ທະນາຄານໂລກເຕືອນເມືອງເຕີບໃຫຍ່ຂຶ້ນ ສົ່ງຜົນຂີ້ເຫຍື້ອຖ້ວມໂລກອີກ 70%

- advert banner 728 90 728x90 - ທະນາຄານໂລກເຕືອນເມືອງເຕີບໃຫຍ່ຂຶ້ນ ສົ່ງຜົນຂີ້ເຫຍື້ອຖ້ວມໂລກອີກ 70%

ທະນາຄານ​ໂລກມີ​ລາຍ​ງານ​ວ່າ: ຂີ້​ເຫຍື້ອ​ໃນ​ທົ່ວ​ໂລກ​ຈະ​ເພີ່ມ​ຂຶ້ນອີກ 70% ພາຍ​ໃນ​ປີ 2025 ​ເນື່ອງ​ຈາກ​ການ​ຂະຫຍາຍຕົວ​ຂອງ​ເມືອງ​ຕ່າງໆ ​ແລະ ປະຊາກອນ​ເພີ່ມ​ຂຶ້ນ ​ໂດຍ​ຢູ່​ອາຊີ​ໃຕ້ ​ແລະ ​ເຂດ​ຕອນ​ໃຕ້​ຂອງ​ທະ​ເລ​ຊາຍ​ຊາ​ຮາຣາ​ໃນ​ອາ​ຟຣິກາ​ມີ​ທ່າ​ອ່ຽງ​ເຮັດ​ໃຫ້​ເກີດ​ຂີ້​ເຫຍື້ອ​ເພີ່ມ​ຫລາຍ​ທີ່​ສຸດ.

ລາຍ​ງານ​ຂອງ​ທະນາຄານ​ໂລກ​ເຕືອນ​ວ່າ: ​ແຕ່ລະ​ປະ​ເທດ​ຄວນ​ປັບ​ນະ​ໂຍບາຍ​ເສດຖະກິດ ​ແລະ ຄຳນຶງ​ເຖິງ​ສິ່ງ​ແວດ​ລ້ອມ ​ໂດຍ​ການ​ມີ​ວິທີ​ຈັດ​ເກັບ​ທີ່​ດີ​ຂຶ້ນ, ການ​ແປ​ຮູບ​ມາ​ໃຊ້​ໃໝ່ ​ແລະ ການ​ຍ່ອຍ​ສະຫລາຍ​ຂີ້​ເຫຍື້ອ ​ໂດຍ​ຕີ​ລາຄາ​ວ່າ: ໜຶ່ງ​ໃນ​ສາມ​ຂອງ​ຂີ້​ເຫຍື້ອທົ່ວ​ໂລກ​ຖືກ​ຖິ້ມ​ໄປ​ໂດຍ​ບໍ່​ໄດ້​ມີ​ການ​ຈັດການ​ທີ່​ດີ. ທ່ານ​ ນາງ ຊິ​ລປາ ຄາ​ຊາ ຜູ້​ຊ່ຽວຊານ​ດ້ານ​ການ​ພັດທະນາ​ເມືອງ​ຂອງ​ທະນາຄານ​ໂລກ ​ແລະ ຫົວໜ້າ​ຄະນະ​ວິ​ໄຈ​ດັ່ງກ່າວ​ພົບ​ວ່າ: ທ່າ​ອ່ຽງອາຊີ​ໃຕ້​ຈະ​ມີ​ຂີ້​ເຫຍື້ອ​ເພີ່ມ​ຂຶ້ນສອງ​ເທົ່າ ​ແລະ ຕອນ​​ໃຕ້​ຂອງ​ທະ​ເລ​ຊາຍ​ຊາ​ຮາຣາ​ໃນ​ອາ​ຟຣິກາ​ຈະ​ສ້າງ​ຂີ້​ເຫຍື້ອ​ເພີ່ມ​ສາມ​ເທົ່າ ​ໂດຍ​ເຕືອນ​ວ່າ: ຖ້າ​ຍັງ​ບໍ່​ຮີບ​ຮ້ອນ​ດຳ​ເນີນ​ມາດ​ຕະການ​ຮັບ​ມື ຈະ​ສົ່ງ​ຜົນ​ຕໍ່​ສຸຂະພາບ, ການ​ຜະລິດ, ສິ່ງ​ແວດ​ລ້ອມ ​ແລະ ຊີວິດ​ການ​ເປັນ​ຢູ່. ລາຍ​ງານ​ທະນາຄານ​ໂລກ​ພົບ​ວ່າ: ປະລິມານ​ຂີ້​ເຫຍື້ອຈະ​ແຊງ​ໜ້າການ​ຂະຫຍາຍຕົວ​ຂອງ​ປະຊາກອນ​ຂຶ້ນມາ​ເຖິງ 3.400 ລ້ານ​ໂຕນ​ພາຍ​ໃນ​ປີ 2050 ຈາກ 2.000 ​ລ້ານ​ໂຕນ​ໃນ​ປີ 2016. ກຸ່ມ​ປະ​ເທດ​ທີ່​ມີ​ລາຍ​ຮັບ​ສູງ​ມີ​ປະລິມານ​ຂີ້​ເຫຍື້ອຄິດ​ເປັນ​ໜຶ່ງ​ໃນ​ສາມ​ຂອງ​ຂີ້​ເຫຍື້ອທົ່ວ​ໂລກ ​ເຖິງ​ວ່າ​ມີ​ປະຊາກອນ​ພຽງ 16% ຂອງ​ປະຊາກອນ​ທົ່ວ​ໂລກ​ກໍ​ຕາມ. ຂະນະ​ທີ່​ໜຶ່ງ​ໃນ​ສີ່​ມາ​ຈາກ​ອາຊີ​ຕາ​ເວັນ​ອອກ ​ແລະ ​ເຂດ​ປາຊີ​ຟິກ. ນອກຈາກ​ນີ້ ຫລາຍ​ກວ່າ 90% ຂອງ​ກຸ່ມ​ປະ​ເທດ​ທີ່​ມີ​ລາຍ​ຮັບ​ໜ້ອຍ​ມັກ​ຖິ້ມຂີ້​ເຫຍື້ອ​ໄປ​ລ້າໆ​ໂດຍ​ບໍ່​ມີ​ວິທີ​ການ​ຈັດການ​ທີ່​ດີ ​ແລະ ບໍ່​ມີ​ກົດໝາຍ​ຈັດການ​ຂີ້​ເຫຍື້ອ. ບັນຫາ​ຂີ້​ເຫຍື້ອລົ້ນ​ໂລກ​ເພີ່ມ​ຂຶ້ນຍັງ​ສົ່ງ​ຜົນ​ຕໍ່​ສະພາບ​ອາກາດ​ປ່ຽນ​ແປງ, ປະລິມານ​ຂີ້​ເຫຍື້ອຫລາຍ​ໃນ​ປັດຈຸບັນ​ຍິ່ງ​ກໍ່​ໃຫ້​ເກີດ​ແກັສກາກ​ບອນ​ໃນ​ບັນຍາກາດ​ປະມານ 5%.

