ຜູ້ນຳ ສ.ເກົາຫລີ ຖະແຫລງຂ່າວຫລັງກັບຈາກ ປະຊຸມສຸດຍອດກັບຜູ້ນຳ ສປປ ເກົາຫລີ

- 1537444697282 960x0 - ຜູ້ນຳ ສ.ເກົາຫລີ ຖະແຫລງຂ່າວຫລັງກັບຈາກ ປະຊຸມສຸດຍອດກັບຜູ້ນຳ ສປປ ເກົາຫລີ
- Untitled design - ຜູ້ນຳ ສ.ເກົາຫລີ ຖະແຫລງຂ່າວຫລັງກັບຈາກ ປະຊຸມສຸດຍອດກັບຜູ້ນຳ ສປປ ເກົາຫລີ

ປະທານາທິບໍດີ ມຸນ ​ແຈ​ອິນ ຂອງ ສ.​ເກົາຫລີ ຖະ​ແຫລ​ງຜົນ​ກອງ​ປະຊຸມ​ສຸດ​ຍອດ​ຄັ້ງທີ 3 ກັບ​ທ່ານ ກິມ ຈ໋ອງອຸນ ຜູ້ນຳ ສປປ ​ເກົາຫລີ ທັນທີ​ທີ່​ກັບ​ເຖິງ​ປະ​ເທດ​ໃນ​ວັນ​ທີ 20 ກັນຍາ​ວ່າ: ຜູ້ນຳ ສປປ ​ເກົາຫລີ ພ້ອມ​ເລັ່ງການ​ປົດ​ນິວ​ເຄຼຍ​ແລກ​ກັບ​ການ​ທີ່​ອາ​ເມ​ລິ​ກາ​ໃຫ້ການ​ຮັບຮອງ​ຄວາມ​ປອດ​ໄພ ​ແລະ ຢາກ​ປະຊຸມ​ສຸດ​ຍອດ​ຄັ້ງທີ​ສອງ​ກັບ​ປະທານາທິບໍດີ ​ໂດ​ນັລ ທຣຳ ຂອງ​ອາ​ເມ​ລິ​ກາ ​ໂດຍ​ໄວ.

ປະທານາທິບໍດີ ມຸນ ​ແຈອິນ ກ່າວ​ວ່າ: ທ່ານ ກິມ ຈ໋ອງອຸນ ສະ​ແດງ​ຄວາມ​ປາຖະໜາ​ທີ່​ຈະ​ໃຫ້ການ​ປົດ​ນິວ​ເຄຼຍຢ່າງ​ສົມບູນ​ໂດຍ​ໄວ ​ເພື່ອ​ເດີນ​ໜ້າການ​ພັດທະນາ​ເສດຖະກິດ. ມີ​ບາງ​ເລື່ອງ​ທີ່​ທ່ານ ​ແລະ ຜູ້ນຳ ສປປ ​ເກົາຫລີ ບໍ່​ໄດ້​ບັນຈຸ​ໄວ້​ໃນ​ປະລິນຍາ​ຮ່ວມ ​ໃນ​ວັນ​ທີ 19 ກັນຍາ, ທ່ານ​ຕັ້ງ​ໃຈ​ໄວ້​ວ່າ​ຈະ​ແຈ້ງ​ໃນ​ລາຍ​ລະອຽດ​ໃຫ້​ອາ​ເມ​ລິ​ກາ​ຮູ້​ເມື່ອ​ໄປ​ຢ້ຽມຢາມ​ອາ​ເມ​ລິ​ກາ ​ແລະ ປະຊຸ​ມສຸດ​ຍອດ​ກັບ​ປະທານາທິບໍດີ ​ທຣຳ ອີກ​ຄັ້ງ. ກ່ອນ​ໜ້າ​ນີ້ ທຳນຽບປະທານາທິບໍດີ ສ.​ເກົາຫລີ ຖະ​ແຫລ​ງວ່າ: ປະທານາທິບໍດີ ມຸນ ​ແຈ​ອິນ ຈະ​ໄປ​ນະຄອນ​ນິວຢອກ​ໃນ​ອາທິດ​ນີ້ ​ເພື່ອ​ຮ່ວມ​ປະຊຸມ​ສະມັດຊາ​ໃຫຍ່​ແຫ່ງ​ສະຫະ​ປະຊາ​ຊາດ ​ແລະ ຈະ​ຫາລື​ທະວີ​ພາຄີ​ກັບ​ປະທານາທິບໍດີ ທຣຳ ​ໃນ​ວັນ​ທີ 24 ກັນຍາ ຕາມ​ເວລາ​ນິວຢອກ.

