້ານ​ໃນ​ຕໍ່ໜ້າ.

​ໃນ​ໂອກາດ​ນີ້, ທ່ານ​ເຈົ້າ​ເມືອງ​ປາກ​ກະດິງ ກໍ​ໄດ້​ລາຍ​ງານ​ສະພາບ​ຕ່າງໆ​ຂອງ​ເມືອງ​ໃຫ້​ຫົວໜ້າ​ຄະນະ​ຈັດຕັ້ງສູນ​ກາງ​ພັກ ຊາບ​ວ່າ: ​ເມືອງ​ປາກ​ກະດິງ​ແບ່ງ​ເປັນ 4 ​ເຂດ​ຄຸ້ມ​ຄອງ, ມີ 47 ບ້ານ, ມີ​ພົນລະ​ເມືອງທັງ​ໝົດ 55.850 ກວ່າ​ຄົນ (ຍິງ 28.560 ກວ່າ​ຄົນ) ສ່ວນ​ໃຫຍ່​ຖື​ສາສະໜາ​ພຸດ. ປັດຈຸບັນ​ຍັງ​ມີ​ຄອບຄົວ​ທຸກ​ຍາກ 26 ຄອບຄົວ ​ໂດຍ​ໄດ້​ຮັບ​ການ​ຊີ້​ນຳ-ນຳພາ​ຈາກ​ການ​ນຳ​ຂັ້ນ​ແຂວງ-​ເມືອງ ​ໄດ້​ເຮັດ​ໃຫ້​ປະຊາຊົນ​ມີ​ຄວາມ​ຮັບ​ຮູ້ ​ແລະ ​ເຂົ້າ​ໃຈ​ເລິກ​ເຊິ່ງຕໍ່​ແນວທາງ​ນະ​ໂຍບາຍ​ຂອງ​ພັກ, ລະບຽບ​ກົດໝາຍ​ຂອງ​ລັດ, ​ເປັນ​ເຈົ້າການ​ຕື່ນ​ຕົວ​ປະຕິບັດ​ສິດ ​ແລະ ພັນທະ​ຕາມ​ລັດຖະທຳ​ມະນູນ ​ແລະ ລະບຽບ​ກົດໝາຍ​ໄດ້​ເປັນ​ຢ່າງ​ດີ ອັນ​ໄດ້​ເຮັດ​ໃຫ້​ສັງຄົມ​ມີ​ຄວາມ​ເປັນ​ລະບຽບ​ຮຽບຮ້ອຍ ​ແລະ ສະຫງົບ​ປອດ​ໄພ​ໂດຍ​ພື້ນຖານ, ປາກົດການ​ຫຍໍ້​ທໍ້​ຕ່າງ​ໆ​ໄດ້​ຮັບ​ການ​ແກ້​ໄຂ​ຢ່າງ​ຍຸຕິ​ທຳ ​ແລະ ພື້ນຖານ​ເສດຖະກິດ​ໄດ້​ມີ​ການ​ຂະຫຍາຍຕົວ​ຕໍ່​ເນື່ອງ​ດ້ວຍ​ຈັງຫວະ 7,1%. ນອກ​ນີ້ ມີ​ຫລາຍ​ຕົວ​ຊີ້​ວັດ​ຂອງ​ການ​ພັດທະນາ​ແບບ​ຍືນ​ຍົງ​ກໍ​ໄດ້​ບັນລຸ​ຄາດໝາຍ​ວາງ​ໄວ້​ເປັນ​ຢ່າງ​ດີ.

- Wave100S AD to Website 2020 0 - ຫົວໜ້າ​ຈັດຕັ້ງສູນ​ກາງ​ພັກ​ເນັ້ນ​ໃຫ້​ຄະນະ​ນຳ​ເມືອງ​ປາກ​ກະດິງ​ເອົາ​ໃຈ​ໃສ່​ວຽກ​ງານ ປກຊ-ປກສ
- WhatsApp Image 2020 05 27 at 5 - ຫົວໜ້າ​ຈັດຕັ້ງສູນ​ກາງ​ພັກ​ເນັ້ນ​ໃຫ້​ຄະນະ​ນຳ​ເມືອງ​ປາກ​ກະດິງ​ເອົາ​ໃຈ​ໃສ່​ວຽກ​ງານ ປກຊ-ປກສ
- WhatsApp Image 2020 05 27 at 5 - ຫົວໜ້າ​ຈັດຕັ້ງສູນ​ກາງ​ພັກ​ເນັ້ນ​ໃຫ້​ຄະນະ​ນຳ​ເມືອງ​ປາກ​ກະດິງ​ເອົາ​ໃຈ​ໃສ່​ວຽກ​ງານ ປກຊ-ປກສ
error: Alert: ເນື້ອຫາຂ່າວມີລິຂະສິດ !!