ຈີນຮຽກຮ້ອງທຸກຝ່າຍ ຮ່ວມແກ້ໄຂບັນຫາເສດຖະກິດໂລກ

- 750x422 813533 1537399328 - ຈີນຮຽກຮ້ອງທຸກຝ່າຍ ຮ່ວມແກ້ໄຂບັນຫາເສດຖະກິດໂລກ
- Untitled design - ຈີນຮຽກຮ້ອງທຸກຝ່າຍ ຮ່ວມແກ້ໄຂບັນຫາເສດຖະກິດໂລກ

ທ່ານ ຫລີ ​ເຄີ້ສຽງ ນາຍົກລັດຖະມົນຕີຈີນ ຮຽກຮ້ອງ​ໃຫ້​ທຸກ​ຝ່າຍ​ທີ່​ກ່ຽວຂ້ອງ​ເຂົ້າຮ່ວມ​ກັນຫາ​ລື​ກ່ຽວ​ກັບ​ບັນຫາ​ທີ່​ເສດຖະກິດ​ໂລກ​ກຳລັງ​ຜະ​ເຊີນ​ຢູ່ ​ເພື່ອ​ໃຫ້​ມີ​ການ​ພັດທະນາ​ຮ່ວມ​ກັນ ​ເຊິ່ງຈະ​ນຳ​ໄປ​ສູ່​ຄວາມ​ໝັ້ນຄົງ.

ທ່ານ ຫລີ ​ເຄີ້ສຽງ ສະ​ແດງ​ຄວາມ​ເຫັນ​ດັ່ງກ່າວ​ຕໍ່​ທ່ານ ​ເດ​ລາ ຊວາ​ບ ຜູ້​ກໍ່ຕັ້ງ​ເວິລ ອິ​ໂຄ​ໂນ​ມິກ ຟໍຣຳ (WEF) ​ເຊິ່ງຈັດ​ຂຶ້ນທີ່​ເມືອງ​ທຽນ​ຈິນຂອງ​ຈີນ ​ໃນ​ວັນ​ທີ 19 ກັນຍາ​ນີ້ ​ໂດຍ​ບອກ​ວ່າ: ການ​ຮ່ວມ​ມື​ຂອງ​ຈີນ​ກັບ WEF ບໍ່​ພຽງ​ແຕ່​ເຮັດ​ໃຫ້​ເກີດ​ແຜນ​ສຳລັບ​ການ​ສື່ສານ​ກັນ​ລະຫວ່າງ​ພາກ​ທຸລະ​ກິດ​ຂອງ​ຈີນ ​ແລະ ຕ່າງປະ​ເທດ, ​ແຕ່​ຍັງ​ເຮັດ​ໃຫ້​ເກີດ​ຊ່ອງ​ທາງ​ໃຫ້​ໂລກ​ມີ​ຄວາມ​ເຂົ້າ​ໃຈ​ຕໍ່​ຈີນ​ດີ​ຂຶ້ນ. ປັດຈຸບັນ ຈີນ​ກຳລັງ​ຜະ​ເຊີນ​ກັບ​ຄວາມ​ຍາກ​ລຳບາກ ​ແລະ ຄວາມ​ທ້າ​ທາຍ​ຫລາຍ​ຂຶ້ນ​ໃນ​ການ​ພັດທະນາ​ເສດຖະກິດ.

ທ່ານ ຫລີ ​ເຄີ້ສຽງ ລະບຸ​ອີກ​ວ່າ: ຈີນ​ຈະ​ຍັງ​ບໍ່​ມີ​ການ​ປ່ຽນ​ແປງ​ຄັ້ງ​ໃຫຍ່​ຕໍ່​ນະ​ໂຍບາຍ​ເສດຖະກິດ​ມະຫາ​ພາກ, ​ແຕ່​ຈະ​ໃຫ້​ຄວາມ​ສຳຄັນ​ຫລາຍ​ຂຶ້ນຕໍ່​ການ​ໃຊ້​ມາດ​ຕະການ​ປ້ອງ​ກັນ​ລ່ວງ​ໜ້າ ​ແລະ ປັບປຸງ​ລາຍ​ລະອຽດ​ໃນ​ນະ​ໂຍບາຍ​ຕ່າງໆ. ອີກ​ທັງ ຈີນ​ຈະ​ບໍ່​ຫລຸດ​ຄ່າ​ເງິນ​ຢວນ​ເພື່ອ​ກະ​ຕຸ້ນ​ການ​ສົ່ງ​ອອກ​ຂອງ​ປະ​ເທດ ​ໂດຍ​ຈະ​ຍັງ​ຍຶດໝັ້ນ​ໃນ​ການ​ປະຕິ​ຮູບ​ກົນ​ໄກ​ການ​ກຳນົດ​ອັດຕາ​ແລກປ່ຽນ​ແບບ​ອີງ​ຕະຫລາດ ລວມທັງ​ສ້າງ​ປັດ​ໄຈ​ແວດ​ລ້ອມ​ສຳລັບ​ອັດຕາ​ແລກປ່ຽນ​ທີ່​ມີ​ສະຖຽນ​ລະ​ພາບ.

- Wave100S AD to Website 2020 0 - ຈີນຮຽກຮ້ອງທຸກຝ່າຍ ຮ່ວມແກ້ໄຂບັນຫາເສດຖະກິດໂລກ
- WhatsApp Image 2020 05 27 at 5 - ຈີນຮຽກຮ້ອງທຸກຝ່າຍ ຮ່ວມແກ້ໄຂບັນຫາເສດຖະກິດໂລກ
- WhatsApp Image 2020 05 27 at 5 - ຈີນຮຽກຮ້ອງທຸກຝ່າຍ ຮ່ວມແກ້ໄຂບັນຫາເສດຖະກິດໂລກ
error: Alert: ເນື້ອຫາຂ່າວມີລິຂະສິດ !!