ຍິງປືນລາວຍາດໄດ້ອັນດັບທີ 3 ທັງ 2 ລາຍການ

- advert banner 728 90 728x90 - ຍິງປືນລາວຍາດໄດ້ອັນດັບທີ 3 ທັງ 2 ລາຍການ

ສະຫະພັນຍິງປືນແຫ່ງຊາດລາວ ໄດ້ສົ່ງນັກກິລາຍິງປືນຈໍານວນ 10 ຄົນ, ຍິງ 1 ຄົນ ເຂົ້າຮ່ວມລາຍການ Far East Asia Handgun Championship 2018 ລະດັບ 4 (Level 4) ທີ່ພັດທະຍາ ປະເທດໄທ ໃນວັນທີ 16-22 ກັນຍາຜ່ານມານີ້ ເຊິ່ງສາມາດຍາດໄດ້ອັນດັບທີ 1 ລຸ້ນອາວຸໂສ ແລະ ອັນດັບທີ 3 ທັງສອງລາຍການ.

ທ່ານ ພຸດທະສັກ ສຸກອາລຸນ ປະທານສະໂມສອນ ໄອພີເອັສຊີ ທັງເປັນຄະນະນໍາ ນຳພານັກກິລາເຂົ້າຮ່ວມແຂ່ງຂັນລາຍ Far East Asia Handgun Championship 2018 ລະດັບ 4 (Level 4) ໃຫ້ສໍາພາດວ່າ: ການແຂ່ງຂັນຄັ້ງນີ້ພວກເຮົາໄດ້ສົ່ງນັກກິລາເຂົ້າຮ່ວມ 10 ຄົນ ໃນນີ້ເປັນຍິງ 1 ຄົນ ເຂົ້າຮ່ວມ 3 ລາຍການ ແລະ ສາມາດສ້າງຜົນງານໂດດເດັ່ນທັງ 3 ລາຍການຄື: ປະເພດຊາຍດ່ຽວ ລຸ້ນອາວຸໂສ ຍາດໄດ້ອັນດັບທີ 1; ສ່ວນປະເພດທີມຊາຍ ລາຍການ Production Optics Division ສາມາດຍາດໄດ້ອັນດັບທີ 3 ແລະ ລາຍການ Revolver Division ຍິງ ສາມາດຍາດໄດ້ອັນດັບທີ 3 ເຊັ່ນດຽວກັນ.

- lattana 1 - ຍິງປືນລາວຍາດໄດ້ອັນດັບທີ 3 ທັງ 2 ລາຍການ
- 1 1 - ຍິງປືນລາວຍາດໄດ້ອັນດັບທີ 3 ທັງ 2 ລາຍການ

ການແຂ່ງຂັນຄັ້ງນີ້ ມີນັກກິລາຈາກ 30 ກວ່າປະເທດເຂົ້າຮ່ວມ ເປັນຕົ້ນຣັດເຊຍ, ສະຫະລັດອາເມຣິກາ, ເຢຍລະມັນ, ອີຕາລີ, ສະເປນ (ແອັສປາຍ), ນິວຊີແລນ (ນູແວນເຊລັງ), ສະວີເດັນ (ຊູແອັດ), ສປ ຈີນ, ສປປ ລາວ ແລະ ໄທ.

error: Content is protected !!