ເຫດຜົນ 5 ຂໍ້ທີ່ທ່ານ ມາກຣົງ ຊະນະເລືອກຕັ້ງປະທານາທິບໍດີຝຣັ່ງ

- 95962889  95883739 gettyimages 675517598 - ເຫດຜົນ 5 ຂໍ້ທີ່ທ່ານ ມາກຣົງ ຊະນະເລືອກຕັ້ງປະທານາທິບໍດີຝຣັ່ງ
- Untitled design - ເຫດຜົນ 5 ຂໍ້ທີ່ທ່ານ ມາກຣົງ ຊະນະເລືອກຕັ້ງປະທານາທິບໍດີຝຣັ່ງ
- 95962889  95883739 gettyimages 675517598 300x169 - ເຫດຜົນ 5 ຂໍ້ທີ່ທ່ານ ມາກຣົງ ຊະນະເລືອກຕັ້ງປະທານາທິບໍດີຝຣັ່ງ
ທ່ານ ມາກຣົງ ເຊິ່ງມີອາຍຸພຽງ 39 ປີ ແລະ ມາຈາກພັກການເມືອງນ້ອງໃໝ່ ຊະນະການເລືອກຕັ້ງປະທານາທິບໍດີຝຣັ່ງໄດ້ແນວໃດ ?

​      ຜົນ​ການ​ເລືອກ​ຕັ້ງປະທານາທິບໍດີ​ຝຣັ່ງຮອບ​ຕັດສິນ​ຢ່າງ​ເປັນ​ທາງ​ການ ​​ເຊິ່ງປະກາດ​ອອກ​ມາ​ພາຍຫລັງ​ການ​ນັບ​ຄະ​ແນນ​ທົ່ວ​ປະ​ເທດສິ້ນສຸດ​ລົງ​ເປີດ​ເຜີຍ​ວ່າ: ທ່ານ ​ເອັມມາ​ນູ​ເອລ ມາກຣົງ ຜູ້​ສະໝັກ​ຝ່າຍ​ເສລີ​ນິຍົມ​ສາຍ​ກາງ ​ໄດ້​ຄະ​ແນນ​ທັງ​ໝົດ 20,7 ລ້ານ​ສຽງ ​ເອົາ​ຊະນະ​ທ່ານ​ນາງ ມາຣີນ ​ເລີ ​ເປ​ນ ຜູ້​ສະໝັກ​ຝ່າຍ​ຊ້າຍ​ນິຍົມ​ຂວາ​ຈັດ ​ໄດ້ຄະ​ແນນ 10,6 ລ້ານ​ສຽງ ​ໄປ​ໄດ້​ຢ່າງ​ສະຫງ່າ​ງາມ.

​ໄຊຊະນະ​ຂອງ​ທ່ານ ມາກຣົງ ມາ​ຈາກ​ການ​ທີ່​ປະຊາຊົນ​ເຖຄະ​ແນນ​ໃຫ້​ທ່ານ​ເຖິງ 66% ​ເຊິ່ງ​ສູງ​ກວ່າ​ທ່ານ​ນາງ ​ເລີ ​ເປ​ນ ກວ່າ​ເຄິ່ງໜຶ່ງ, ​ເຖິງ​ວ່າ​ຈຳນວນ​ຜູ້​ມາ​ໃຊ້​ສິດ​ອອກສຽງ​ໃນ​ການ​ເລືອກ​ຕັ້ງ​ເທື່ອ​ນີ້​ຈະ​ມີ​ພຽງ 74% ​ເຊິ່ງຖື​ວ່າ​ຕໍ່າ​ສຸດ​ໃນ​ຮອບ​ເຄິ່ງສະຕະວັດ​ກໍ​ຕາມ.

- Wave100S AD to Website 2020 0 - ເຫດຜົນ 5 ຂໍ້ທີ່ທ່ານ ມາກຣົງ ຊະນະເລືອກຕັ້ງປະທານາທິບໍດີຝຣັ່ງ

ມີ​ປັດ​ໄຈ​ຫລາຍ​ປະການ​ທີ່​ເຮັດ​ໃຫ້​ທ່ານ ມາກຣົງ ສາມາດ​ຄວ້າ​ໄຊ​ທາງ​ການ​ເມືອງ​ເທື່ອ​ນີ້​ໄປ​ໄດ້ ​ໂດຍ ​ເບັກ​ກີ້ ​ແບຣນຟອດ ນັກ​ຂ່າວ​ການ​ເມືອງ​ເອີຣົບຂອງ BBC ວິ​ເຄາະ​ວ່າ: ການ​ທີ່​ທ່ານ ມາກຣົງ ​ໄດ້​ເປັນ​ວ່າ​ທີ່​ຜູ້ນຳ ​ເຊິ່ງມີ​ອາຍຸ​ນ້ອຍ​ທີ່​ສຸດ​ຂອງຝຣັ່ງນັ້ນ ມີ​ສາ​ເຫດ​ 5 ປະການ​ດຄື:

