ເຮືອບິນໂດຍສານໃຫຍ່ທີ່ສຸດໃນໂລກ

- 052409 2018 - ເຮືອບິນໂດຍສານໃຫຍ່ທີ່ສຸດໃນໂລກ
- Untitled design - ເຮືອບິນໂດຍສານໃຫຍ່ທີ່ສຸດໃນໂລກ

ສຳລັບເຮືອບິນ  (Aeroplane, Airplane) ນັ້ນ ຖືເປັນພາຫະນະໃນການເດີນທາງທີ່ໄດ້ຮັບຄວາມນິຍົມຢ່າງຫລາຍໃນປະຈຸບັນ ເນື່ອງຈາກຄວາມສະດວກ ແລະ ວ່ອງໄວໃນການຂ້າມປະເທດ ເຊິ່ງເຮືອບິນນັ້ນສາມາດປະຕິບັດການບິນຂຶ້ນສູ່ອາກາດໄດ້ໂດຍແຮງຍົກຈາກປີກ ເຊິ່ງຖືກຂັບເຄື່ອນໄປດ້ວຍແຮງຍູ້ຈາກໃບພັດ ຫລື ເຄື່ອງຈັກໄອພົ່ນ ແລະ ເຮືອບິນນີ້ກໍມີຢູ່ຫລາກຫລາຍຂະໜາດ ແລະ ຮູບຊົງ ແລະ ສຳລັບເຮືອນບິນໂດຍສານທີ່ໃຫຍ່ທີ່ສຸດໃນໂລກນັ້ນກໍແມ່ນ Airbus A-380.

ເຮືອບິນ Airbus A-380 ຜະລິດຂຶ້ນໂດບ ແອບັສ ແອລອາແອສ  ເປັນເຮືອບິນທີ່ມີຫ້ອງໂດຍສານຂະໜາດໃຫຍ່ ຈຳນວນ 2 ຊັ້ນ ເຊິ່ງເປັນເຮືອບິນ 4 ເຄື່ອງຈັກ ທີ່ສາມາດຮອງຮັບຈຳນວນຜູ້ໂດຍສານໄດ້ຫລາຍເຖິງ 500 – 800 ຄົນ. ໂດຍມີຄວາມຍາວເຖິງ 72,8 ແມັດ ກັບຄວາມສູງ 24,1 ແມັດ ແລະ ນຳ້ໜັກ 590 ໂຕນ.

ເຮືອບິນ Airbus A-380 ນີ້ ບິນຂຶ້ນເທື່ອທຳອິດຢູ່ເມືອງຕູລູສ ໃນປະເທດຝຣັ່ງ ເຊິ່ງເປັນການທົດລອງຜ່ານເທື່ອທຳອິດໃນວັນທີ 27 ເມສາ ປີ 2005 ຈາກນັ້ນຕໍ່ມາໃນວັນທີ 15 ຕຸລາ ປີ 2007 ໄດ້ຖືກສົ່ງມອບໃຫ້ແກ່ສາຍການບິນສິງກະໂປ ແອລາຍ ເປັນສາຍການບິນທຳອິດ.

ນອກຈາກນີ້, ເຮືອບິນໂດຍສານທີ່ໃຫຍ່ທີ່ສຸດໃນໂລກ  ດັ່ງAirbus A-380  ນັ້ນ ຍັງໄດ້ຖືກສ້າງຂຶ້ນຈາກຫລາກຫລາຍປະ ເທດໃນແຖບທະວີບເອີຣົບນຳອີກ ແລະ ບໍ່ແມ່ນພຽງແຕ່ຮູບລັກພາຍນອກທີ່ກ້ວາງໃຫຍ່ເທົ່ານັ້ນ, ແຕ່ຍັງມີຄວາມງົດງາມ ແລະ ມີສິ່ງອຳນວຍຄວາມສະດວກພາຍໃນຢ່າງຄົບຖ້ວນນຳອີກ ເອີ້ນໄດ້ວ່າ ເປັນຄວາມຍິ່ງໃຫຍ່ທີ່ສ້າງຂຶ້ນໂດຍສີມືຂອງມະນຸດໄດ້ຢ່າງໜ້າອັດສະຈັນກໍວ່າໄດ້ ເຊິ່ງມີຄວາມສູງທຽບເທົ່າໄດ້ກັບຕຶກສູງ ປະມານ 6 ຊັ້ນນຳອີກ.

- Wave100S AD to Website 2020 0 - ເຮືອບິນໂດຍສານໃຫຍ່ທີ່ສຸດໃນໂລກ

 

- WhatsApp Image 2020 05 27 at 5 - ເຮືອບິນໂດຍສານໃຫຍ່ທີ່ສຸດໃນໂລກ
- WhatsApp Image 2020 05 27 at 5 - ເຮືອບິນໂດຍສານໃຫຍ່ທີ່ສຸດໃນໂລກ
error: Alert: ເນື້ອຫາຂ່າວມີລິຂະສິດ !!