ປະທານສະພາແຫ່ງຊາດເຂົ້າຮ່ວມກອງປະຊຸມເວທີປຶກສາຫາລືແມ່ຍິງເອີຣົບ-ອາຊີຄັ້ງທີ 2 ທີ່ນະຄອນຊັງປີເຕີສະເບິກ

- pany - ປະທານສະພາແຫ່ງຊາດເຂົ້າຮ່ວມກອງປະຊຸມເວທີປຶກສາຫາລືແມ່ຍິງເອີຣົບ-ອາຊີຄັ້ງທີ 2 ທີ່ນະຄອນຊັງປີເຕີສະເບິກ
- Untitled design - ປະທານສະພາແຫ່ງຊາດເຂົ້າຮ່ວມກອງປະຊຸມເວທີປຶກສາຫາລືແມ່ຍິງເອີຣົບ-ອາຊີຄັ້ງທີ 2 ທີ່ນະຄອນຊັງປີເຕີສະເບິກ

ທ່ານນາງ ປານີ ຢາທໍ່ຕູ້ ປະທານສະພາແຫ່ງຊາດໄດ້ກ່າວປາໃສຕໍ່ກອງປະຊຸມເວທີປຶກສາຫາລືແມ່ຍິງເອີຣົບ-ອາຊີ ຄັ້ງທີ 2 ພາຍໃຕ້ຫົວຂໍ້: “ແມ່ຍິງກັບຄວາມໝັ້ນຄົງຂອງໂລກ ແລະ ການພັດທະນາແບບຍືນຍົງ” ຈັດຂຶ້ນຢູ່ນະຄອນຊັງປີເຕີສະເບິກ ຣັດເຊຍໃນວັນທີ 20-21 ກັນຍາ 2018 ໂດຍມີເນື້ອໃນສຳຄັນວ່າ: ບັນຫາສັນຕິພາບ, ຄວາມໝັ້ນຄົງ ແລະ ການພັດທະນາແບບຍືນຍົງ ເປັນສອງບັນຫາ ທີ່ມີສາຍພົວພັນເຊິ່ງກັນ ແລະ ກັນ, ທີ່ກໍາລັງກາຍເປັນຄວາມເປັນຫວ່ງເປັນໄຍ ແລະ ສິ່ງທ້າທາຍອັນໃຫ່ຍຫລວງຕໍ່ທຸກປະເທດທົ່ວໂລກ. ການປົກປັກຮັກສາສັນຕິພາບ ແລະ ຄວາມໝັ້ນຄົງພາຍໃນປະເທດເປັນພື້ນຖານ ແລະ ກໍາລັງແຮງ ພັກດັນການພັດທະນາແບບຍືນຍົງ, ແຕ່ກົງກັນຂ້າມ ຖ້າປະເທດຊາດ ຫາກຂາດຄວາມໝັ້ນຄົງ ກໍ່ບໍ່ສາມາດສ້າງສາພັດທະນາເສດຖະກິດ-ສັງຄົມ ໃຫ້ມີຄວາມກ້າວໜ້າໄດ້. ຕໍ່ກັບບົດບາດຂອງແມ່ຍິງ ກັບຄວາມໝັ້ນຄົງ ແລະ ການພັດທະນາແບບຍືນຍົງ, ອົງການລັດຖະສະພາພາກພື້ນ ແລະ ສາກົນຕ່າງໆ ໄດ້ມີການປຶກສາຫາລືກັນມາຫລາຍຄັ້ງ ໂດຍສະເພາະໃນກອງປະຊຸມເວທີປຶກສາຫາລືແມ່ຍິງອາຊີ-ເອີຣົບ ຄັ້ງທີ່ 1 ຊຶ່ງຈັດຂຶ້ນໃນປີ 2015 ທີ່ນະຄອນຊັງປີເຕີສະເບີກ ຣັດເຊຍ ກໍ່ໄດ້ຕີລາຄາ ແລະ ຮັບຮູ້ຮ່ວມກັນວ່າ ແມ່ຍິງເປັນສ່ວນປະກອບທີ່ຈໍາເປັນ ແລະ ມີບົດບາດສໍາຄັນ ໃນການຕັດສິນບັນຫາທາງດ້ານການເມືອງ, ເສດຖະກິດ, ວັດທະນະທໍາ-ສັງຄົມ ແລະ ຄອບຄົວ, ເຊິ່ງປະຕິເສດບໍ່ໄດ້ວ່າປັດຈຸບັນສັງຄົມ ຍັງຕ້ອງການຟື້ນຟູທາງດ້ານແນວຄິດ ແລະ ຫລັກຈາລິຍະທໍາ ເພື່ອສົ່ງເສີມສະຖາບັນຄອບຄົວທີ່ເຂັ້ມແຂງ ແລະ ປະຊາຄົມທີ່ມີການພັດທະນາແບບຍືນຍົງ, ເຊິ່ງເວທີແຫ່ງນີ້ ໄດ້ສ້າງມິຕິໃໝ່ແຫ່ງການປຶກສາຫາລືລະຫວ່າງຊາດ ໃນບັນຫາທີ່ກ່ຽວຂ້ອງກັບບົດບາດຂອງແມ່ຍິງ ແລະ ການພັດທະນາແບບຍືນຍົງ.