  1. ​ໂຊກ​ຊ່ວຍ: ທ່ານ ມາກຣົງ ບໍ່​ອາດ​ປະຕິ​ເສດ​ໄດ້​ວ່າ ສະຖານະ​ການ​ທີ່​ພິກ​ປີ້ນ​ໄປ​ຢ່າງ​ວ່ອງ​ໄວ​ຈົນ​ຄາດ​ບໍ່​ເຖິງ​ໃນ​ລະຫວ່າງ​ການ​ຫາ​ສຽງ​ນັ້ນ ​ເປັນ​ສ່ວນ​ໜຶ່ງ​ທີ່​ຊ່ວຍ​ໃຫ້​ທ່ານ​ມາ​ຢືນ​ໃນ​ຈຸດ​ສູງ​ສຸດ​ໄດ້. ການ​ທີ່​ທ່ານ ຟຣັງຊົວ ຟິຍົງ ​ແລະ ທ່ານ ​ເບີ​ນົວ ອາ​ມົງ ຜູ້​ສະໝັກ​ຈາກ​ພັກ​ການ​ເມືອງ​ສຳຄັນ​ພົວພັນ​ເລື່ອງ​ສໍ້​ລາດ​ບັງ​ຫລວງດຶງ​ຄະ​ແນນ​ນິຍົມ​ໃຫ້​ຕົກ​ຕໍ່າລົງ ​ເຮັດ​ໃຫ້​ຜູ້​ອອກສຽງ​ເລືອກ​ຕັ້ງທີ່​ເຄີຍ​ເປັນ​ຖານ​ສຽງ​ຂອງ​ຜູ້​ສະໝັກ​ສອງ​ທ່ານ​ນີ້ ຈຳ​ເປັນ​ຕ້ອງ​ເບິ່ງ​ຫາ​ທາງ​ເລືອກ​ໃໝ່​ໃນ​ການ​ເລືອກ​ຕັ້ງຮອບ​ຕັດສິນ.
  2. ມີ​ໄຫວ​ພິບ​ສະຫລຽວ​ສະຫລາດ: ທ່ານ ມາກຣົງ ນັ້ນ​ເບິ່ງ​ການ​ໄກ ​ແລະ ສາມາດ​ເບິ່ງ​ເຫັນ​ໂອກາດ​ທີ່​ບໍ່​ມີ​ໃຜ​ເບິ່ງ​ເຫັນ​ມາ​ກ່ອນ​ໄດ້, ທ່ານ​ບໍ່​ຍອມ​ລົງ​ເລືອກ​ຕັ້ງ​ໃນ​ນາມ​ຂອງ​ພັກ​ສັງຄົມ​ນິຍົມ​ ທັງ​ສາມາດ​ເຮັດ​​ໄດ້ ​ເພາະ​ຫລິ່ງ​ເຫັນ​ວ່າ​ພັກ​ການ​ເມືອງ​ໃຫຍ່​ໃນ​ກະ​ແສ​ສຳຄັນ​ຈະ​ບໍ່​ໄດ້​ຮັບ​ຄວາມ​ນິຍົມ​ຈາກ​ຊາວ​ຝຣັ່ງອີກ​ຕໍ່​ໄປ. ຂະນະ​ທີ່​ພັກ​ການ​ເມືອງ​ນ້ອງ​ໃໝ່​ໃນ​ຮູບ​ແບບ​ຂອງ​ຂະ​ບວນການ​ເຄື່ອນ​ໄຫວ​ພວມ​ເປັນ​ທີ່​ນິຍົມ​ທົ່ວ​ເອີຣົບ ​ເຮັດ​ໃຫ້​ທ່ານ​ສ້າງຕັ້ງພັກ​ອອງມາຣ໌ (​ເດີນ​ໜ້າ) ​ແລະ ປະສົບ​ຜົນສຳ​ເລັດ​ໃນ​ເວລາ​ອັນ​ສັ້ນ.

