ເບຍເປັນສັດຕູໂຕຮ້າຍຂອງການອອກກຳລັງກາຍ

- 012009 2018 -  ເບຍເປັນສັດຕູໂຕຮ້າຍຂອງການອອກກຳລັງກາຍ
- Untitled design -  ເບຍເປັນສັດຕູໂຕຮ້າຍຂອງການອອກກຳລັງກາຍ
  1. ດື່ມເບຍຄູ່ກັບການອອກກຳລັງກາຍນັ້ນດີແທ້ບໍ່ ?

ປະຈຸບັນຫລາຍຄົນມີຄວາມເຊື່ອວ່າການດື່ມອານກໍຮໍໄປພ້ອມກັບການອອກກຳລັງກາຍຈະສົ່ງຜົນດີຕໍ່ສຸຂະພາບ ເຊິ່ງຄວາມເຊື່ອນີ້ບໍ່ໄດ້ຫາກໍເກີດຂຶ້ນ ເພາະຫາກຍ້ອນຫລັງໄປສະຕະວັດທີ 19 ກໍໄດ້ເລີ່ມມີການໃຊ້ອານກໍຮໍໍເປັນໂຕກະຕຸ້ນໃຫ້ຜົນການແຂ່ງຂັນກິລາອອກມາດີຂຶ້ນ. ໃນຕອນນັ້ນ ມີຄວາມເຊື່ອຫາກໃຊ້ອານກໍຮໍປະລິມານໜ້ອຍໆໃນຂະນະອອກກຳລັງກາຍ ຫລື ການແຂ່ງຂັນ ຈະເຮັດໃຫ້ນັກກິລາສາມາດດຶງສັກກະຍະພາບອອກມາໄດ້ຢ່າງເຕັມທີ່, ແຕ່ຈາກການສຶກສາວວິໄຈໃນປະຈຸບັນພົບວ່າ ມັນໃຫ້ຜົນກົງກັນຂ້າມ ເພາະອານກໍຮໍຈະເຂົ້າໄປຫລຸດຄວາມແຂງແຮງຂອງກ້າມຊີ້ນ ແລະ ຫລອດເລືອດ ເຮັດໃຫ້ການຕອບສະໜອງຊ້າລົງ ແລະ ຫລຸດຄວາມສາມາດໃນເລື່ອງຄວາມໄວ ຫາກດື່ມມາຫລາຍກ່ອນອອກກຳລັງກາຍ ຫລື ໃນຂະນະອອກກຳລັງກາຍຈະສົ່ງຜົນກະທົບຕໍ່ຄວາມດຸ່ນດ່ຽງຂອງຮ່າງກາຍ ແລະ ຕ້ອງໃຊ້ເວລາໃນການຟື້ນຟູກ່ວາຮ່າງກາຍຈະກັບມາ 100% ອີກຄັ້ງ.

  1. ເບຍໃຫ້ພະລັງງານສຳລັບໃຊ້ໃນການຫລິ້ນກິລາແທ້ບໍ່ ?

ຫລາຍຄົນເຊື່ອວ່າເບຍເປັນເຄື່ອງດື່ມທີ່ໃຫ້ພະລັງງານ ເພາະຫາກດື່ມເບຍແລ້ວບໍ່ອອກກຳລັງກາຍຈະເຮັດໃຫ້ຕຸ້ຍ ດັ່ງນັ້ນ ຈຶ່ງເກີດຄວາມເຊື່ອວ່າດື່ມເບຍກ່ອນຝຶກແອບ ຫລື ແຂ່ງຂັນກິລາຈະຊ່ວຍໃຫ້ມີກຳລັງວັງຊາ ເພາະໃນເບຍ 360 ກຣາມ ຈະມີນຳ້ຕານພຽງແຕ່ 16 ກຣາມເທົ່ານັ້ນ ເຖິງວ່າເບຍຈະຖືກດູດຊຶມໄດ້ໄວ ແຕ່ມັນຈະໄປສະສົມຢູ່ຕັບ ບໍ່ແມ່ນຢູ່ກ້າມຊີ້ນ ດັ່ງນັ້ນ ມັນຈຶ່ງບໍ່ແມ່ນພະລັງງານທີ່ກ້າມຊີ້ນຕ້ອງການໃນຂະນະອອກກຳລັງກາຍ.

  1. ຫາກເຮົາເປັນຄົນອອກກຳລັງກາຍສະໝໍ່າສະເໝີແລ້ວເຮົາຄວນຈະດື່ມເບຍຕອນໃດ ?

ນອກຈາກນັ້ນແລ້ວ ການດື່ມເບຍຍັງກະຕຸ້ນໃຫ້ໝາກໄຂ່ຫລັງຂອງເຮົາໄລ່ນຳ້ຍ່ຽວອອກມາຫລາຍຂຶ້ນ ເຮັດໃຫ້ຮ່າງກາຍສູນ ເສຍນຳ້ຢ່າງໄວວາ ດັ່ງນັ້ນ ຫາກດື່ມພ້ອມກັບການອອກກຳລັງກາຍຈະເຮັດໃຫ້ຫົວໃຈສ່ຽງຕໍ່ອັນຕະລາຍ ເພາະຮ່າງກາຍຕ້ອງການນຳ້ຫລາຍຢູ່ແລ້ວໃນຂະນະທີ່ອອກກຳລັງກາຍ ຫາກສູນເສຍນຳ້ຫລາຍໆອາດເຮັດໃຫ້ຫົວໃຈວາຍໄດ້. ດັ່ງນັ້ນ ກ່ອນອອກກຳລັງກາຍ ຫລື ໃນຂະນະອອກກຳລັງກາຍເຮົາບໍ່ຄວນດື່ມອານກໍຮໍເລີຍ  ຫາກທ່ານຢາກຈະດື່ມເພື່ອສຸຂະພາບແທ້ໆໃຫ້ດື່ມຕອນທີ່ຮ່າງກາຍບໍ່ໄດ້ເຮັດວຽກໜັກ ເຊັ່ນ : ຕອນແລງ ແລະ ເມື່ອດື່ມແລ້ວຕ້ອງດື່ມນຳ້ຕາມຫລັງຫລາຍໆເພື່ອທົດແທນນຳ້ທີ່ເສຍໄປຈາກການຍ່ຽວ ແລະ ຈາກຂະບວນການ ດີໄຮເດຣດ ທີ່ເກີດຂຶ້ນພາຍໃນຮ່າງກາຍ.

- Wave100S AD to Website 2020 0 -  ເບຍເປັນສັດຕູໂຕຮ້າຍຂອງການອອກກຳລັງກາຍ
- WhatsApp Image 2020 05 27 at 5 -  ເບຍເປັນສັດຕູໂຕຮ້າຍຂອງການອອກກຳລັງກາຍ
- WhatsApp Image 2020 05 27 at 5 -  ເບຍເປັນສັດຕູໂຕຮ້າຍຂອງການອອກກຳລັງກາຍ
error: Alert: ເນື້ອຫາຂ່າວມີລິຂະສິດ !!