ສົງຄາມການຄ້າ ອາເມລິກາ-ຈີນ ກະທົບເສດຖະກິດໂລກ

- advert banner 728 90 728x90 - ສົງຄາມການຄ້າ ອາເມລິກາ-ຈີນ ກະທົບເສດຖະກິດໂລກ

ຫລາຍ​ຝ່າຍ​ຍັງ​ເນັ້ນຢ້ຳວ່າ: ສົງຄາມ​ການ​ຄ້າ​ລະຫວ່າງ ອາ​ເມ​ລິ​ກາ ​ແລະ ຈີນ ຈະ​ສົ່ງ​ຜົນ​ກະທົບ​ຕໍ່​ເສດຖະກິດ​ໂລກ​ຢ່າງ​ຫລີກ​ເວັ້ນບໍ່​ໄດ້.

ຫລ້າ​ສຸດ, ຜູ້​ຊ່ຽວຊານ​ດ້ານ​ການ​ຄ້າ​ສາກົນ​ໃນ​ກາ​ນາ​ດາ ລະບຸ ມາດ​ຕະການ​ກຳ​ແພງ​ພາສີ​ຂອງ​ອາ​ເມ​ລິ​ກາ​ ຕໍ່​ສິນຄ້າ​ຂອງ​ຈີນຈະ​ສ້າງ​ຄວາມ​ບໍ່​ແນ່ນອນ​ໃຫ້​ເສດຖະກິດ​ໂລກ. ຂະນະ​ທີ່​ອົງການ​ເພື່ອ​ການ​ຮ່ວມ​ມື ​ແລະ ການ​ພັດທະນາ​ເສດຖະກິດ ຫລື OECD ລະບຸ​ວ່າ: ການ​ຂະຫຍາຍຕົວ​ຂອງ​ເສດຖະກິດ​ໂລກ​ກຳລັງ​ຕົກ​ຢູ່​ໃນ​ຄວາມ​ບໍ່​ແນ່ນອນ ຈາກ​ຄວາມ​ຂັດ​ແຍ່ງ​ທາງ​ການ​ຄ້າ ​ແລະ ການ​ໃຊ້​ນະ​ໂຍບາຍ​ປົກ​ປ້ອງ​ທາງ​ການ​ຄ້າ​ຫລາຍ​ຂຶ້ນ ສົ່ງ​ຜົນ​ໃຫ້​ປະລິມານ​ການ​ສົ່ງ​ອອກ​ເລີ່​ມຫລຸດ​ລົງ​ໃນ​ໄລຍະ 2 ​ເຖິງ 3 ​ເດືອນ​ຜ່ານ​ມາ. ຂະນະ​ທີ່​ການ​ຂະຫຍາຍຕົວ​ທາງ​ການ​ຄ້າ​ມີ​ທ່າ​ອ່ຽງຫລຸດ​ລົງ​ຢ່າງ​ຕໍ່​ເນື່ອງ. OECD ຄາດ​ຄະ​ເນ​ວ່າ: ​ເສ​ດຖະກິດ​ໂລກ​ປີ​ນີ້​ຈະ​ຂະຫຍາຍຕົວ 3,7% ຫລຸດ​ລົງ​ຈາກ​ການ​ຄາດ​ຄະ​ເນ​ໃນ​ເດືອນ​ພຶດສະພາ​ຜ່ານ​ມາ 0,1%.

- 1 1 - ສົງຄາມການຄ້າ ອາເມລິກາ-ຈີນ ກະທົບເສດຖະກິດໂລກ
- lattana 1 - ສົງຄາມການຄ້າ ອາເມລິກາ-ຈີນ ກະທົບເສດຖະກິດໂລກ

ຂະນະ​ທີ່​ເວທີ​ສຳ​ມະ​ນາ​ວ່າ​ດ້ວຍ​ການ​ພົວພັນ​ທາງ​ການ​ຄ້າ ​ແລະ ​ເສດຖະກິດ ຈີນ, ອີ​ຢູ ​ແລະ ອາ​ເມ​ລິ​ກາ ທີ່​ນະຄອນ​ເຈ​ນີວາ ຂອງ​ສະ​ວິດ ​ເບິ່ງ​ວ່າ: ​ເສດຖະກິດ​ໂລກ​ຄວນ​ຮັກສາ​ໄວ້​ເຊິ່ງລະບົບ​ການ​ຄ້າ​ພະຫຸ​ພາຄີ ທີ່ຢູ່​ບົນ​ພື້ນຖານ​ຂອງ​ກົດ​ລະບຽບ ​ເພາະ​ເປັນ​ລະບົບ​ການ​ຄ້າ​ທີ່​ດີ​ທີ່​ສຸດ​ສຳລັບ​ເສດຖະກິດ​ໂລກ​ໃນ​ປັດຈຸບັນ​ນີ້. ຜູ້​ທີ່​ເຂົ້າຮ່ວມ​ສຳ​ມະ​ນາ ຍັງ​ເຫັນ​ກົງກັນ​ວ່າ: ການ​ໃຊ້​ມາດ​ຕະການ​ພາສີ ​ແລະ ການ​ຕອບ​ໂຕ້​ທາງ​ການ​ຄ້າ​ບໍ່​ແມ່ນ​ຫົນທາງ​ທີ່​ຖືກຕ້ອງ ​ແລະ ຈະ​ເຮັດ​ໃຫ້​ທຸກ​ຝ່າຍ​ພົບ​ແຕ່​ການ​ເສຍ​ໄຊ. ນອກຈາກ​ນີ້ ທຸກ​ປະ​ເທດ​ຕ້ອງ​ຮ່ວມ​ມື​ກັນ​ຊຸກຍູ້​ຂະ​ບວນການ​ປະຕິ​ຮູບ​ອົງການ​ການ​ຄ້າ​ໂລກ ຫລື WTO ​ໂດຍ​​ໄວ ​ເພື່ອ​ສ້າງ​ຄວາມ​ເປັນ​ທຳ​ທາງ​ການ​ຄ້າ ​ແລະ ປົກ​ປ້ອງ​ຜົນ​ປະ​ໂຫຍ​ດ​ໂລກ​ຮ່ວມ​ກັນ.

error: Content is protected !!