ຄະນະກໍາມະການແມ່ນໍ້າຂອງຫາລືການສ້າງເຂື່ອນໄຟຟ້າຢູ່ຕາມລໍານໍ້າຂອງ

- advert banner 728 90 728x90 - ຄະນະກໍາມະການແມ່ນໍ້າຂອງຫາລືການສ້າງເຂື່ອນໄຟຟ້າຢູ່ຕາມລໍານໍ້າຂອງ

ໃນວັນທີ 20 ກັນຍານີ້, ຄະນະກໍາມະການແມ່ນໍ້າຂອງໄດ້ຈັດກອງປະຊຸມເປີດກວ້າງຜູ້ມີສ່ວນຮ່ວມລະດັບພາກພື້ນຄັ້ງທີ 5 ຂອງຄະນະກໍາມາທິການແມ່ນໍ້າຂອງສາກົນຂຶ້ນທີ່ນະຄອນຫລວງວຽງຈັນ, ໂດຍການເປັນປະທານຂອງທ່ານນາງ ບຸນຄໍາ ວໍລະຈິດ ຮອງລັດຖະມົນຕີກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມ, ມີຜູ້ຮັກສາການ ແລະ ຫົວໜ້າພະແນກວາງແຜນກອງເລຂາແມ່ນໍ້າຂອງສາກົນ ແລະ ຜູ້ຕາງໜ້າຈາກຄູ່ຮ່ວມພັດທະນາ,​ ມະຫາວິທະຍາໄລຕ່າງໆເຂົ້າຮ່ວມຫລາຍກວ່າ 300 ຄົນ.

ກອງປະຊຸມຄັ້ງນີ້, ເພື່ອເປີດກວ້າງການແລກປ່ຽນ ແລະ ຮັບຟັງຄໍາຄິດເຫັນຮ່ວມກັນຂອງບັນດາພາກສ່ວນກ່ຽວຂ້ອງລວມມີພາກລັດ, ເອກະຊົນ, ຜູ້ພັດທະນາ, ມະຫາວິທະຍາໄລ ແລະ ອົງການຈັດຕັ້ງທີ່ບໍ່ຂຶ້ນກັບລັດຖະບານ ຕໍ່ບັນຫາການພັດທະນາຕາມາແມ່ນໍ້າຂອງ, ເພື່ອກ້າວໄປຫາການພັດທະນາແບບຍືນຍົງ, ໂດຍສະເພາະໂຄງການສະເໜີກໍ່ສ້າງເຂື່ອນປາກລາຍແຂວງໄຊຍະບູລີ ແລະ ກອງປະຊຸມຈະໄດ້ປືກສາຫາລືໃນຫລາຍບັນຫາ ເປັນຕົ້ນແມ່ນແຜນການຈັດຕັ້ງປະຕິບັດແບບມີສ່ວນຮ່ວມສໍາລັບໂຄງການເຂື່ອນໄຟຟ້າປາກແບງ, ທົບທວນການປ່ຽນແປງການອອກແບບຂອງໂຄງການເຂື່ອນໄຟຟ້າໄຊຍະບູລີ, ປັບປຸງຄູ່ມືການແນະນໍາການອອກແບບເບື້ອງຕົ້ນ ແລະ ຍຸດທະສາດການພັດທະນາເຂື່ອນໄຟຟ້າແບບຍຶນຍົງ, ທັງນີ້ກໍ ເພື່ອມາແລກປ່ຽນບົດຮຽນນໍາກັນຂອງບັນດາຜູ້ມີສ່ວນຮ່ວມ ແລະ ເພື່ອເປັນການນໍາເອົາຄໍາຄິດຄໍາເຫັນຕ່າງໆນັ້ນມາເປັນພື້ນຖານໃຫ້ແກ່ການພິຈາລະນາ,​ ປັບປຸງໂຄງການດັ່ງກ່າວໃຫ້ມັນດີຂຶ້ນ, ທັງເປັນການສະແດງເຖິງເຈດຈໍານົງຂອງ ສປປ ລາວ ໃນການປະຕິບັດພັນທະໃນການຈັດຕັ້ງປະຕິບັດສັຍນາແມ່ນໍ້າຂອງປີ 1995 ເພື່ອເຮັດແນວໃດໃຫ້ໂຄງການພັດທະນາມີຄວາມຍືນຍົງ ແລະ ເປັນປະໂຫຍດ.

- lattana 1 - ຄະນະກໍາມະການແມ່ນໍ້າຂອງຫາລືການສ້າງເຂື່ອນໄຟຟ້າຢູ່ຕາມລໍານໍ້າຂອງ
- 1 1 - ຄະນະກໍາມະການແມ່ນໍ້າຂອງຫາລືການສ້າງເຂື່ອນໄຟຟ້າຢູ່ຕາມລໍານໍ້າຂອງ
error: Content is protected !!