ໄຟຟ້າ​ນໍ້າ​ເທີນ 2 ​ແລະ ວິທະຍ​າ​ໄລ​ເຕັກ​ນິກລາວ-​ເຢຍລະ​ມັນຮ່ວມ​ມືພັດທະນາ​ບຸກຂະ​ລາ​ກອນ​ຂະ​ແໜງ​ໄຟຟ້າ​ພະລັງງານນໍ້າ

- Technique School - ໄຟຟ້າ​ນໍ້າ​ເທີນ 2 ​ແລະ ວິທະຍ​າ​ໄລ​ເຕັກ​ນິກລາວ-​ເຢຍລະ​ມັນຮ່ວມ​ມືພັດທະນາ​ບຸກຂະ​ລາ​ກອນ​ຂະ​ແໜງ​ໄຟຟ້າ​ພະລັງງານນໍ້າ
- Untitled design - ໄຟຟ້າ​ນໍ້າ​ເທີນ 2 ​ແລະ ວິທະຍ​າ​ໄລ​ເຕັກ​ນິກລາວ-​ເຢຍລະ​ມັນຮ່ວມ​ມືພັດທະນາ​ບຸກຂະ​ລາ​ກອນ​ຂະ​ແໜງ​ໄຟຟ້າ​ພະລັງງານນໍ້າ

ພິທີ​ເຊັນ​ບົດ​ບັນທຶກ​ຄວາມ​ເຂົ້າ​ໃຈເພື່ອ​ສືບ​ຕໍ່​ຂະຫຍາຍການ​ຮ່ວມ​ມື​ໃນ​ການ​ພັດທະນາ​ບຸກຂະ​ລາກ​ອນ ​ເພື່ອ​ຕອບ​ສະໜອງ​ຄວາມ​ຕ້ອງການ​ຂອງ​ຕະຫລາດ​ແຮງ​ງານ​​ໃນ​ຂະ​ແໜງອຸດ​ສາ​ຫະກຳ​ໄຟຟ້າ-ພະລັງ​ງານ​ນໍ້າ​ໄດ້ມີ​ຂຶ້ນ​ໃນ​ວັນ​ທີ 19 ກັນຍານີ້ ​ລະຫວ່າງ​ທ່ານ ​ໂອ​ລິ​ວີ​ເອ ດິດີຣ ຫົວໜ້າບໍລິຫານ​ໃຫຍ່ ບໍ​ລິ​ສັດໄຟຟ້າ​ນໍ້າ​ເທີນ 2 ​ແລະ ທ່ານ ຄຳ​ສະ​ໄຫວ ຍ່ອມ​ມີ​ລາ​ວົງ ວ່າການ​ຜູ້ ອຳນວຍການວິທະຍ​າ​ໄລ​ເຕັກ​ນິກລາວ​-ເຢຍລະ​ມັນ. ​

