ຕ້ອງປົກປັກຮັກສາສິ່ງຂອງຊ່ວຍເຫລືອຜູ້ປະສົບໄພໃຫ້ດີ

- 39936630 2091205004527281 3253059713763377152 n - ຕ້ອງປົກປັກຮັກສາສິ່ງຂອງຊ່ວຍເຫລືອຜູ້ປະສົບໄພໃຫ້ດີ
- Untitled design - ຕ້ອງປົກປັກຮັກສາສິ່ງຂອງຊ່ວຍເຫລືອຜູ້ປະສົບໄພໃຫ້ດີ

  ໂດຍ: ທ່ຽງທຳ 

ສະບາຍດີ, ເພື່ອນຜູ້ອ່ານ ທີ່ຮັກແພງ, ຟັງແລ້ວໃຜໆກໍ ຈະຮູ້ເມື່ອປະເທດເຮົາໄດ້ປະສົບໄພພິບັດນ້ຳຖ້ວມຢ່າງຮ້າຍແຮງເປັນປະຫວັດການ ໃນປີນີ້ເກືອບມີທົ່ວທຸກ ແຂວງ, ແຕ່ໃນນັ້ນຮ້າຍແຮງກວ່າໝູ່ ແມ່ນຢູ່ເມືອງສະໜາມໄຊ ແຂວງ ອັດຕະປື ເນື່ອງຈາກ ເຂື່ອນກັນນ້ຳໂຄງການໄຟຟ້າ ເຊປຽນ- ເຊນ້ຳນ້ອຍແຕກ ເມື່ອທ້າຍເດືອນກໍລະກົດ ຜ່ານມາອັນໄດ້ເຮັດໃຫ້ຊີວິດ ແລະ ຊັບສິນ, ເຮືອນຊານ ບ້ານຊ່ອງ ແລະ ຜົນຜະລິດ ຕ່າງໆ ໄດ້ຮັບຄວາມເສຍຫາຍ ຢ່າງຫລວງຫລາຍ ແລະ ເມື່ອ ມີເຫດຮ້າຍດັ່ງກ່າວ ພັກ, ລັດ ຖະບານ ແລະ ປະຊາຊົນໃນ ທົ່ວປະເທດ, ພ້ອມດ້ວຍ ບັນດາປະເທດ ເພື່ອນມິດ, ບ້ານໃກ້ເຮືອນຄຽງ ແລະ ອົງ ການຈັດຕັ້ງສາກົນຕ່າງໆ ກໍໄດ້ຮ່ວມແຮງຮ່ວມໃຈນຳ ເອົາວັດຖຸສິ່ງຂອງເງິນຄຳ, ກຳລັງແຮງ ແລະ ພາຫະນະ ອຸປະກອນຕ່າງໆ ມາຊ່ວຍ ເຫລືອຢ່າງຫລວງຫລາຍ ສຳລັບເງິນກີບກໍມີຫລາຍ ກວ່າ 70 ຕື້ກີບ, ສະກຸນເງິນໄທ ມີ 54 ລ້ານກວ່າບາດ ແລະ ສະກຸນເງິນໂດລາສະຫະລັດ ກໍມີຫລາຍເຖິງ 13,16 ລ້ານ ໂດລາ ແລະ ວັດຖຸສິ່ງຂອງ ອື່ນ ກໍມີຢ່າງຫລາຍເຖິງ 80 ກວ່າລາຍການ, ໃນນັ້ນຫລາຍ ກວ່າໝູ່ກໍອາດຈະແມ່ນເຄື່ອງ ອຸປະໂພກ, ບໍລິໂພກເຂົ້າປາ, ອາຫານ, ນ້ຳດື່ມອັນເປັນ ສິ່ງຂາດບໍ່ໄດ້ໃນຊີວິດປະຈຳ ວັນຂອງຜູ້ສະສົບໄພ ດັ່ງກ່າວ ແລະ ຜ່ານມາທາງຄະນະ ກຳມະການປ້ອງກັນ ແລະ ຄອບຄຸມໄພພິບັດແຫ່ງຊາດ ແລະ ພາກສ່ວນກ່ຽວຂ້ອງ ຕ່າງໆ ພ້ອມອຳນາດການ ປົກ ຄອງທ້ອງຖິ່ນກໍໄດ້ພະຍາ ຍາມສຸມໃສ່ຈັດສົ່ງເຄື່ອງຊ່ວຍ ເຫລືອ ດັ່ງກ່າວໄປຮອດຜູ້ປະ ສົບໄພຢ່າງເປັນປົກກະຕິເພື່ອ ເຂົາເຈົ້າໄດ້ມີເຄື່ອງນຸ່ງຫົ່ມ, ເຂົ້າປາອາຫານ ແລະ ໄດ້ຮັບ ການເບິ່ງແຍງດູແລດ້ານສຸຂະ ພາບ, ມີບ່ອນພັກບ່ອນເຊົາເພື່ອ ເຂົາເຈົ້າສາມາດຟື້ນຟູຈິດໃຈ ຂອງຕົນດີຂຶ້ນເປັນປົກກະຕິ, ແຕ່ຄຽງຄູ່ກັນນັ້ນ, ຜູ້ຮັບຜິດ ຊອບເຄື່ອງຊ່ວຍເຫລືອດັ່ງ ກ່າວກໍຈະຕ້ອງໄດ້ອອກແຮງ ປົກປັກຮັກສາ ແລະ ຈັດສັນ ສູ່ຄວາມເປັນລະບຽບຮຽບ ຮ້ອຍ, ໂດຍສະເພາະແມ່ນຜູ້ ຮັບຜິດຊອບສາງເກັບມ້ຽນ ເຄື່ອງ ດັ່ງກ່າວ, ກໍຈະຕ້ອງໄດ້ ຈັດແຈງອັນໃດ ເປັນສິ່ງຂອງ ທີ່ຈະເສຍຄຸນໝົດອາຍຸນຳ ໃຊ້ຫລືຈະບູດເໜົ່າໄດ້ງ່າຍ ກໍຕ້ອງໄດ້ຮີບຮ້ອນນຳເອົາ ໄປແຈກຢາຍໃຫ້ຜູ້ປະສົບໄພ ໃນແຂວງຕ່າງໆ ໄດ້ຮັບບໍລິ ໂພກດີກວ່າ ມັນຈະສູນເສຍ ໄປຢ່າໃຫ້ເປັນດ່ັງຄຳໃສ່ຮ້າຍ ປ້າຍສີຂອງພວກບໍ່ຫວັງດີ ວ່າ: “ຈົນປະໃຫ້ເຄື່ອງເສຍຄຸນ ໝົດອາຍຸນຳໃຊ້ແລ້ວຈິ່ງເອົາ ໄປແຈກຢາຍໃຫ້ກັນກິນ” ແລະ ອີກອັນໜຶ່ງ, ແມ່ນເບື້ອງ ເງິນຊ່ວຍເຫລືອເຮົາຕ້ອງໄດ້ ເພີ່ມທະວີ ບໍລິຫານຄຸ້ມຄອງ ແນວໃດໃຫ້ມັນເກີດຜົນປະ ໂຫຍດສູງສຸດ, ບໍ່ແມ່ນວ່າ ຈະ ເອົາຫລືຈະຢືມບ້ວງເງິນຊ່ວຍ ເຫລືອນີ້ໄປເຮັດແນວອື່ນ ແລະ ກໍດີໃຈວ່າ ໃນມື້ລັດຖະ ມົນຕີກະຊວງ ແຮງງານ ແລະ ສະຫວັດດີການສັງຄົມອອກ ມາຖະແຫລງຂ່າວຕໍ່ສື່ມ່ວນ ຊົນໃນ ວັນທີ 19 ກັນຍາ ນີ້ວ່າ: ເງິນຊ່ວຍເຫລືອທັງໝົດຈະ ໄດ້ນຳໃຊ້ເຂົ້າໃນການຊ່ວຍ ເຫລືອ ຕົວຈິງແກ່ປະຊາຊົນ ຜູ້ປະສົບໄພ ແລະ ນຳໃຊ້ເຂົ້າ ໃນວຽກໄລຍະຟື້ນຟູໃຫ້ດີທີ່ ສຸດ, ໂດຍຈະບໍ່ໃຫ້ມີການຕົກ ເຮ່ຍເສຍຫາຍໃດໆຢ່າງເດັດ ຂາດ./.

