6 ວິທີຊ່ວຍເລັ່ງເສັ້ນຜົມໃຫ້ຍາວໄວຂຶ້ນສຳລັບທ່ານຊາຍ

- 011909 2018 - 6 ວິທີຊ່ວຍເລັ່ງເສັ້ນຜົມໃຫ້ຍາວໄວຂຶ້ນສຳລັບທ່ານຊາຍ
- Untitled design - 6 ວິທີຊ່ວຍເລັ່ງເສັ້ນຜົມໃຫ້ຍາວໄວຂຶ້ນສຳລັບທ່ານຊາຍ
  1. ກິນອາຫານບຳລຸງເສັ້ນຜົມ: ສານອາຫານບາງຊະນິດມີຄຸນສົມບັດຊ່ວຍໃນການເລັ່ງການຈະເລີນເຕີບໃຫຍ່ຂອງເສັ້ນຜົມໃຫ້ຍາວໄວຂຶ້ນ, ຊ່ວຍບຳລຸງເສັ້ນຜົມໃຫ້ນຸ້ມ, ຊຸ່ມຊື່ນເຫລື້ອມງາມ ແລະ ບໍ່ຂາດຫລົ່ນງ່າຍ ສານອາຫານເຫລົ່ານີ້ ໄດ້ແກ່ : ໂປຣຕິນຄຸນນະພາບສູງ, ໂອເມກ້າ 3, ໄບໂອຕິກ ແລະ ວິຕາມິນເບຕ່າງໆ ເຊິ່ງສານອາຫານເຫລົ່ານີ້ພົບໄດ້ໃນພືດ ເຊັ່ນ : ຖົ່ວຫລາຍຊະນິດ, ຜັກໃບຂຽວ, ໄຂ່ໄກ່, ໝາກອະໂວກາໂດ້ ແລະ ປາແຊວມັອນ ເປັນຕົ້ນ ທ່ານຄວນຫາອາຫານເຫລົ່ານີ້ມາກິນເປັນປະຈຳເພື່ອບຳລຸງເສັ້ນຜົມ.
  2. ຢ່າຫວີຜົມຫລາຍເທື່ອ ໂດຍສະເພາະຕອນຜົມປຽກ :ເຖິງວ່າການຫວີຜົມເປັນສິ່ງທີ່ດີ ເພາະມັນຊ່ວຍໃຫ້ການກະຕຸ້ນໜັງຫົວ ແລະ ຕ່ອມຜະລິດໄຂມັນໃຫ້ເຮັດວຽກດີຂຶ້ນ ເຮັດໃຫ້ເສັ້ນຜົມຊຸ່ມຊື່ນເຫລື້ອມງາມ, ແຕ່ການຫວີຜົມຫລາຍເທື່ອເກີນໄປກໍບໍ່ດີ ໂດຍສະເພາະຕອນຜົມປຽກ ເພາະຕອນນັ້ນເປັນຕອນທີ່ຜົມອ່ອນແອ, ບາງ ແລະ ຂາດຫລົ່ນໄດ້ງ່າຍທີ່ສຸດ.
  3. ຢ່າໃຊ້ຄວາມຮ້ອນກັບເສັ້ນຜົມ : ຄວນຫລີກເວັ້ນການສະຜົມດ້ວຍນຳ້ຮ້ອນ ເພາະຈະຍິ່ງເຮັດໃຫ້ຜົມບາງ ແລະ ຂາດງ່າຍ ທັງຍັງເຮັດໃຫ້ໜັງຫົວແຫ້ງ ສົ່ງຜົນໃຫ້ເສັ້ນຜົມນານຍາວ. ຖ້າຈະໃຫ້ດີ ເມື່ອໃຊ້ຜ້າຂົນໜູເຊັດແລ້ວ ໃຫ້ໃຊ້ລົມເຢັນເປົ່າໃຫ້ແຫ້ງໄປເອງຈະດີຕໍ່ສຸຂະພາບເສັ້ນຜົມທີ່ສຸດ.