    - 95962890  95900161 039307204 1 300x169 - ເຫດຜົນ 5 ຂໍ້ທີ່ທ່ານ ມາກຣົງ ຊະນະເລືອກຕັ້ງປະທານາທິບໍດີຝຣັ່ງ
    ການຫາສຽງຂອງທ່ານ ມາກຣົງ ໃຫ້ພາບພົດທາງບວກທີ່ສົດໃໝ່ ຂະນະທີ່ການຫາສຽງຂອງນາງ ເລີ ເປນ ໃຫ້ພາບພົດໃນທາງລົບ

  3. ລິ​ເລີ່​ມກົນລະຍຸດ​ຫາ​ສຽງ​ແບບ​ໃໝ່: ທີ​ມງານ​ຫາ​ສຽງ​ຂອງ​ທ່ານ ມາກຣົງ ນຳ​ກົນລະຍຸດ​ແບບ​ໃໝ່ ​ເຊິ່ງ​ເປັນ​ແບບ​ດຽວ​ກັບ​ການ​ເນັ້ນສ້າງ​ຖານ​ສຽງ​ຮາກ​ຫຍ້າ​ໃນ​ການ​ເລືອກ​ຕັ້ງປີ 2008 ຂອງ​ອະດີດ​ປະທານາທິບໍດີ ​ໂອ​ບາ​ມາ ມາ​ໃຊ້ ​ໂດຍ​ໃຫ້​ທີ​ມງານ​ຍ່າງ​ເຄາະ​ປະຕູ​ເຮືອນ​ເຖິງ 300.000 ຫລັງທົ່ວ​ປະ​ເທດ ​ເພື່ອ​ເກັບ​ກຳ​ຂໍ້​ມູນ​ຜູ້​ອອກສຽງ​ເລືອກ​ຕັ້ງ, ທັງ​ຍັງ​ມີ​ການ​ສຳພາດ​ເປັນ​ເວລາ 15 ນາທີ​ກັບ​ຜູ້​ອອກສຽງ 25.000 ຄົນ​ນຳ​ອີກ ​ເຮັດ​ໃຫ້​ມີ​ຂໍ້​ມູນ​ໃໝ່​ໃຊ້​ໃນ​ການວາງ​ແຜນ​ຫາ​ສຽງ​ໄດ້​ດີ ​ແລະ ​ເປັນ​ການ​ຕິດ​ຕໍ່​ສ້າງ​ການ​ພົວພັນ​ກັບ​ຖານ​ສຽງ​ນຳ​ອີກ.
  4. ສົ່ງ​ສານ​ທາງ​ບວກ: ​ເຖິງ​ວ່າ​ທ່ານ ມາກຣົງ ຈະ​ມີ​ເບື້ອງຫລັງ​ກ່ຽວ​ຂ້ອງ​ກັບ​ກຸ່ມ​ອຳນາດ​ສຳຄັນ​ ​ເຊັ່ນ​ເປັນ​ອະດີດ​ລັດຖະມົນຕີ​ເສດຖະກິດ ​ແລະ ​ເປັນ “​ເດັກ​ສ້າງ” ຂອງ​ປະທານາທິບໍດີ ຟຣັງຊົວ ​ໂອນ​ລອງ, ​ແຕ່​ທ່ານ​​ໄດ້​ພະຍາຍາມ​ສະ​ແດງ​ບົດບາດ​ກົງກັນຂ້າມທີ່​ແຍກ​ຕົວ​ອອກ​ມາ​ຈາກ​ກຸ່ມ​ຊົນ​ຊັ້ນນຳ ລວມທັງ​ສ້າງ​ຄວາມ​ຫວັງ​ໃຫ້​ກຸ່ມ​ຜູ້​ອອກສຽງ​ສ່ວນ​ຫລາຍ​ທີ່​ເປັນ​ຄົນ​ລະດັບ​ຕໍ່າ ​ໂດຍ​ທ່ານ​ເປັນ​ຜູ້ນຳ​ຂະ​ບວນການ​ຮາກ​ຫຍ້າ ​ແລະ ມີ​ແຜນ​ປະຕິ​ຮູບ​ພາກ​ລັດ​ໃໝ່​ຫລາຍ​ແຜນການ. ຜູ້​ອອກ​ສຽງ​ຈຳນວນ​ຫລາຍ​ເບິ່ງ​ວ່າ​ທ່ານ​ເປັນ​ຄົນ​ໜຸ່ມ​ທີ່​ມີ​ພະລັງ​ຊຸກ​ດັນ​ສ້າງ​ໂອກາດ​ໃໝ່​ໃຫ້​ແກ່​ປະຊາຊົນ​ທົ່ວ​ໄປ​ໄດ້ ​ແລະ ​ເປັນ​ຜູ້​ສະໝັກ​ພຽງ​ຄົນ​ດຽວ​ທີ່​ສົ່ງ​ສານ​ທາງ​ບວກ​ແບບ​ນີ້​ອອກ​ມາ​ລຶບລ້າງ​ບັນຍາກາດ​ທີ່​ເສົ້າໝອງ​ເບິ່ງ​ໂລກ​ມີ​ແງ່​ຮ້າຍ​ຂອງ​ຊາວ​ຝຣັ່ງ​ໃນ​ຫລາຍ​ປີຜ່ານມາ.
