ກອງ​ປະຊຸມ​ຄົບ​ຄະນະ​ບໍລິຫານ​ງານຄັ້ງ​ທີ 4 ສະ​ໄໝ​ທີ VII ຂອງ ສຊປລ

- Youth meeting - ກອງ​ປະຊຸມ​ຄົບ​ຄະນະ​ບໍລິຫານ​ງານຄັ້ງ​ທີ 4 ສະ​ໄໝ​ທີ VII ຂອງ ສຊປລ
- Untitled design - ກອງ​ປະຊຸມ​ຄົບ​ຄະນະ​ບໍລິຫານ​ງານຄັ້ງ​ທີ 4 ສະ​ໄໝ​ທີ VII ຂອງ ສຊປລ

ກອງ​ປະຊຸມ​ຄົບ​ຄະນະ​ບໍລິຫານ​ງານຄັ້ງ​ທີ 4 ສະ​ໄໝ​ທີ VII ຂອງສູນກາງຊາວໜຸ່ມປະຊາຊົນປະຕິວັດລາວ (ສຊປລ) ​ໄດ້ໄຂ​ຂຶ້ນ​ໃນ​ວັນ​ທີ 20 ກັນຍາ ນີ້, ​ໂດຍ​ການ​ເປັນ​ປະທານ​ຂອງສະຫາຍ ອາ​ລຸ​ນໄຊ ສູນ​ນະລາດ ​ເລ​ຂາ​ຄະນະ​ບໍລິຫານ​ງານ​ ສຊປລ, ໃຫ້ກຽດເຂົ້າຮ່ວມໂດຍສະຫາຍ ໄຊສົມພອນ ພົມວິຫານ ກໍາມະການກົມການເມືອງສູນກາງພັກ, ປະທານສູນກາງແນວລາວສ້າງຊາດ, ມີ​ຄະນະ​ບໍລິຫານ​ງານ, ຫົວໜ້າ​ກົມ, ຮອງ​ກົມ, ຄະນະ​ຊາວ​ໜຸ່ມ​ກະຊວງອ້ອມ​ຂ້າງ​ສູນ​ກາງ ແລະ ທ້ອງຖິ່ນ ພ້ອມ​ດ້ວຍ​ພາກສ່ວນ​ກ່ຽວຂ້ອງ​ເຂົ້າ​ຮ່ວມນໍາດ້ວຍ.

ສະຫາຍ ອາ​ລຸ​ນໄຊ ສູນ​ນະລາດ ​ກ່າວວ່າ: ກອງ​ປະຊຸມ​ຄັ້ງ​ນີ້, ​ສຸມ​ໃສ່ຄົ້ນ​ຄວ້າ ​ແລະ ຕົກລົງ​ເປັນ​ເອກະ​ພາບ​ຕໍ່ບົດ​ສະຫລຸບ​ການຈັດ​ຕັ້ງ​ປະຕິບັ​ດມະຕິ​ກອງ​ປະຊຸມ​ໃຫຍ່​ຄັ້ງ​ທີ VII ຂອງຜູ້​ແທນ​ຊາວ​ໜຸ່ມ​ທົ່ວ​ປະ​ເທດ​ໃນ​ໄລຍະ​ກາງ​ສະ​ໄໝ, ​ຕີ​ລາຄາ​ການຈັດ​ຕັ້ງ​ປະຕິບັດມະຕິ​ກອງ​ປະຊຸມ​ຄົບ​ຄະນະ​ບໍລິຫານ​ງານ​ ສຊປລ ຄັ້ງ​ທີ 3 ສະ​ໄໝ​ທີ VII ​ແລະ ທິດທາງ​​ແຜນການ​​ຄະນະ​ບໍລິຫານ​ງານ ສຊປລ ຄັ້ງ​ທີ 4 ສະ​ໄໝ​ທີ VII, ​ຕີ​ລາຄາ​ການ​ຜັນ​ຂະຫຍາຍ​ແຜນ​ພັດທະນາ​ຊາວ​ໜຸ່ມ-​ເຍົາວະ​ຊົນ 5 ປີຄັ້ງ​ທີ I (7 ​ແຜ​ນງານ 40 ​ໂຄງການ) ​ໃນ​ໄລຍະ​ກາງ​ສະ​ໄໝ, ​ຕີ​ລາຄາ​ການຈັດ​ຕັ້ງ​ປະຕິບັດຂໍ້​ແຂ່ງຂັນ 4 ບຸກຂອງ​ຊາວ​ໜຸ່ມ​ລາວ​ໃນ​ໄລ​​ໄລຍະ​ກາງ​ສະ​ໄໝ ​ແລະ ບົດ​ສຳ​ຫລວດ​ການ​ນຳພາ​ ຂອງ​ຄະນະ​ບໍລິການ​ງານ​ ສຊປລ ​ໃນ​ໄລຍະ 1 ປີຜ່ານ​ມາ.

