ນໍ້າໃຈເພື່ອນມິດ ແລະ ອົງການຈັດຕັ້ງສາກົນໃຫ້ການຊ່ວຍເຫລືອຢູ່ລາວ

- Inter from overseas - ນໍ້າໃຈເພື່ອນມິດ ແລະ ອົງການຈັດຕັ້ງສາກົນໃຫ້ການຊ່ວຍເຫລືອຢູ່ລາວ
- Untitled design - ນໍ້າໃຈເພື່ອນມິດ ແລະ ອົງການຈັດຕັ້ງສາກົນໃຫ້ການຊ່ວຍເຫລືອຢູ່ລາວ

ແຫລ່ງຂ່າວ ຂປລ ລາຍງານວ່າ: ນັບແຕ່ວັນທີ 24 ກໍລະກົດຫາເດືອນກັນຍານີ້, ໄດ້ມີອົງການຈັດຕັ້ງພັກ-ລັດ, ບັນດາປະເທດເພື່ອນມິດ, ອົງການຈັດຕັ້ງສາກົນ, ມູນນິທິຕ່າງໆ ລວມທັງປະຊາຊົນ, ທຸລະກິດຫ້າງຮ້ານ, ບໍລິສັດ, ທະນາຄານທັງພາຍໃນ ແລະ ຕ່າງປະເທດ ໄດ້ນໍາເອົາວັດຖຸປັດໃຈຕ່າງໆມາໃຫ້ການຊ່ວຍເຫລືອຜູ້ປະສົບກັບໄພພິບັດນໍ້າຖ້ວມຢູ່ລາວເຮົາ ລວມທັງໝົດມີ 844 ພາກສ່ວນ ແລະ ມີ 19 ປະເທດ.

ທ່ານ ຄຳແພງ ໄຊສົມແພງ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ, ປະທານຄະນະກໍາມະການປ້ອງກັນ ແລະ ຄວບຄຸມໄພພິບັດແຫ່ງຊາດ ກ່າວໃນພິທີຖະແຫລງຂ່າວກ່ຽວກັບການຊ່ວຍເຫລືອ ແລະ ແກ້ໄຂໄພພິບັດແຫ່ງຊາດໃນວັນທີ 19 ກັນຍານີ້ວ່າ: ເງິນທີ່ໄດ້ຮັບຈາກການບໍລິຈາກທັງໝົດ 70,07 ຕື້ກີບ, ສະກຸນເງິນໄທ 85,04 ລ້ານບາດ ແລະ ສະກຸນເງິນໂດລາສະຫະລັດ 13,16 ລ້ານໂດລາສະຫະລັດ. ໃນນັ້ນສະເພາະຢູ່ຈຸດຮັບບໍລິຈາກຢູ່ກະຊວງແຮງງານ ແລະ ສະຫວັດດີການສັງຄົມ ມາຮອດວັນທີ 12 ກັນຍາ 2018 ມີ 20,05 ຕື້ກີບ, ສະກຸນເງິນໄທ 85,04 ລ້ານບາດ ແລະ ສະກຸນເງິນໂດລາ 13,16 ລ້ານໂດລາສະຫະລັດ ແລະ ຢູ່ຈຸດຮັບບໍລິຈາກແຂວງອັດຕະປື ມາຮອດວັນທີ 11 ກັນຍາ 2018 ໄດ້ທັງໝົດ 50,02 ຕື້ກີບ ລວມທັງສະກຸນເງິນຕ່າງປະເທດນຳ.

ນອກນີ້, ຍັງໄດ້ຮັບເຄື່ອງຊ່ວຍເຫລືອເປັນວັດຖຸອຸປະກອນ, ເຄື່ອງອຸປະໂພກ-ບໍລິໂພກ ​ແລະ ອື່ນໆ ເປັນຈໍານວນຫລວງຫລາຍ, ຊຶ່ງ​ມີ 80 ກວ່າລາຍການ ເປັນຕົ້ນ​ແມ່ນເຮືອກູ້ໄພ, ຜ້າເຕັ້ນ, ຜ້າບັດ, ເຄື່ອງກອງນໍ້າ, ເຄື່ອງໃຊ້ໃນຄົວເຮືອນ, ອຸປະກອນການສ້ອມແປງເຮືອນ, ເຄື່ອງສຸຂະອະນາໄມສໍາລັບໄວຈະເລີນພັນ, ເຂົ້າສານ-ອາຫານແຫ້ງ, ນໍ້າດື່ມ, ຢາປົວພະຍາດ, ເຄື່ອງນອນ ​ແລະ ອື່ນໆ. ເຄື່ອງສ່ວນໃຫຍ່ແມ່ນໄດ້ເກັບມ້ຽນຢ່າງເປັນລະບົບຢູ່ສາງຫລັກ 17 ຂອງກະຊວງແຮງງານ ແລະ ສະຫວັດດີການສັງຄົມ ແລະ ອີກບາງສ່ວນແມ່ນໄດ້ເກັບມ້ຽນຢູ່ສາງເກັບມ້ຽນເຄື່ອງແຂວງຈໍາປາສັກ ແລະ ແຂວງອັດຕະປື.

