ໄພນໍ້າຖ້ວມປີນີ້ສົ່ງຜົນກະທົບປີທ່ອງທ່ຽວລາວບໍ່ໜ້ອຍ

- floot effect to travel - ໄພນໍ້າຖ້ວມປີນີ້ສົ່ງຜົນກະທົບປີທ່ອງທ່ຽວລາວບໍ່ໜ້ອຍ
- Untitled design - ໄພນໍ້າຖ້ວມປີນີ້ສົ່ງຜົນກະທົບປີທ່ອງທ່ຽວລາວບໍ່ໜ້ອຍ

ສະພາບນໍ້າຖ້ວມປີນີ້, ສົ່ງຜົນກະທົບຢູ່ທົ່ວປະເທດເຮົາ ບໍ່ພຽງແຕ່ເຮັດໃຫ້ຊີວິດ ແລະ ຊັບສິນຂອງປະຊາຊົນເສຍຫາຍເທົ່ານັ້ນ ຍັງເຮັດໃຫ້ສະຖານທີ່ທ່ອງທ່ຽວຫລາຍແຫ່ງໄດ້ຮັບຄວາມເສຍຫາຍ, ເສັ້ນທາງຄົມມະນາຄົມ ກາຍເປັນອຸປະສັກ ແລະ ຄວາມຫຍຸ້ງຍາກແກ່ການໄປມາຫາສູ່ກັນ ສົ່ງຜົນກະທົບໂດຍກົງຕໍ່ການດຶງດູດນັກທ່ອງທ່ຽວຕ່າງປະເທດເຂົ້າມາທ່ອງທ່ຽວດັ່ງຕົວເລກຄາດໝາຍຂອງປີທ່ອງທ່ຽວລາວວາງໄວ້ ໃຫ້ບັນລຸ 5 ລ້ານເທື່ອຄົນ ແຕ່ໃນຕົວຈິງຈະເປັນໄປໄດ້ຍາກ.

ທ່ານ ບໍ່ແສງຄໍາ ວົງດາລາ ລັດຖະມົນຕີ ກະຊວງ ຖະແຫລງຂ່າວ, ວັດທະນະທຳ ແລະ ທ່ອງທ່ຽວ ໃຫ້ສຳພາດ ໃນໂອກາດເຂົ້າຮ່ວມກອງປະຊຸມລັດຖະບານເປີດກ້ວາງ ຄັ້ງທີ II ປີ 2018 ທີ່ໄດ້ຈັດຂຶ້ນຢູ່ນະຄອນຫລວງວຽງຈັນ ໃນລະຫວ່າງວັນທີ 17-18 ກັນຍານີ້ວ່າ: ປັດຈຸບັນ ບັນ ດາສະຖານທີ່ທ່ອງທ່ຽວ ທີ່ໄດ້ຮັບຄວາມເສຍຫາຍໃນຂອບເຂດທົ່ວປະເທດ ແມ່ນຍັງບໍ່ທັນສາມາດເກັບກຳຂໍ້ມູນລະອຽດໄດ້ເທື່ອ ເນື່ອງຈາກບາງທ້ອງຖິ່ນຍັງປະສົບກັບນໍ້າຖ້ວມຢູ່, ແຕ່ທາງກະຊວງ ກໍ່ໄດ້ອອກແຈ້ງການ ເຖິງຂະແໜງການກ່ຽວຂ້ອງປະຈຳແຕ່ລະທ້ອງຖິ່ນ ໃຫ້ເລັ່ງເກັບກຳຂໍ້ມູນຜົນເສຍຫາຍດ້ານການທ່ອງທ່ຽວທ່ຽວຢ່າງລະອຽດ ເພື່ອລັດຖະບານ ຈະໄດ້ກຳນົດແຜນຟື້ນຟູໃຫ້ໄວເທົ່າທີ່ຈະໄວໄດ້, ສ່ວນໂຄງການ ທີ່ກ່ຽວພັນກັບການພັດທະນາພື້ນຖານໂຄງລ່າງການທ່ອງທ່ຽວ ທີ່ໄດ້ເລີ່ມດຳເນີນການມາແລ້ວນັ້ນ, ບ່ອນໃດຖືກນໍ້າຖ້ວມແມ່ນໃຫ້ຢຸດເຊົາໄລຍະໜຶ່ງກ່ອນ ຈົນກ່ວານໍ້າຈະບົກແຫ້ງດີແລ້ວ ຈຶ່ງຄ່ອຍໃຫ້ສືບຕໍ່ຈັດຕັ້ງປະຕິບັດຕໍ່ໄປ ເພື່ອໃຫ້ບັນລຸຕາມແຜນການທີ່ໄດ້ວາງໄວ້.