ເວທີປຶກສາຫາລືແມ່ຍິງອາຊີ-ເອີຣົບ ເປັນເວທີໜຶ່ງທີ່ມີບົດບາດສໍາຄັນ ໃນການສ້າງໂອກາດໃຫ້ບັນດາທ່ານຜູ້ນໍາເພດຍິງ ໄດ້ປຶກສາຫາລື ແລກປ່ຽນຄໍາຄິດຄໍາເຫັນ ແລະ ປະສົບການນໍາກັນ ເພື່ອຮ່ວມກັນຊອກຫາຊ່ອງທາງໃນການຊຸກຍູ້ ແລະ ສົ່ງເສີມຄວາມກ້າວໜ້າຂອງແມ່ຍິງ ໃນການມີສ່ວນຮ່ວມໃນການຕັດສິນທາງການເມືອງ ເຮັດໃຫ້ແມ່ຍິງເຂົ້າສູ່ຂະບວນການຮ່ວມມື ເພື່ອສ້າງເຄື່ອຂ່າຍຄວາມສາມັກຄີ, ຄວາມປອງດອງ, ການທ້ອນໂຮມກໍາລັງແຮງໃນການແກ້ໄຂຂໍ້ຂັດແຍ່ງ, ຄວາມແຕກໂຕນກັນ ຂອງການພັດທະນາ ໂດຍຮ່ວມກັນກັນເປັນເຈົ້າການຊຸກຍູ້ສົ່ງເສີມ ໃຫ້ແກ່ແມ່ຍິງນັບມື້ນັບມີສ່ວນຮ່ວມຢ່າງຫ້າວຫັນ ແລະ ມີບົດບາດສູງຂຶ້ນໃນທຸກຂົງເຂດວຽກງານຂອງສັງຄົມ ເປັນຕົ້ນແມ່ນ ການມີສ່ວນຮ່ວມໃນວຽກງານຄົ້ນຄວ້າວິທະຍາສາດ, ເຕັກໂນໂລຊີທີ່ທັນສະໄໝ, ການເຕີບໂຕທາງດ້ານເສດຖະກິດ, ຄວາມກ້າວໜ້າທາງສັງຄົມ, ລວມທັງເຂົ້າຮ່ວມເຄື່ອນໄຫວໃນການປຶກສາຫາລື ແລະ ເຈລະຈາ ແກ້ໄຂບັນຫາສັນຕິພາບ, ຄວາມໝັ້ນຄົງ ແລະ ບັນຫາຂໍ້ຂັດແຍ່ງຕ່າງໆຂອງໂລກຢ່າງສັນຕິວິທີ ຜ່ານກົນໄກການຮ່ວມມືແບບສອງຝ່າຍ ແລະ ຫລາຍຝ່າຍ.

ໂອກາດນີ້ ທ່ານ ນາງ ປານີ ຢາທໍ່ຕູ້ ຍັງໄດ້ຮຽກຮ້ອງໃຫ້ປະເທດພັດທະນາແລ້ວ ທີ່ມີບົດຮຽນ ປະສົບການສູງ ແລະ ມີທ່າແຮງທາງດ້ານເສດຖະກິດ ຈົ່ງຊ່ວຍປະເທດດ້ອຍພັດທະນາ, ປະເທດກໍາລັງພັດທະນາ ລວມໄປເຖິງການຊຸກຍູ້ ສົ່ງເສີມໃຫ້ສະມາຊິກສະພາເພດຍິງ ໄດ້ມີການພົວພັນ ແລະ ຮ່ວມມືກັນ ເພື່ອແນ່ໃສ່ປະກອບສ່ວນເຂົ້າໃນການເສີມສ້າງສັນຕິພາບ ສະຖຽນລະພາບ ແລະ ຄວາມສົມບູນພູນສຸກຂອງພາກພື້ນອາຊີ-ເອີຣົບ ກໍຄື ຂອງໂລກ. ສ້າງຄວາມເຊື່ອໝັ້ນ ແລະ ຄວາມເຂົ້າອົກເຂົ້າໃຈ ເຊິ່ງກັນ ແລະ ກັນ ລະຫວ່າງປະ ຊາຊົນສອງພາກພື້ນ ໃຫ້ກາຍເປັນພະລັງຂັບເຄື່ອນທີ່ສໍາຄັນ ໃຫ້ແກ່ການບັນລຸເປົ້າໝາຍການພັດທະນາແບບຍືນຍົງ ຕາມວາລະ 2030 ໂດຍແມ່ນແມ່ຍິງ ມີສ່ວນປະກອບທີ່ສໍາຄັນໃນຂະບວນດັ່ງກ່າວ.

- Wave100S AD to Website 2020 0 - ປະທານສະພາແຫ່ງຊາດເຂົ້າຮ່ວມກອງປະຊຸມເວທີປຶກສາຫາລືແມ່ຍິງເອີຣົບ-ອາຊີຄັ້ງທີ 2 ທີ່ນະຄອນຊັງປີເຕີສະເບິກ
- WhatsApp Image 2020 05 27 at 5 - ປະທານສະພາແຫ່ງຊາດເຂົ້າຮ່ວມກອງປະຊຸມເວທີປຶກສາຫາລືແມ່ຍິງເອີຣົບ-ອາຊີຄັ້ງທີ 2 ທີ່ນະຄອນຊັງປີເຕີສະເບິກ
- WhatsApp Image 2020 05 27 at 5 - ປະທານສະພາແຫ່ງຊາດເຂົ້າຮ່ວມກອງປະຊຸມເວທີປຶກສາຫາລືແມ່ຍິງເອີຣົບ-ອາຊີຄັ້ງທີ 2 ທີ່ນະຄອນຊັງປີເຕີສະເບິກ
error: Alert: ເນື້ອຫາຂ່າວມີລິຂະສິດ !!