ຜູ້ນຳໂລກໃນກອງປະຊຸມ ສປຊ ຫວັງຄວາມຄືບໜ້າໃນ ສປປ ເກົາຫລີ

- 1537675248237 960x0 - ຜູ້ນຳໂລກໃນກອງປະຊຸມ ສປຊ ຫວັງຄວາມຄືບໜ້າໃນ ສປປ ເກົາຫລີ
- Untitled design - ຜູ້ນຳໂລກໃນກອງປະຊຸມ ສປຊ ຫວັງຄວາມຄືບໜ້າໃນ ສປປ ເກົາຫລີ

ບັນຫາ ສປປ ​ເກົາຫລີ ​ແລະ ອີຣານຈະ​ເປັນ​ຫົວ​ຂໍ້​ສຳຄັນ​ໃນ​ການ​ຫາລື​ຂອງ​ຄະນະ​ຜູ້ນຳ​ປະ​ເທດ​ທົ່ວ​ໂລກ​ໃນ​ກອງ​ປະຊຸມ​ສະຫະ​ປະຊາ​ຊາດ​ທີ່​ນະຄອນ​ນິວຢອກ​ອາທິດ​ນີ້ ​ເຊິ່ງຄາດ​ວ່າ​ປະທານາທິບໍດີ ​ໂດ​ນັລ ທຣຳ ຈະ​ເປັນ​ຈຸດ​ສົນ​ໃຈ​ໃນ​ກອງ​ປະຊຸມ​ເຊັ່ນ​ກັນ.

ປະທານາທິບໍດີ ທຣຳ ປ່ຽນ​ນະ​ໂຍບາຍ​ທາງ​ການ​ທູດ ດ້ວຍ​ການ​ຕ້ອນຮັບ​ທ່ານ ກິມ ຈ໋ອງອຸນ ຜູ້ນຳ ສປປ ​ເກົາຫລີ ມາ​ຮ່ວມ​ປະຊຸມ​ສຸດ​ຍອດ, ​ແຕ່​ພັດ​ປະກາດ​ໃຫ້​ອາ​ເມ​ລິ​ກາ​ຖອນ​ຕົວ​ຈາກ​ຂໍ້​ຕົກລົງ​ນິວ​ເຄຼຍອີຣານ. ຜູ້ນຳ​ອາ​ເມ​ລິ​ກາ​ມີ​ກຳນົດ​ຂຶ້ນ​ເວທີ​ກ່າວ​ປາ​ໄສ​ໃນ​ກອງ​ປະຊຸມ​ສະມັດຊາ​ໃຫຍ່​ສະຫະ​ປະຊາ​ຊາດ​ວັນ​ທີ 25 ກັນຍາ​ນີ້, ສ່ວນ​ໃນ​ວັນ​ທີ 26 ກັນຍາ ທ່ານ ທຣຳ ຈະ​ຮັບ​ໜ້າ​ທີ່​ປະທານ​ກອງ​ປະຊຸມ​ສະພາ​ຄວາມ​ໝັ້ນຄົງ ສປຊ ​ເປັນ​ເທື່ອ​ທຳ​ອິດ ວ່າ​ດ້ວຍ​ການ​ບໍ່​ແຜ່​ຂະຫຍາຍ​ອາວຸດ​ທຳລາຍ​ລ້າງ​ສູງ ​ເຊິ່ງມີ​ເປົ້າໝາຍ​ໃສ່​ອີຣານ ​ແລະ ມີ​ທ່າ​ອ່ຽງວ່າ​ຈະ​ເປັນ​ການ​ຖົກ​ຖຽງ​ກັນ​ລະຫວ່າງ​ກຸ່ມ​ປະ​ເທດ​ມະຫາ​ອຳນາດ. ທ່ານ ນາງ ນິກກີ ​ເຮ​ລີ ​ເອກ​ອັກຄະ​ລັດຖະທູດ​ອາ​ເມ​ລິ​ກາ​ປະຈຳ​ສະຫະ​ປະຊາ​ຊາດ ກ່າວ​ຄາດ​ວ່າ: ຈະ​ເປັນ​ກອງ​ປະຊຸມ​ສະພາ​ຄວາມ​ໝັ້ນຄົງ ​ສປຊ ​ເຊິ່ງ​ເປັນ​ຈຸດ​ເຝົ້າຕິດຕາມ​ຫລາຍ​ທີ່​ສຸດ​ຄັ້ງໜຶ່ງ ທັງ​ການ​ປອງ​ດອງ​ລະຫວ່າງ ສປປ ​ເກົາຫລີ ກັບ ສ.​ເກົາຫລີ ​ແລະ ຄວາມ​ຄືບ​ໜ້າ​ໃນ​ການ​ຕິດ​ຕໍ່​ລະຫວ່າງ ອາ​ເມ​ລິກາ ກັບ ສປປ ​ເກົາຫລີ, ພາຍຫລັງ​ປີຜ່ານມາ ຜູ້ນຳ​ໂລກ​ຕ່າງ​ກັງວົນ​ກໍລະນີ​ທ່ານ ທຣຳ ຂູ່​ວ່າ​ຈະ​ທຳລາຍ​ລ້າງ ສປປ ​ເກົາຫລີ ​ໃຫ້​ໝົດ​ໄປ. ທາງ​ດ້ານ​ປະທານາທິບໍດີ ຮຳ​ຊັນ ​ໂຣຮາ​ນີ ຂອງ​ອີຣານ ຈະ​ເວົ້າ​ເຖິງການ​ທີ່​ອາ​ເມ​ລິ​ກາ​ບໍ່​ປະຕິບັດ​ຕາມ​ສັນຍາ​ຖອນ​ຕົວ​ຈາກ​ຂໍ້​ຕົກລົງ​ນິວ​ເຄຼຍອີຣານ ​ໂດຍ​ມີ​ກຳນົດ​ຂຶ້ນກ່າວ​ປາ​ໄສ​ໃນ​ເວທີ​ຕໍ່​ຈາກ​ທ່ານ ທຣຳ ​ໃນ​ວັນ​ທີ 25 ກັນຍາ.

- Wave100S AD to Website 2020 0 - ຜູ້ນຳໂລກໃນກອງປະຊຸມ ສປຊ ຫວັງຄວາມຄືບໜ້າໃນ ສປປ ເກົາຫລີ
- WhatsApp Image 2020 05 27 at 5 - ຜູ້ນຳໂລກໃນກອງປະຊຸມ ສປຊ ຫວັງຄວາມຄືບໜ້າໃນ ສປປ ເກົາຫລີ
- WhatsApp Image 2020 05 27 at 5 - ຜູ້ນຳໂລກໃນກອງປະຊຸມ ສປຊ ຫວັງຄວາມຄືບໜ້າໃນ ສປປ ເກົາຫລີ
error: Alert: ເນື້ອຫາຂ່າວມີລິຂະສິດ !!