​ໃນໂອກາດ​ນີ້, ສະຫາຍ ໄຊສົມພອນ ພົມວິຫານ ໄດ້​ມີ​ຄຳ​ເຫັນ​​ໂອ້​ລົມຕໍ່ກອງປະຊຸມ, ​ໂດຍສະຫາຍ​ໄດ້​ສະ​ແດງ​ຄວາມ​ຊົມ​ເຊີຍຕໍ່ຜົນງານ​ທີ່ຄະນະ​ບໍລິຫານ​ງານ​ສູນ​ກາງ​ຊາວ​ໜຸ່ມ​ປະຊາຊົນປະຕິວັດ​ລາວ ຍາດ​ມາ​ໄດ້​​​​ໃນ​ໄລຍະ​ຜ່ານ​ມາ, ໂດຍສະເພາະຄະນະ​ຊາວ​ໜຸ່ມ​ປະຊາຊົນປະຕິວັດ​ລາວ​ແຕ່ລະ​ຂັ້ນ, ຊາວ​ໜຸ່ມ​ເຍົາວະ​ຊົນລາວ​ບັນດາ​ເຜົ່າ​ໃນ​ທົ່ວ​ປະ​ເທດໄດ້​ມີ​ການ​ປັບ​ປຸງການຈັດ​ຕັ້ງ, ​ແບບ​​ແຜນ​ວິທີ​ຊີ້​ນຳ-ນໍາພາວຽກງານ​ຢ່າງ​ເປັນ​ລະບົບ​ຕໍ່​ເນື່ອງ, ອັນໄດ້ສ້າງຄວາມເຊື່ອໝັ້ນໃຫ້ພັກ-ລັດ ຕໍ່ກໍາລັງຊາວໜຸ່ມທີ່​ຈະ​ກາຍ​ເປັນ​ຜູ້​ສືບ​ທອດ​ພາລະກິດ​ຂອງ​ຊາດ​ໃນອະນາຄົດ.

- Wave100S AD to Website 2020 0 - ກອງ​ປະຊຸມ​ຄົບ​ຄະນະ​ບໍລິຫານ​ງານຄັ້ງ​ທີ 4 ສະ​ໄໝ​ທີ VII ຂອງ ສຊປລ
- WhatsApp Image 2020 05 27 at 5 - ກອງ​ປະຊຸມ​ຄົບ​ຄະນະ​ບໍລິຫານ​ງານຄັ້ງ​ທີ 4 ສະ​ໄໝ​ທີ VII ຂອງ ສຊປລ
- WhatsApp Image 2020 05 27 at 5 - ກອງ​ປະຊຸມ​ຄົບ​ຄະນະ​ບໍລິຫານ​ງານຄັ້ງ​ທີ 4 ສະ​ໄໝ​ທີ VII ຂອງ ສຊປລ
error: Alert: ເນື້ອຫາຂ່າວມີລິຂະສິດ !!