ປຶກສາຫາລືການ​ຈັດ​ຕັ້ງ​ປະຕິບັດຄຳ​ສັ່ງ​ວ່າ​ດ້ວຍ​ການ​ປັບ​ປຸງລະບຽບ​ການ ແລະ ກົນ​ໄກ​ການ​ປະສານ​ງານ​​ດຳ​ເນີນ​ທຸລະ​ກິດຢູ່ລາວ

- discussion - ປຶກສາຫາລືການ​ຈັດ​ຕັ້ງ​ປະຕິບັດຄຳ​ສັ່ງ​ວ່າ​ດ້ວຍ​ການ​ປັບ​ປຸງລະບຽບ​ການ ແລະ ກົນ​ໄກ​ການ​ປະສານ​ງານ​​ດຳ​ເນີນ​ທຸລະ​ກິດຢູ່ລາວ
- Untitled design - ປຶກສາຫາລືການ​ຈັດ​ຕັ້ງ​ປະຕິບັດຄຳ​ສັ່ງ​ວ່າ​ດ້ວຍ​ການ​ປັບ​ປຸງລະບຽບ​ການ ແລະ ກົນ​ໄກ​ການ​ປະສານ​ງານ​​ດຳ​ເນີນ​ທຸລະ​ກິດຢູ່ລາວ

ໃນວັນທີ 21 ກັນຍານີ້, ກະຊວງ​ອຸດ​ສາ​ຫະກຳ ​ແລະ ການ​ຄ້າ ​ໄດ້​ຈັດ​ກອງ​ປະຊຸມ​ປຶກສາ​ຫາ​ລືກ່ຽວ​ກັບ​ການຈັດ​ຕັ້ງ​ປະ​ຕິ​ບັດ​ຄຳ​ສັ່ງຂອງ​ທ່ານ​ນາຍົກລັດຖະມົນ​ຕີວ່າ​ດ້ວຍ​ການ​ປັບ​ປຸງບັນດາລະບຽບ​ການ ​ແລະ ກົນ​ໄກ​ການ​ປະສານ​ງານ​ການ​ດຳ​ເນີນ​ທຸລະ​ກິດຢູ່ ສປປ ລາວ,​ ໂດຍການເປັນປະທານຂອງທ່ານ ບຸນມີ ມະນີວົງ ຮອງລັດຖະມົນຕີກະຊວງອຸດສາຫະກຳ ແລະ ການຄ້າ, ​ມີບັນດາຫົວໜ້າກົມ, ຮອງກົມ, ພ້ອມດ້ວຍຜູ້ຕາງໜ້າຈາກແໜງການທີ່ກ່ຽວຂ້ອງເຂົ້າຮ່ວມ.

ໃນໂອກາດດັ່ງກ່າວ, ທ່ານ ບຸນມີ ມະນີວົງ ກ່າວວ່າ: ການຈັດກອງປະຊຸມໃນຄັ້ງນີ້, ແນໃສ່ລາຍງານຄວາມຄືບໜ້າການຈັດຕັ້ງປະຕິບັດຄຳສັ່ງສະບັບດັ່ງກ່າວ, ໂດຍສະເພາະບັນຫາທີ່ຕິດພັນກັບໝວດຕົວຊີ້ວັດທີ 8 ການຄ້າຂ້າມແດນ, ເຊິ່ງເປັນວຽກງານໜຶ່ງທີ່ຕິດພັນກັບຫລາຍຂະແໜງການທີ່ກ່ຽວ ຂ້ອງ. ພ້ອມທັງປຶກສາຫາລືເພື່ອວາງທິດທາງແຜນການຈັດຕັ້ງປະຕິບັດໃນຕໍ່ໜ້າ ໂດຍສຸມໃສ່ການປັບປຸງຂອດຂັ້ນ ຫລື ຕັດຂັ້ນຂອດທີ່ບໍ່ຈຳເປັນ ເພື່ອຫລຸດຜ່ອນເວລາ ແລະ ຄ່າໃຊ້ຈ່າຍໃນການດຳເນີນການນຳເຂົ້າ ແລະ ສົ່ງອອກ, ເຊິ່ງຕິດພັນກັບຂອດການອະນຸມັດຂອງຫລາຍຂະແໜງການ ພ້ອມທັງ ປັບປຸງຂອດການປະສານງານລະຫວ່າງຂະແໜງການ ເພື່ອເຮັດໃຫ້ມີຄວາມວ່ອງໄວ ແລະ ມີປະສິດທິພາບ. ໃນໄລຍະ 6 ເດືອນຜ່ານມາກະຊວງອຸດສາຫະກຳ ແລະ ການຄ້າ ໄດ້ສຸມໃສ່ສ້າງກົນໄກການຈັດຕັ້ງປະຕິບັດຕົວຊີ້ວັດການຄ້າຂ້າມແດນ, ເຊິ່ງເຫັນໄດ້ຈາກຄະນະກໍາມະການຊີ້ນຳລວມອຳນວຍຄວາມສະດວກທາງດ້ານການຄ້າໄດ້ຖືກແຕ່ງຕັ້ງຂຶ້ນ ແນໃສ່ເພີ່ມທະວີກົນໄກການປະສານງານລະຫວ່າງຂະແໜງການທີ່ກ່ຽວຂ້ອງທັງຢູ່ສູນກາງ ແລະ ທ້ອງຖິ່ນ, ທັງເປັນກົນໄກໃນການແກ້ໄຂບັນຫາ ແລະ ຂໍ້ຫຍຸງຍາກໃນການດຳເນີນທຸລະກິດນຳເຂົ້າ-ສົ່ງອອກ ໃນຂອບເຂດທົ່ວປະເທດໃຫ້ເປັນເອກະພາບ.

