ອາຍຸທີ່ເໝາະສົມຕໍ່ການຊື້ສະມາດໂຟນໃຫ້ລູກໃຊ້

- advert banner 728 90 728x90 -  ອາຍຸທີ່ເໝາະສົມຕໍ່ການຊື້ສະມາດໂຟນໃຫ້ລູກໃຊ້

ເມື່ອເວົ້າເຖິງເຕັກໂນໂລຊີ ແນ່ນອນວ່າ ທ່ານ ບິລ ເກດ ແມ່ນອັບດັບທຳອິດຂອງວົງການ ແລ້ວຈາກວິໄສທັດຂອງຜູ້ຊ່ຽວຊານຜູ້ນີ້ ຄິດວ່າຄວນໃຫ້ລູກໃຊ້ໂທລະສັບເມື່ອໃດ ຈາກການສຳພາດຫລ້າສຸດເລື່ອງຄວນໃຫ້ລູກຫລິ້ນໂທລະສັບເມື່ອໃດ ? ລາວກໍໃຫ້ຄວາມຄິດເຫັນວ່າ ຄວນໃຫ້ເດັກນ້ອຍຫລິ້ນໂທລະສັບເມື່ອອາຍຸ 14 ປີຂຶ້ນໄປ. ມາເບິ່ງກັນວ່າ ທ່ານ ບິລ ເກດ ແລະ ນາງ ເມລິນດາ ມີເຄັດລັບການລ້ຽງລູກໃນຍຸກເຕັກໂນໂລຊີກ້າວໜ້ານີ້ແນວໃດ.

– ຫລັການໃນການລ້ຽງລູກຂອງ ທ່ານ ບິລ ເກດ ແລະ ນາງ ເມລິນດາ :

  1. ບໍ່ອະນຸຍາດໃຫ້ລູກໆທັງ 3 ຄົນຫລິ້ນໂທລະສັບຈົນກ່ວາພວກເຂົາຈະມີອາຍຸ 14 ປີ.
  2. ກຳນົດເວລາຫລິ້ນໂທລະສັບ, ທຸກຄົນຕ້ອງມີເວລາເຮັດກິດຈະກຳອື່ນໆຮ່ວມກັບຄອບຄົວ.
  3. ບໍ່ອະນຸຍາດໃຫ້ຫລິ້ນໂທລະສັບຂະນະກິນອາຫານ.
  4. ກຳນົດເວລາເຊົາຫລິ້ນໂທລະສັບ ລູກໆຕ້ອງເຂົ້ານອນເມື່ອເຖິງເວລາ.

– ການໃຊ້ໂທລະສັບຫລາຍເກີນໄປຈະສົ່ງຜົນແນວໃດກັບລູກແດ່ ?

- 1 1 -  ອາຍຸທີ່ເໝາະສົມຕໍ່ການຊື້ສະມາດໂຟນໃຫ້ລູກໃຊ້
- lattana 1 -  ອາຍຸທີ່ເໝາະສົມຕໍ່ການຊື້ສະມາດໂຟນໃຫ້ລູກໃຊ້
  1. ມີໂອກາດໃຫ້ລູກກ້າວສູ່ດ້ານມືດໃນໂລກອອນລາຍໄດ້ຫລາຍຂຶ້ນ ບໍ່ວ່າຈະແມ່ນການຫລອກລວງ, ການປ້ອຍດ່າ, ຢອກລໍ້ໃນໂລກອອນລາຍ ແລະ ເກມອອນລາຍທີ່ອັນຕະລາຍ ແລະ ຮຸນແຮງ.
  2. ສົ່ງຜົນຕໍ່ພັດທະນາການທາງສະໝອງຂອງເດັກນ້ອຍ.
  3. ສົ່ງຜົນໃຫ້ລູກກຽດຄ້ານ ໂຕຢ່າງເຊັ່ນ : ເມື່ອລູກຟັງແມ່ເລົ່ານິທານ ລູກຕ້ອງໃຊ້ຈິນຕະນາການຄິດເຖິງເລື່ອງລາວທີ່ແມ່ເລົ່າ, ແຕ່ຫາກລູກເບິ່ງນິທານຈາກໂທລະສັບ ຫລື ແທັບເລັດ ລູກບໍ່ຕ້ອງໃຊ້ຈິນຕະນາການເລີຍ ເພາະເຫັນຮູບພາບ ແລະ ໄດ້ຍິນສຽງຈາກແທັບເລັດໝົດແລ້ວ.
  4. ສົ່ງຜົນຕໍ່ໍ່ພັດທະນາການດ້ານການເຂົ້າສັງຄົມ ແລະ ສຸຂະພາບ ເຮັດໃຫ້ເດັກມີໝູ່ໜ້ອຍ ແລະ ເຂົ້າກັບໝູ່ໄດ້ຍາກ.
  5. ສົ່ງຜົນໃຫ້ລູກເສບຕິດໂລກອອນລາຍ ຈົນສົ່ງຜົນຮ້າຍໄດ້ໃນອະນາຄົດ.

ແຕ່ແນວໃດ ພໍ່ແມ່ກໍຢ່າຟ້າວເປັນກັງວົນໄປວ່າໂທລະສັບ ຫລື ແທັບເລັດຈະມີແຕ່ຜົນຮ້າຍ ເພາະກໍຍັງມີແອັບພລິເຄເຊິນຫລາຍອັນທີ່ມີປະໂຫຍດ ນຳສະເໜີ ເກມ, ເພງ ຫລື ນິທານທີ່ເປັນປະໂຫຍດຕໍ່ພັດທະນາການຂອງລູກຢູ່ ພຽງແຕ່ພໍ່ແມ່ຕ້ອງເລືອກສື່ອອນລາຍ, ສ້າງກົດໃຫ້ລູກໃຊ້ສື່ອອນລາຍທີ່ມີເນື້ອໃນທີ່ດີ ແລະ ເວລາໃຊ້ງານທີ່ເໝາະສົມ ພຽງເທົ່ານີ້ ທຸກຄົນໃນເຮືອນກໍສາມາດໃຊ້ສື່ອອນລາຍໄດ້ຢ່າງມີປະໂຫຍດ ແລະ  ປອດໄພຍິ່ງຂຶ້ນ.

error: Content is protected !!