 

ສູນກາງຊາວໜຸ່ມມອບເຄື່ອງຊ່ວຍເຫລືອຜູ້ປະສົບໄພນ້ຳຖ້ວມຢູ່ເມືອງທຸລະຄົມ2018

- Wave100S AD to Website 2020 0 - ຕ້ອງປົກປັກຮັກສາສິ່ງຂອງຊ່ວຍເຫລືອຜູ້ປະສົບໄພໃຫ້ດີ

ມອບເຄື່ອງຊ່ວຍເຫລືອບ້ານຈຸດສຸມນ້ຳສຽມ2018

- 39936630 2091205004527281 3253059713763377152 n - ຕ້ອງປົກປັກຮັກສາສິ່ງຂອງຊ່ວຍເຫລືອຜູ້ປະສົບໄພໃຫ້ດີ
(ພາບປະກອບ)

 

- WhatsApp Image 2020 05 27 at 5 - ຕ້ອງປົກປັກຮັກສາສິ່ງຂອງຊ່ວຍເຫລືອຜູ້ປະສົບໄພໃຫ້ດີ
- WhatsApp Image 2020 05 27 at 5 - ຕ້ອງປົກປັກຮັກສາສິ່ງຂອງຊ່ວຍເຫລືອຜູ້ປະສົບໄພໃຫ້ດີ
error: Alert: ເນື້ອຫາຂ່າວມີລິຂະສິດ !!