- Wave100S AD to Website 2020 0 - ຜູ້ນຳ ສ.ເກົາຫລີ ຖະແຫລງຂ່າວຫລັງກັບຈາກ ປະຊຸມສຸດຍອດກັບຜູ້ນຳ ສປປ ເກົາຫລີ

ຜູ້ນຳ ສ.​ເກົາຫລີ ​ເນັ້ນ​ໃນ​ການ​ຖະ​ແຫລ​ງຂ່າວ​ອີກ​ວ່າ: ອາ​ເມ​ລິ​ກາ​ຈະ​ຕ້ອງ​ດຳ​ເນີນ​ການ​ຕອບ​ແທນ ​ເພື່ອ​ໃຫ້ ສປປ ​ເກົາຫລີ ປົດ​ນິວ​ເຄຼຍ. ສປປ ​ເກົາຫລີ ​ໄດ້​ທຳລາຍ​ສະຖານ​ທີ່​ທົດ​ລອງ​ນິວ​ເຄຼຍພຸງ​ເກ​ຍຢ່າງ​ສິ້ນ​ເຊີງ​ແລ້ວ. ທ່ານ ກິມ ຈ໋ອງອຸນ ກ່າວ​ກັບ​ທ່ານ​ວ່າ: ສປປ ​ເກົາຫລີ ບໍ່​ສາມາດ​ທົດ​ລອງ​ນິວ​ເຄຼຍ​ໄດ້​ອີກ​ແລ້ວ ​ເພາະ​ທຳລາຍ​ສະຖານ​ທີ່​ທົດ​ລອງ​ນິວ​ເຄຼຍທີ່​ມີ​ຢູ່​ພຽງ​ແຫ່ງ​ດຽວ​ໄປ​ຢ່າງ​ສົມບູນ​ແລ້ວ ​ແລະ ພ້ອມ​ໃຫ້​ກວດ​ພິສູດ​ໄດ້​ທຸກ​ເວລາ. ດັ່ງນັ້ນ ຖ້າ ສປປ ​ເກົາຫລີ ຈະ​ທຳລາຍ​ສະຖານ​ທີ່​ທົດ​ລອງ​ເຄື່ອງ​ຈັກ​ລູກ​ສອນ​ໄຟ ​ແລະ ຖານ​ຍິງ​ລູກ​ສອນ​ໄຟດົງ​ຊັງຣີທີ່​ມີ​ຢູ່​ພຽງ​ແຫ່ງ​ດຽວ​ຂອງ​ປະ​ເທດ​ຕໍ່ໜ້າ​ຜູ້​ຊ່ຽວຊານ​ສາກົນ​ຕາມ​ທີ່​ທ່ານ ກິມ ຈ໋ອງອຸນ ຮັບປາກທ່ານ​ໃນ​ກອງ​ປະຊຸມ​ສຸດ​ຍອດ​ຄັ້ງນີ້, ອາ​ເມ​ລິ​ກາ ​ແລະ ສ.​ເກົາຫລີ ຈະ​ຕ້ອງ​ດຳ​ເນີນ​ມາດ​ຕະການ​ທີ່​ຈຳກັດ​ການ​ເປັນ​ປໍ​ລະ​ປັກ​ກັບ ສປປ ​ເກົາຫລີ ​ເຊັ່ນ​ກັນ.

- WhatsApp Image 2020 05 27 at 5 - ຜູ້ນຳ ສ.ເກົາຫລີ ຖະແຫລງຂ່າວຫລັງກັບຈາກ ປະຊຸມສຸດຍອດກັບຜູ້ນຳ ສປປ ເກົາຫລີ
- WhatsApp Image 2020 05 27 at 5 - ຜູ້ນຳ ສ.ເກົາຫລີ ຖະແຫລງຂ່າວຫລັງກັບຈາກ ປະຊຸມສຸດຍອດກັບຜູ້ນຳ ສປປ ເກົາຫລີ
error: Alert: ເນື້ອຫາຂ່າວມີລິຂະສິດ !!