ຜູ້ນຳ IS ຢູ່ອັບການິດສະຖານຖືກສັງຫານແລ້ວ

- 95963556 92a6985e d10c 4e40 b736 74f72482003f - ຜູ້ນຳ IS ຢູ່ອັບການິດສະຖານຖືກສັງຫານແລ້ວ
- Untitled design - ຜູ້ນຳ IS ຢູ່ອັບການິດສະຖານຖືກສັງຫານແລ້ວ
- 95963556 92a6985e d10c 4e40 b736 74f72482003f 300x169 - ຜູ້ນຳ IS ຢູ່ອັບການິດສະຖານຖືກສັງຫານແລ້ວ
ກອງກຳລັງອັບການິດສະຖານ ເຊິ່ງສະໜັບສະໜູນໂດຍອາເມລິກາ ເລັ່ງດຳເນີນປະຕິບັດການປາບປາມ IS ຢ່າງໜັກໃນໄລຍະຜ່ານມາ

ທຳນຽບຂອງ​ປະທານາທິບໍດີ ອັດຣາບ ກາ​ນີ ​ແຫ່ງ​ອັບ​ກາ​ນິດ​ສະຖານ ຖະ​ແຫລ​ງວ່າ: ທ້າວ ອັບ​ດຸນ ຮາ​ຊິ​ບ ຜູ້ນຳ​ກຸ່ມ​ທີ່​ເອີ້ນ​ຕົນ​ເອງ​ວ່າ​ລັດ​ອິສລາມ (IS) ຢູ່​ອັບ​ກາ​ນິດ​ສະຖານ ຖືກ​ສັງຫານ​ເສຍ​ຊີວິດ​ແລ້ວ​ເມື່ອ 10 ວັນ​ກ່ອນ ​ໃນ​ປະຕິບັດ​ການ​ໂຈມ​ຕີ​ຂອງ​ກຳລັງ​ພິ​ເສດ​ ຢູ່​ແຂວງ​ນານ​ກາ​ຮາ ທາງ​ຕາ​ເວັນ​ອອກ​ຂອງ​ປະ​ເທດ.

​ໃນ​ເດືອນ​ຜ່ານ​ມາ, ກະຊວງ​ປ້ອງ​ກັນ​ປະ​ເທດ​ອາ​ເມ​ລິ​ກາ ຖະ​ແຫລ​ງ​ເຊັ່ນ​ດຽວ​ກັນ​ວ່າ: ທ້າວ ຮາ​ຊິນ ອາດ​ເສຍ​ຊີວິດ​ແລ້ວ​ໃນ​ປະຕິບັດ​ການ​ໂຈມ​ຕີ​ທາງ​ອາກາດ​ຂອງ​ກອງທັບ​ອາ​ເມ​ລິ​ກາ ​ເຊິ່ງມີ​ກອງ​ກຳລັງ​ພິ​ເສດ​ຂອງ​ລັດຖະບານ​ອັບ​ກາ​ນິດ​ສະຖານ​ສະໜັບສະໜູນ.

ກ່ອນ​ໜ້າ​ນີ້​ຄາດ​ກັນ​ວ່າ: ທ້າວ ຮາ​ຊິນ ຄື​ຜູ້​ຢູ່​ເບື້ອງຫລັງ​ການ​ໂຈມ​ຕີ​ໂຮງໝໍ​ທະຫານ​ຢູ່​ນະຄອນຫລວງ​ກາ​ບູນ ​ໃນ​ເດືອນ​ມີນາ​ຜ່ານ​ມາ ​ເຊິ່ງ​ເຮັດ​ໃຫ້​ມີ​ຜູ້​ເສຍ​ຊີວິດ 30 ກວ່າ​ຄົນ.

​ໃນ​ເດືອນ​ຜ່ານ​ມາ, ອາ​ເມ​ລິ​ກາ​ຖິ້ມລະ​ເບີດ MOAB ຫລື ​ແມ່​​ແຫ່ງ​ລະ​ເບີດ​ທັງ​ໝົດ ​ເຊິ່ງ​ເປັນ​ລະ​ເບີດ​ແຮງ​ອັດ​ອາກາດ​ຂະໜາດ​ໃຫຍ່​ທີ່​ສຸດ ​ແລະ ​ເປັນ​ລະ​ເບີດ​ທີ່​ບໍ່​ແມ່ນ​ນິວ​ເຄຼຍ ​ເຊິ່ງມີ​ອານຸພາບ​ທຳລາຍ​ລ້າງ​ຮຸນ​ແຮງ​ທີ່​ສຸດ​ລົງ​ໃນ​ພູ​ເຂດ​ແຂວງ​ນານ​ກາ​ຮາ ​ເພື່ອ​ທຳລາຍ​ເຄືອ​ຂ່າຍ​ຖ້ຳ ​ແລະ ອຸ​ໂມງ​ໃຕ້​ດິນ ​ເຊິ່ງ​ເປັນ​ຖານ​ທີ່​ໝັ້ນ ​ແລະ ສາງ​ອາວຸດ​ຂອງ IS ​ໂດຍ​ຄາດ​ວ່າ​ມີ​ສະມາຊິກ IS ລວມທັງ​ຜູ້ນຳ IS ບາງ​ສ່ວນ​ເສຍ​ຊີວິດ​ນັບ​ຮ້ອຍ​ຄົນ.

- Wave100S AD to Website 2020 0 - ຜູ້ນຳ IS ຢູ່ອັບການິດສະຖານຖືກສັງຫານແລ້ວ

IS ​ໄດ້​ເລີ່​ມ​ເຄື່ອນ​ຍ້າຍ​ກຳລັງ​ເຂົ້າສູ່​ອັບ​ກາ​ນິດ​ສະຖານ ​ແລະ ປາ​ກິດ​ສະຖານ​ໃນ​ປີ 2015 ​ໂດຍ​ໄດ້​ປະກາດ​ຕັ້ງ​ເຂດ​ອິດ​ທິພົນ​ຂອງ​ຕົນ​ໃນ​ພື້ນທີ່​ດັ່ງກ່າວ​ພາຍ​ໃຕ້​ຊື່ວ່າ: ​ແຂວງ​ໂກຣາຊານ ​ແລະ ​ໄດ້​ກໍ່​ເຫດ​ໂຈມ​ຕີ​ຫລາຍ​ເທື່ອ ລວມທັງ​ກໍ່​ເຫດ​ລະ​ເບີດ​ຂ້າ​ຕົວ​ຕາຍ​ໃນ​ການ​ແຫ່​ຂະ​ບວນກາງ​ນະຄອນຫລວງ​ກາ​ບູນ​ໃນ​ປີຜ່ານມາ ​ເຊິ່ງ​ເຮັດ​ໃຫ້​ມີ​ຜູ້​ເສຍ​ຊີວິດ 80 ຄົນ.

- WhatsApp Image 2020 05 27 at 5 - ຜູ້ນຳ IS ຢູ່ອັບການິດສະຖານຖືກສັງຫານແລ້ວ
- WhatsApp Image 2020 05 27 at 5 - ຜູ້ນຳ IS ຢູ່ອັບການິດສະຖານຖືກສັງຫານແລ້ວ
error: Alert: ເນື້ອຫາຂ່າວມີລິຂະສິດ !!