ໃນຜ່ານມາ, ກະຊວງແຮງງານ ແລະ ສະຫວັດດີການສັງຄົມ ໄດ້ສົມທົບກໍາລັງ ແລະ ພາຫະນະຂອງກອງທັບ ແລະ ກໍາລັງແຮງຂອງຊາວໜຸ່ມ ໄດ້ຈັດສົ່ງ ແລະ ມອບເຄື່ອງຊ່ວຍເຫລືອນັບທັງເງິນສົດ, ວັດຖຸອຸປະກອນ, ເຮືອກູ້ໄພ, ​ເຄື່ອງອຸປະໂພກ-ບໍລິໂພກ ໃຫ້ປະຊາຊົນທີ່ໄດ້ຮັບຜົນກະທົບຈາກໄພພິບັດນໍ້າຖ້ວມຢູ່ບັນດາແຂວງໃນເຂດທົ່ວປະເທດໄດ້ຢ່າງກວ້າງຂວາງ, ໂດຍສະເພາະແມ່ນຈັດສົ່ງໄປຊ່ວຍປະຊາຊົນທີ່ໄດ້ຮັບຜົນກະທົບຈາກໄພພິບັດຢູ່ ເມືອງສະໜາມໄຊ ລວມມີ 59 ຖ້ຽວ. ສະເພາະອັດຕະປືມີ 13 ຖ້ຽວ. ສ່ວນໄປຫາເມືອງສະໜາມໄຊແມ່ນມີເປັນປະຈໍາທຸກມື້ເປັນຕົ້ນ​ແມ່ນເຂົ້າສານ, ອາຫານແຫ້ງ, ນໍ້າດື່ມ ​ແລະ ອື່ນໆ.

- Wave100S AD to Website 2020 0 - ນໍ້າໃຈເພື່ອນມິດ ແລະ ອົງການຈັດຕັ້ງສາກົນໃຫ້ການຊ່ວຍເຫລືອຢູ່ລາວ

ທ່ານ ຄຳແພງ ໄຊສົມແພງ ຢ້ຳຄືນວ່າ: ເງິນທີ່ໄດ້ຮັບຈາກການຊ່ວຍເຫລືອຜ່ານກະຊວງແຮງງານ ແລະ ສະຫວັດດີການສັງຄົມ ແມ່ນຍັງບໍ່ທັນໄດ້ນຳໃຊ້, ຍັງເກັບຮັກສາໄວ້ຢູ່ທະນາຄານການຄ້າຕ່າງປະເທດລາວມະຫາຊົນທັງໝົດ, ​ໂດຍຈະ​ໄດ້ນຳໃຊ້ເຂົ້າຢູ່ໃນໄລຍະຂອງການຟື້ນຟູ, ສ່ວນຄ່າໃຊ້ຈ່າຍໃນປັດຈຸບັນ ແມ່ນນຳໃຊ້ເງິນຊ່ວຍເຫລືອຜ່ານແຂວງອັດຕະປື, ພ້ອມ​ທັງຢືນຢັນຢ່າງໜັກແໜ້ນວ່າ: ເງິນທີ່ໄດ້ຮັບຈາກການຊ່ວຍເຫລືອຈາກສັງຄົມທັງພາຍໃນ ແລະ ຕ່າງປະເທດນັ້ນ ແມ່ນບໍ່ໄດ້ນຳເອົາໄປໃຊ້ເຂົ້າໃນບ້ວງບໍລິຫານຈັດການໃດໆທັງສິ້ນ, ເຊິ່ງເງິນທັງໝົດ ຈະໄດ້ນຳໃຊ້ເຂົ້າໃນການຊ່ວຍ ເຫລືອສຸກເສີນຕົວຈິງໃຫ້ແກ່ປະຊາຊົນ ແລະ ນຳໃຊ້ເຂົ້າຢູ່ໃນໄລຍະການຟື້ນຟູໃຫ້ມີປະສິດທິພາບທີ່ສຸດ, ພ້ອມ​ທັງໃຫ້ຄຳໝັ້ນສັນຍາວ່າຈະນຳໃຊ້ເງິນດັ່ງກ່າວ ພ້ອມດ້ວຍເຄື່ອງບໍລິຈາກຕ່າງໆໃຫ້ຖືກຕ້ອງຕາມເປົ້າໝາຍ ແລະ ຮັບປະກັນບໍ່ໃຫ້ມີການຕົກເຮ່ຍເສຍຫາຍເດັດຂາດ.

- WhatsApp Image 2020 05 27 at 5 - ນໍ້າໃຈເພື່ອນມິດ ແລະ ອົງການຈັດຕັ້ງສາກົນໃຫ້ການຊ່ວຍເຫລືອຢູ່ລາວ
- WhatsApp Image 2020 05 27 at 5 - ນໍ້າໃຈເພື່ອນມິດ ແລະ ອົງການຈັດຕັ້ງສາກົນໃຫ້ການຊ່ວຍເຫລືອຢູ່ລາວ
error: Alert: ເນື້ອຫາຂ່າວມີລິຂະສິດ !!