​ບົດ​ບັນທຶກຄວາມ​ເຂົ້າ​ໃຈ​ສະບັບດັ່ງກ່າວ ໄດ້ລະບຸວ່າ: ບໍ​ລິ​ສັດໄຟຟ້າ​ນໍ້າ​ເທີນ 2 ​ແລະ ວິທະຍ​າ​ໄລ​ເຕັກ​ນິກລາວ​-ເຢຍລະ​ມັນ ​ໄດ້​ຕົກລົງ​ເຫັນ​ດີທີ່​ຈະ​ສືບ​ຕໍ່​ຮ່ວມ​ມື​ເພື່ອ​ສ້າງ​ບຸກຂະ​ລາກ​ອນໃຫ້​ມີ​ຄວາມ​ຮູ້​ຄວາມ​ສາມາດ​ໃຫ້​ແກ່​ຂະ​ແໜງ​ໄຟຟ້າ​-ພະລັງງານ​ນໍ້າ​ໃນ​ໄລຍະ​ຍາວ, ​ເຊິ່ງ​ສອງ​ຝ່າຍຈະ​ຮ່ວມ​ມື​ກັນ ສ້າງ​ແຜນ​ປະຕິບັດ​ການ​ໃຫ້​ບັນລຸ​ຕາມຄວາມຕ້ອງການທາງ​ດ້ານ​ແຮງ​ງານ​ ຂອງ​ຂະ​ແໜງ​ໄຟຟ້າ​ພະລັງງານ​ນໍ້າ, ​ໂດຍບໍລິສັດຈະ​ໄດ້​ສະໜັບສະໜູນ ​ແລະ ພັດທະນາ​ຄູ່​ມື, ອຸປະກອນ​ການ​ສິດສອນ ​ເພື່ອ​ອຳນວຍ​ຄວາມ​ສະ​ດວກ ​ໃນ​ການ​ຈັດ​ຕັ້ງ​ປະຕິບັດການ​ຮຽນ-ການ​ສອນຫລັກສູດ​ໃໝ່ຂ​ອງສາຂາ​ວິຊາ​ໄຟຟ້າ ​ແລະ ກົນ​ຈັກໃຫ້​ມີ​ປະສິດທິພາບ, ສະໜັບສະໜູນທຶນ​ການ​ສຶກສາ​​ໄລ​ຍະ​ຍາວ ​ໃນ​ລະດັບ​ຊັ້ນ​ສູງ​ໃຫ້​ແກ່​ນັກຮຽນທີ່​ມາ​ຈາກແຂວງຄຳ​ມ່ວນ ທີ່​ສົນ​ໃຈຮຽນ​​ວິຊາ​ໄຟຟ້າ​-ພະລັງ​ງານ​ນໍ້າ ​ແລະ​ ກົນ​ຈັກ ເປັນໄລຍະເວລາ 3 ປີຈໍານວນ 7 ທຶນ​, ສະໜອງການ​ຝຶກ​ອົບຮົມ​ດ້ານ​ວິຊາ​ທີ່​ເໝາະສົມ​ໃຫ້​ພະນັກງານ​ໄຟຟ້າ​ນໍ້າ​ເທີນ 2, ​ແລກປ່ຽນການ​ຝຶກ​ງານຂອງ​ນັກ​ສຶກສາ (3 ຄົນ​ຕໍ່​ປີ) ​ແລະ ຝຶກ​ອົບຮົມ​ໃຫ້​ຄູ-ອາຈານ (2 ຄົນ​ຕໍ່​ປີ), ​ແລກປ່ຽນຄວາມ​ຮູ້​ດ້ານ​ວິຊາ​ການ ​ແລະ ປະສົບ​ການ​ຕົວ​ຈິງ​ລະຫວ່າງ​ພະນັກງານຂອງ​ບໍ​ລິ​ສັດໄຟຟ້າ​ນໍ້າ​ເທີນ 2 ​ກັບ​ບັນດາ​ຄູ-ອາຈານ ​ແລະ ນັກ​ສຶກສາຂອງວິທະຍ​າ​ໄລ​ເຕັກ​ນິກລາວ​-ເຢຍລະ​ມັນ ​ໂດຍ​ຜ່ານ​ກິດຈະກຳ “ວັນ​ໄຟຟ້າ​ພະລັງງານ​ນໍ້າ” ທີ່​​ຈັດ​ຂຶ້ນ​ໃນ​ທຸກໆປີ.

- Wave100S AD to Website 2020 0 - ໄຟຟ້າ​ນໍ້າ​ເທີນ 2 ​ແລະ ວິທະຍ​າ​ໄລ​ເຕັກ​ນິກລາວ-​ເຢຍລະ​ມັນຮ່ວມ​ມືພັດທະນາ​ບຸກຂະ​ລາ​ກອນ​ຂະ​ແໜງ​ໄຟຟ້າ​ພະລັງງານນໍ້າ
- WhatsApp Image 2020 05 27 at 5 - ໄຟຟ້າ​ນໍ້າ​ເທີນ 2 ​ແລະ ວິທະຍ​າ​ໄລ​ເຕັກ​ນິກລາວ-​ເຢຍລະ​ມັນຮ່ວມ​ມືພັດທະນາ​ບຸກຂະ​ລາ​ກອນ​ຂະ​ແໜງ​ໄຟຟ້າ​ພະລັງງານນໍ້າ
- WhatsApp Image 2020 05 27 at 5 - ໄຟຟ້າ​ນໍ້າ​ເທີນ 2 ​ແລະ ວິທະຍ​າ​ໄລ​ເຕັກ​ນິກລາວ-​ເຢຍລະ​ມັນຮ່ວມ​ມືພັດທະນາ​ບຸກຂະ​ລາ​ກອນ​ຂະ​ແໜງ​ໄຟຟ້າ​ພະລັງງານນໍ້າ
error: Alert: ເນື້ອຫາຂ່າວມີລິຂະສິດ !!