- Wave100S AD to Website 2020 0 - ປຶກສາຫາລືການ​ຈັດ​ຕັ້ງ​ປະຕິບັດຄຳ​ສັ່ງ​ວ່າ​ດ້ວຍ​ການ​ປັບ​ປຸງລະບຽບ​ການ ແລະ ກົນ​ໄກ​ການ​ປະສານ​ງານ​​ດຳ​ເນີນ​ທຸລະ​ກິດຢູ່ລາວ

ທ່ານ ບຸນມີ ມະນີວົງ ໃຫ້ຮູ້ອີກວ່າ: ສຳລັບທິດທາງແຜນການໃນຕໍ່ໜ້າ ກະຊວງອຸດສາຫະກຳ ແລະ ການຄ້າ ຈະສືບຕໍ່ເປັນເຈົ້າການໃນການຈັດຕັ້ງປະຕິບັດວຽກງານອຳອນວຍຄວາມສະດວກທາງດ້ານການຄ້າຂ້າມແດນ, ໂດຍການປະສານສົມທົົບກັບຂະແໜງການທີ່ກ່ຽວຂ້ອງ ກໍຄືການເລັ່ງປັບປຸງ, ແກ້ໄຂຂະບວນການ, ຂັ້ນຕອນການອະນຸຍາດນຳເຂົ້າ-ສົ່ງອອກ ໃຫ້ຫລຸດລົງຢ່າງໜ້ອຍ 50% ໃນປີ 2019, ພ້ອມທັງໃຫ້ສຳເລັດການສ້າງ ແລະ ປະກອບຄະນະກຳມະການຊີ້ນຳລວມອຳນວຍຄວາມສະດວກທາງດ້ານການຄ້າ ຂັ້ນສູນກາງ ແລະ ທ້ອງຖິ່ນໃຫ້ສົມບູນ.

- WhatsApp Image 2020 05 27 at 5 - ປຶກສາຫາລືການ​ຈັດ​ຕັ້ງ​ປະຕິບັດຄຳ​ສັ່ງ​ວ່າ​ດ້ວຍ​ການ​ປັບ​ປຸງລະບຽບ​ການ ແລະ ກົນ​ໄກ​ການ​ປະສານ​ງານ​​ດຳ​ເນີນ​ທຸລະ​ກິດຢູ່ລາວ
- WhatsApp Image 2020 05 27 at 5 - ປຶກສາຫາລືການ​ຈັດ​ຕັ້ງ​ປະຕິບັດຄຳ​ສັ່ງ​ວ່າ​ດ້ວຍ​ການ​ປັບ​ປຸງລະບຽບ​ການ ແລະ ກົນ​ໄກ​ການ​ປະສານ​ງານ​​ດຳ​ເນີນ​ທຸລະ​ກິດຢູ່ລາວ
error: Alert: ເນື້ອຫາຂ່າວມີລິຂະສິດ !!