ປະທານປະເທດຫວຽດນາມ ເຖິງແກ່ມໍລະນະກຳແລ້ວ

- 1537512239404 960x0 1 - ປະທານປະເທດຫວຽດນາມ ເຖິງແກ່ມໍລະນະກຳແລ້ວ
- Untitled design - ປະທານປະເທດຫວຽດນາມ ເຖິງແກ່ມໍລະນະກຳແລ້ວ

ປະທານ​ປະ​ເທດ ສສ ຫວຽດນາມ ​ເຈິ່​ນ ດາຍ ກວາງ ​ໄດ້​ເຖິງ​ແກ່​ມໍລະນະ​ກຳ​ແລ້ວ ດ້ວຍ​ອາຍຸ 61 ປີ ທີ່​ໂຮງໝໍ​ທະຫານ ​108 ໃນ​ນະຄອນຫລວງ​ຮ່າ​ໂນ້ຍ ​ເມື່ອ​ເວລາ 10:05 ​ໂມງ ຂອງ​ວັນ​ທີ 21 ກັນຍາ 2018.

ທ່ານ ​ເຈິ່​ນ ດາຍ ກວາງ ​ເກີດ​ເມື່ອ​ວັນ​ທີ 12/10/1956 ທີ່​ຕາ​ແສງ​ກວາງ​ທິ້ງ ​ເມືອງ​ກິມ​ເຊີນ ​ແຂວງ​ນິງບິງ, ​ເຂົ້າ​ເປັນ​ສະມາຊິກ​ພັກ​ໃນ​ວັນ​ທີ 26/7/1980, ຮຽນ​ຈົບ​ມະຫາວິທະຍາ​ໄລ​ປ້ອງ​ກັນ​ຄວາມ​ສະຫງົບ ສສ ຫວຽດນາມ, ດອກ​ເຕີ​ດ້ານ​ກົດໝາຍ.

ສື່​ຂອງ​ລັດຖະບານ​ຫວຽດນາມ ລາຍ​ງານ​ຜ່ານ​ໂທລະພາບ ​ແລະ ວິທະຍຸ​ວ່າ: ສາ​ເຫດ​ເກີດ​ຈາກ “ອາການ​ປ່ວຍ​ທີ່​ຮຸນ​ແຮງ​ ​ເຖິງ​ວ່າ​ແພດ ​ແລະ ຜູ້​ຊ່ຽວຊານ​ຈາກ​ທັງ​ພາຍໃນ ​ແລະ ຕ່າງປະ​ເທດ​ຈະ​ພະຍາຍາມ​​ປິ່ນປົວຈົນສຸດ​ຄວາມ​ສາມາດ​ແລ້ວ”.

ທ່ານ ​ເຈິ່​ນ ດາຍ ກວາງ ​ເຄີຍ​ດຳລົງ​ຕຳ​ແໜ່​ງຜູ້​ບັນຊາ​ການ​ຕຳຫລວດ​ແຫ່ງ​ຊາດ​ຫວຽດນາມ ກ່ອນ​​ເຂົ້າຮັບ​ຕຳ​ແໜ່​ງປະທານ​ປະ​ເທດ​ຫວຽດນາມຄົນ​ໃໝ່​​ໃນ​ເດືອນ​ເມສາ 2016 ຫລັງ​ຈາກ​ໄດ້​ຮັບ​ເລືອກ​ຕັ້ງຈາກ​ສະພາ​ແຫ່ງ​ຊາດ​ຫວຽດນາມ ດ້ວຍ​ຄະ​ແນນ 91,5%, ທ່ານ​ເປັນ​ນາຍ​ຕຳຫລວດ​ຄົນ​ທຳ​ອິດ​ທີ່​ໄດ້​ຂຶ້ນດຳລົງ​ຕຳ​ແໜ່​ງປະທານ​ປະ​ເທດ​ຫວຽດນາມ.

- Wave100S AD to Website 2020 0 - ປະທານປະເທດຫວຽດນາມ ເຖິງແກ່ມໍລະນະກຳແລ້ວ

ນອກຈາກ​ນີ້, ທ່ານ​ຍັງ​ເຄີຍ​ດຳລົງ​ຕຳ​ແໜ່​ງລັດຖະມົນຕີ​ວ່າການ​ກະຊວງຕຳຫລວດ ​ເຊິ່ງ​ເປັນ​ອົງ​ກອນ​ທີ່​ມີ​ອຳນາດ​ກວ້າງຂວາງ ນັບທັງ​ໜ່ວຍ​ງານ​ຂ່າວ ​ແລະ ການ​ຢັບຢັ້ງ​ຄວາມ​ໝັ້ນຄົງ​ທັງ​ພາຍ​ໃນ ​ແລະ ນອກ​ປະ​ເທດ.

ປະ​ເທດ​ຫວຽດນາມ​ບໍ່​ມີ​ຕຳ​ແໜ່​ງຜູ້ນຳ​ສູງ​ສຸດ ​ໂດຍ​ມີ​ຜູ້ນຳ​ຢ່າງ​ເປັນ​ທາ​ງການ 3 ຕຳ​ແໜ່​ງ ​ໄດ້​ແກ່ ປະທານ​ປະ​ເທດ, ນາຍົກລັດຖະມົນຕີ ​ແລະ ຜູ້ນຳ​ພັກ​ກອມ​ມູນິດຫວຽດນາມ.

ກ່ອນ​ໜ້າ​ນີ້ ​ໃນ​ເດືອນ​ມີນາ​ຜ່ານ​ມາ, ຫວຽດນາມ​ຫາ​ກໍ​ສູນ​ເສຍ ອະດີດ​ນາຍົກລັດຖະມົນຕີ ຟາມ ວານ ຂ່າຍ ອາຍຸ 85 ປີ ຜູ້​ມີ​ບົດບາດ​ສຳຄັນ​ໃນ​ການພັດທະນາ ​ແລະ ການ​ປະຕິ​ຮູບ​ເສດຖະກິດ​ຂອງ​ຫວຽດນາມ​ໄດ້​ເຕີບ​ໃຫຍ່​ເຂັ້ມ​ແຂງ.

- WhatsApp Image 2020 05 27 at 5 - ປະທານປະເທດຫວຽດນາມ ເຖິງແກ່ມໍລະນະກຳແລ້ວ
- WhatsApp Image 2020 05 27 at 5 - ປະທານປະເທດຫວຽດນາມ ເຖິງແກ່ມໍລະນະກຳແລ້ວ
error: Alert: ເນື້ອຫາຂ່າວມີລິຂະສິດ !!