ທ່ານ ບໍ່ແສງຄໍາ ວົງດາລາ ໃຫ້ຮູ້ຕື່ມວ່າ: ໃນໄລຍະ 6 ເດືອນຕົ້ນປີ 2018 ນີ້ ມີນັກທ່ອງທ່ຽວຕ່າງປະເທດ ເຂົ້າມາທ່ຽວລາວ 2,1 ກ່ວາຄົນ, ເພີ່ມຂຶ້ນ 6% ເມື່ອທຽບໃສ່ໄລຍະດຽວກັນຂອງປີ 2017, ແຕ່ເນື່ອງຈາກ ໃນໄລຍະ 6 ເດືອນທ້າຍປີ 2018 ນີ້, ຫຼາຍແຂວງໃນທົ່ວປະເທດ ຕ້ອງປະສົບກັບໄພນໍ້າຖ້ວມຢ່າງໜັກໜ່ວງ, ຊຶ່ງອາດຈະສົ່ງຜົນກະທົບ ຕໍ່ການດຶງດູດນັກທ່ອງທ່ຽວຕ່າງປະເທດເຂົ້າມາລາວ ໃຫ້ໄດ້ຕາມທີ່ວາງຄາດໝາຍໄວ້. ດ້ວຍເຫດນີ້, ໃນໄລຍະທ້າຍປີນີ້ ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ຈະໄດ້ດຳເນີນຫລາຍມາດຕະການ ເພື່ອຊ່ວຍກະຕຸ້ນເຮັດໃຫ້ນັກທ່ອງທ່ຽວຕ່າງປະເທດ ເຂົ້າມາທ່ອງທ່ຽວລາວ ໃຫ້ຫລາຍຂຶ້ນ ເປັນຕົ້ນ: ສືບຕໍ່ຈັດຕັ້ງບັນດາກິດຈະກຳສົ່ງເສີມການທ່ອງທ່ຽວ ຢູ່ທັງຂັ້ນສູນກາງ ແລະ ທ້ອງຖິ່ນຕາມແຜນທີ່ກຳນົດໄວ້ໃຫ້ຄົບ, ສືບຕໍ່ຊຸກຍູ້ສົ່ງເສີມພາກເອກະຊົນໃຫ້ປັບປຸງ ແລະ ກໍ່ສ້າງພື້ນ ຖານໂຄງລ່າງຮັບໃຊ້ການທ່ອງທ່ຽວໃຫ້ຫລາຍຂຶ້ນ, ສືບຕໍ່ໂຄສະນາກ່ຽວກັບການທ່ອງທ່ຽວລາວ ຜ່ານສື່ມວນຊົນທັງພາຍໃນ ແລະ ຕ່າງປະເທດ ໃຫ້ຫລາຍຂຶ້ນກ່ວາເກົ່າ ແລະ ອື່ນໆ.

- Wave100S AD to Website 2020 0 - ໄພນໍ້າຖ້ວມປີນີ້ສົ່ງຜົນກະທົບປີທ່ອງທ່ຽວລາວບໍ່ໜ້ອຍ
- WhatsApp Image 2020 05 27 at 5 - ໄພນໍ້າຖ້ວມປີນີ້ສົ່ງຜົນກະທົບປີທ່ອງທ່ຽວລາວບໍ່ໜ້ອຍ
- WhatsApp Image 2020 05 27 at 5 - ໄພນໍ້າຖ້ວມປີນີ້ສົ່ງຜົນກະທົບປີທ່ອງທ່ຽວລາວບໍ່ໜ້ອຍ
error: Alert: ເນື້ອຫາຂ່າວມີລິຂະສິດ !!