- lattana 1 - ທະນາຄານໂລກເຕືອນເມືອງເຕີບໃຫຍ່ຂຶ້ນ ສົ່ງຜົນຂີ້ເຫຍື້ອຖ້ວມໂລກອີກ 70%
- 1 1 - ທະນາຄານໂລກເຕືອນເມືອງເຕີບໃຫຍ່ຂຶ້ນ ສົ່ງຜົນຂີ້ເຫຍື້ອຖ້ວມໂລກອີກ 70%

ລາຍ​ງານ​ທະນາຄານ​ໂລກ​ແນະນຳ​ວ່າ: ການ​ສົ່ງ​ເສີມ​ການ​ແປ​ຮູບ​ສິ່ງ​ຂອງ​ໃຊ້​ແລ້ວ, ຫລຸດ​ການ​ໃຊ້​ປລາສຕິກ ​ແລະ ບໍ່​ໃຫ້​ອາຫານ​ເຫລືອ​ຖິ້ມ ຈະ​ຊ່ວຍ​ຫລຸດ​ປະລິມານ​ຂີ້​ເຫຍື້ອລົງ​ໄດ້. ສຳລັບ​ຂີ້​ເຫຍື້ອປລາສຕິກ ​ເຊິ່ງປົນ​ຢູ່​ໃນ​ແຫ​ລ່ງນ້ຳ ​ແລະ ລະບົບ​ນິ​ເວດ​ໄດ້​ຫລາຍ​ພັນ​ປີ ຄິດ​ເປັນ 12% ຂອງ​ປະລິມານ​ຂີ້​ເຫຍື້ອທັງ​ໝົດ.

error: Content is protected !!