ໂອເປັກ-ພັນທະມິດ ເຫັນພ້ອມ ຮັກສາປະລິມານການຜະລິດນ້ຳມັນ

- advert banner 728 90 728x90 - ໂອເປັກ-ພັນທະມິດ ເຫັນພ້ອມ ຮັກສາປະລິມານການຜະລິດນ້ຳມັນ

ກອງ​ປະຊຸມຄະນະ​ກຳມະການ​ກວດ​ສອບ​ການ​ປະຕິບັດ​ຕາມ​ຂໍ້​ຕົກລົງ​ຫລຸດ​ກຳລັງ​ການ​ຜະລິດ (JMMC) ຂອງ​ກຸ່ມ​ປະ​ເທດ​ຜູ້​ສົ່ງ​ອອກ​ນ້ຳມັນ (​ໂອ​ເປັກ) ​ແລະ ປະ​ເທດ​ຜູ້​ຜະລິດ​ນອກ​ກຸ່ມ​ໂອ​ເປັກ ລວມທັງຣັດ​ເຊຍ ​ເຊິ່ງຈັດ​ຂຶ້ນຢູ່​ປະ​ເທດ​ອານ​ເຊ​ນີ ​ໃນ​ວັນ​ທີ 23 ກັນຍາ ​ເຫັນ​ພ້ອມ​ໃຫ້​ຮັກສາ​ປະລິມານ​ການ​ຜະລິດ​ໄວ້​ໃນ​ລະດັບ​ປັດຈຸບັນ, ​ເຖິງ​ວ່າ​ອາ​ເມ​ລິ​ກາ​ພະຍາຍາມ​ຮຽກຮ້ອງ​ໃຫ້​ໂອ​ເປັກ​ເພີ່ມ​ປະລິ​ມານ​ການ​ຜະລິດ ​ເພື່ອ​ສະກັດ​ການ​ເພີ່ມ​ຂຶ້ນຂອງ​ລາຄາ​ນ້ຳມັນ​ກໍ​ຕາມ.

ທ່ານ ຊູ​ເຮ​ລ ​ໂມ​ຮຳ​ໝັດ ອັລ ມັສຣູອີ ປະທານ​ກອງ​ປະຊຸມ JMMC ກ່າວ​ວ່າ: ປະລິມານ​ການ​ຜະລິດ​ນ້ຳມັນ​ດິບ​ໃນ​ປັດຈຸບັນ ມີ​ພຽງພໍ​ຕໍ່​ການ​ຮັກສາ​ຕະຫລາດນ້ຳມັນ​ໂລກ​ໃຫ້​ຢູ່​ໃນ​ສະພາບ​ສົມ​ດູ​ນ​ໄດ້. ​ໂອ​ເປັກສາ​ມາດ​ຄວບ​ຄຸມ ​ແລະ ຮັກສາ​ສົມ​ດູ​ນຂອງ​ຕະຫລາດນ້ຳມັນ​ໂລກ​ໃນ​ໄລຍະ​ຍາວ​ໄດ້. ການ​ເພີ່ມ ຫລື ຫລຸດ​ປະລິມານ​ການ​ຜະລິດ​ຈຶ່ງ​ບໍ່​ມີ​ຄວາມ​ຈຳ​ເປັນ.

- 1 1 - ໂອເປັກ-ພັນທະມິດ ເຫັນພ້ອມ ຮັກສາປະລິມານການຜະລິດນ້ຳມັນ
- Tiger Head 728x90 - ໂອເປັກ-ພັນທະມິດ ເຫັນພ້ອມ ຮັກສາປະລິມານການຜະລິດນ້ຳມັນ

ທ່ານ ມັສຣູອີກ ກ່າວ​ອີກ​ວ່າ: ຂໍ້​ຕົກລົງ​ທີ່​ໄດ້​ລົງ​ນາມ​ຮ່ວມ​ກັນ​ລະຫວ່າງ ​ໂອ​ເປັກ ​ແລະ ຜູ້​ຜະລິດ​ນອກ​ກຸ່ມ​ໂອ​ເປັກ ບໍ່​ໄດ້​ມີ​ເປົ້າໝາຍ​ເພື່ອ​ກະ​ຕຸ້ນ​ລາຄາ​ນ້ຳມັນ, ພ້ອມ​ຄາດ​ຫວັງ​ວ່າ: ​ໂອ​ເປັກ​ຈະ​ສາມາດ​ຊັກ​ຊວນ​ປະ​ເທດ​ຜູ້​ຜະລິດ​ນ້ຳມັນ​ອີກ​ຫລາຍ​ປະ​ເທດ​ໃຫ້​ເຂົ້າຮ່ວມ​ໃນ​ຂໍ້​ຕົກລົງ​ດັ່ງກ່າວ ​ເພື່ອ​ຊ່ວຍ​ໃຫ້​ຕະຫລາດນ້ຳມັນ​ໂລກ​ຢູ່​ໃນ​ສະພາບ​ສົມ​ດູ​ນຢ່າງ​ຍືນ​ຍົງ.

error: Content is protected !!