  5. ​ໄດ້​ຊິງ​ໄຊ​ຮອບ​ຕັດສິນ​ກັບ​ນາງ ​ເລີ​ ​ເປ​ນ: ການ​ສົ່ງ​ສານ​ທາງ​ບວກ​ຂອງ​ທ່ານ ມາກຣົງ ນັ້ນ ກົງກັນຂ້າມ​ຢ່າງ​ຈະ​ແຈ້ງ​ກັບ​ສານ​ທີ່​ໃຫ້​ຄວາມ​ຮູ້ສຶກ​ທາງ​ລົບ​ຂອງ​ທ່ານ​ນາງ ​ເລີ ​ເປ​ນ ​ເຊິ່ງວ່າ​ດ້ວຍ​ການ​ຕໍ່ຕ້ານ​ທຸກ​ສິ່ງ ບໍ່​ວ່າ​ຈະ​ເປັນ​ການ​ຕໍ່ຕ້ານ​ຜູ້​ອົບ​ພະຍົບ, ຕໍ່ຕ້ານ​ສະຫະພາບ​ເອີຣົບ ​ແລະ ຕໍ່ຕ້ານ​ລະບອບ​ຂອງ​ກຸ່ມ​ອຳນາດ​ສຳຄັນ. ຂະນະ​ທີ່​ເວທີ​ຫາ​ສຽງ​ຂອງ​ທ່ານ ມາກຣົງ ​ເຕັມ​​ແຕ່​ສີສັນ​ສົດ​ໃສ ​ແລະ ສຽງ​ເພງ, ​ເວທີ​ຫາ​ສຽງ​ຂອງ​ນາງ ​ເລີ ​ເປ​ນ ພັດ​ມີ​ແຕ່​ຄົນ​ສະ​ແດງ​ອາລົມ​ຄຽດ​ແຄ້ນ, ດຶກ​ຕຸກ​ນ້ຳ ​ແລະ ຍິງ​ບັ້ງ​ໄຟ​ດອກ, ມີ​ຕຳຫລວດ​ຮັກສາ​ຄວາມ​ປອດ​ໄພ​ໜາ​ແໜ້ນ, ການ​ປາ​ໄສ​ທີ່​ເນັ້ນສ້າງຄວາມ​ຢ້ານ​ກົວ​ຂອງ​ນາງ ​ເລີ ​ເປ​ນ ຍິ່ງ​​ເຮັດ​ໃຫ້​ຜູ້​ອອກສຽງ​ສ່ວນ​ຫລາຍ​ຢ້ານ​ກົວ​ຕໍ່​ຄວາມ​ບໍ່​ແນ່ນອນ​ໄຮ້​ສະຖຽນ​ລະ​ພາບ​ທີ່​ອາດ​ເກີດ​ຂຶ້ນພາຍ​ໃຕ້​ການ​ນຳ​ຂອງ​ນາງ ຈຶ່ງ​ເຮັດ​ໃຫ້​ທ່ານ ມາກຣົງ ​ເປັນ​ທາງ​ເລືອກ​ທີ່​ປອດ​ໄພ​ກວ່າ ​ເພື່ອ​ສະກັດ​ກັ້ນນາງ ​ເລີ ​ເປ​ນ ບໍ່​ໃຫ້​ຂຶ້ນສູ່​ຕຳ​ແໜ່​ງຜູ້ນຳ​ຝຣັ່ງ.
- WhatsApp Image 2020 05 27 at 5 - ເຫດຜົນ 5 ຂໍ້ທີ່ທ່ານ ມາກຣົງ ຊະນະເລືອກຕັ້ງປະທານາທິບໍດີຝຣັ່ງ
- WhatsApp Image 2020 05 27 at 5 - ເຫດຜົນ 5 ຂໍ້ທີ່ທ່ານ ມາກຣົງ ຊະນະເລືອກຕັ້ງປະທານາທິບໍດີຝຣັ່ງ
error: Alert: ເນື້ອຫາຂ່າວມີລິຂະສິດ !!