ຫລາຍພາກສ່ວນຫາລືການປັບປຸງວຽກງານໂພຊະນາການໃນລາວ

- Many part - ຫລາຍພາກສ່ວນຫາລືການປັບປຸງວຽກງານໂພຊະນາການໃນລາວ
- Untitled design - ຫລາຍພາກສ່ວນຫາລືການປັບປຸງວຽກງານໂພຊະນາການໃນລາວ

ໃນວັນທີ 20 ກັນຍານີ້, ທີ່ນະຄອນຫລວງວຽງຈັນ, ໄດ້ຈັດກອງປະຊຸມປຶກສາຫາລືກ່ຽວກັບການປັບປຸງວຽກງານໂພຊະນາການ ແບບມີສ່ວນຮ່ວມ ຈາກພາກສ່ວນຕ່າງໆໃນລາວ, ໂດຍການເປັນປະທານຮ່ວມຂອງທ່ານ ກິແກ້ວ ຈັນທະບູຣີ ຮອງລັດຖະມົນຕີກະຊວງແຜນການ ແລະ ການລົງທຶນ, ທ່ານ ພູທອນ ເມືອງປາກ ຮອງລັດຖະມົນຕີກະຊວງສາທາລະນະສຸກ ແລະ ທ່ານຫົວໜ້າຫ້ອງການທະນາຄານໂລກປະຈຳລາວ ແລະ ຜູ້ຕາງໜ້າຂະແໜງ ການຕ່າງໆກ່ຽວຂ້ອງຈາກສູນກາງ ແລະ ທ້ອງຖິ່ນເຂົ້າຮ່ວມ.

ກອງປະຊຸມດັ່ງກ່າວ, ຈັດຂຶ້ນເພື່ອປຶກສາຫາລືຄວາມເປັນໄປໄດ້ໃນການຈັດຕັ້ງປະຕິບັດວຽກງານພັດທະນາດ້ານໂພຊະນາການ ໂດຍເນັ້ນໃສ່ການມີສ່ວນຮ່ວມຂອງຫລາຍຂະແໜງການ ແລະ ແນ່ໃສ່ແກ້ໄຂບັນຫາດ້ານໂພຊະນາການ ພາຍໃນ 1000 ວັນທຳອິດ ພາຍຫລັງການເກີດຂອງເດັກ, ເຊິ່ງເປັນໄລຍະທີ່ສຳຄັນທີ່ສຸດ ຕໍ່ການພັດທະນາຂອງເດັກນ້ອຍ.

ໃນໂອກາດດັ່ງກ່າວ, ທ່ານ ກິແກ້ວ ຈັນທະບູຣີ ກ່າວວ່າ: ການມີສ່ວນສູງ, ຕໍ່າກວ່າເກນມາດຕະຖານ ທີ່ເກີດຈາກການຂາດສານອາຫານ ເປັນບັນຫາທີ່ໜັກໜ່ວງສຳລັບ ສປປ ລາວ, ເຊິ່ງບັນ ຫາດັ່ງກ່າວ ບໍ່ພຽງແຕ່ກະທົບຕໍ່ສ່ວນສູງຂອງເດັກເທົ່ານັ້ນ ແຕ່ຍັງສາມາດກີດຂວາງການພັດທະນາທາງດ້ານສະໝອງ ທີ່ແທດເໝາະຕາມການເຕີບໂຕຂອງເດັກ ແລະ ມີຜົນກະທົບໄລຍະຍາວ ຕໍ່ຄວາມອາດສາມາດຂອງເຂົາເຈົ້າ ໃນການຮໍ່າຮຽນ ແລະ ການພັດທະນາໃຫ້ໄດ້ຕາມຄວາມສາມາດທີ່ບົ່ມຊ້ອນ, ເຊິ່ງບັນຫາດັ່ງກ່າວແມ່ນຕ້ອງໄດ້ແກ້ໄຂຢ່າງຮີບດ່ວນ.

- Wave100S AD to Website 2020 0 - ຫລາຍພາກສ່ວນຫາລືການປັບປຸງວຽກງານໂພຊະນາການໃນລາວ

ພ້ອມນີ້, ທ່ານ ນິໂຄລາ ພອນທາຣາ ໄດ້ມີຄຳເຫັນວ່າ: ຈາກປະສົບການ ໃນການຫລຸດຜ່ອນການຂດສານອາຫານຢູ່ປະເທດອື່ນໃນທົ່ວໂລກ ໄດ້ມີການພິສູດແລ້ວວ່າ ຜົນສຳເລັດໄດ້ຮຽກຮ້ອງໃຫ້ມີການປະສານສົມທົບກັນ ຂອງຫລາຍຂະແໜງການ ໃນການແກ້ໄຂບັນຫາທາງດ້ານວຽກງານໂພຊະນາການ, ໂດຍເຫັນຄວາມສໍາຄັນຕໍ່ບັນຫາດັ່ງກ່າວ ທະນາຄານໂລກ ຍີນດີທີ່ຈະໃຫ້ການສະໜັບສະໜູນ ສປປ ລາວ ໂດຍນຳໃຊ້ວິທີການໃໝ່ ເພື່ອການພັດທະນາວຽກງານດ້ານໂພຊະນາການ ໃຫ້ມີປະສິດທິຜົນຫລາຍຂຶ້ນ ພາຍໃຕ້ແຜນຍຸດທະສາດແຫ່ງຊາດ ດ້ານໂພຊະນາການຂອງ ສປປ ລາວ ໃນການແກ້ໄຂບັນຫາ ແລະ ສິ່ງທ້າທາຍຕົ້ນຕໍດັ່ງກ່າວ.

- WhatsApp Image 2020 05 27 at 5 - ຫລາຍພາກສ່ວນຫາລືການປັບປຸງວຽກງານໂພຊະນາການໃນລາວ
- WhatsApp Image 2020 05 27 at 5 - ຫລາຍພາກສ່ວນຫາລືການປັບປຸງວຽກງານໂພຊະນາການໃນລາວ
error: Alert: ເນື້ອຫາຂ່າວມີລິຂະສິດ !!