  4. ເລັມ ຫລື ຕັດປາຍຜົມອອກເປັນປະຈຳ : ຖ້າຢາກໃຫ້ຜົມຍາວໄວຂຶ້ນກ່ວາເກົ່າ ເຕັກນິກໜຶ່ງທີ່ຈະຊ່ວຍໄດ້ແມ່ນການໃຊ້ມີດຕັດເລັມປາຍຜົມອອກ ປະມານ 2 ມິນລີແມັດເປັນປະຈຳທຸກໆ 2 – 3 ອາທິດ ເພື່ອໃຫ້ສານອາຫານແລ່ນສູ່ປາຍເສັ້ນຜົມໄດ້ດີຂຶ້ນ ເຮັດໃຫ້ຜົມຍາວໄວຂຶ້ນກ່ວາການບໍ່ຍອມຕັດອອກເລີຍ.
  5. ດື່ມນຳ້ໃຫ້ພຽງພໍຕໍ່ມື້ຢ່າງໜ້ອຍມື້ລະ 1 ລິດ : ການດື່ມນຳ້ມື້ລະ 8 – 10 ຈອກ ຫລື ມື້ລະ 1 ລິດ ຈະຊ່ວຍໃຫ້ຜົມຍາວໄວຂຶ້ນໄດ້ ເພາະຮ່າງກາຍຈະມີຄວາມຊຸ່ມຊື່ນພຽງພໍທີ່ຈະສົ່ງຄວາມຊຸ່ມຊື່ນນີ້ໄປຫລໍ່ລ້ຽງເສັ້ນຜົມ ແລະ ນຳ້ກໍເປັນສິ່ງສຳຄັນທີ່ຊ່ວຍເຮັດໃຫ້ເສັ້ນຜົມ ແລະ ໜັງຫົວມີຄວາມຊຸ່ມຊື່ນ ເຊິ່ງຈຳເປັນຕໍ່ການເຕີບໃຫຍ່ ແລະ ແຂງແຮງຂອງເສັ້ນຜົມ.
  6. ນອນໝູນປອກໝອນຜ້າຊາຕິນ ຫລື ຜ້າໄໝ : ຫລາຍຄົນຄິດວ່າມັນບໍ່ໜ້າຈະກ່ຽວຂ້ອງກັນ ແຕ່ຄວາມຈິງແລ້ວມັນກ່ຽວ ເພາະການໃຊ້ປອກໝອນທີ່ເຮັດຈາກຜ້າຊາຕິນ ຫລື ຜ້າໄໝຈະບໍ່ດູດຄວາມຊຸ່ມຊື່ນຈາກເສັ້ນຜົມຄືກັບຜ້າໄຍສັງເຄາະຊະນິດອື່ນໆ ພ້ອມຫລຸດການເກີດໄຟຟ້າສະຖິດທີ່ເຮັດໃຫ້ຜົມແຫ້ງ ແລະ ຊີ້ຟູນຳອີກ.
- Wave100S AD to Website 2020 0 - 6 ວິທີຊ່ວຍເລັ່ງເສັ້ນຜົມໃຫ້ຍາວໄວຂຶ້ນສຳລັບທ່ານຊາຍ
- WhatsApp Image 2020 05 27 at 5 - 6 ວິທີຊ່ວຍເລັ່ງເສັ້ນຜົມໃຫ້ຍາວໄວຂຶ້ນສຳລັບທ່ານຊາຍ
- WhatsApp Image 2020 05 27 at 5 - 6 ວິທີຊ່ວຍເລັ່ງເສັ້ນຜົມໃຫ້ຍາວໄວຂຶ້ນສຳລັບທ່ານຊາຍ
error: Alert: ເນື້ອຫາຂ່າວມີລິຂະສິດ !!