ໄດ້ປາເສຍເຂົ້າ ໄດ້ເຕົ່າພັດເສຍໝາ

- aea3ec5f96095925da40e28a76b5149b59393b25f700decd222d53d639c0446d - ໄດ້ປາເສຍເຂົ້າ ໄດ້ເຕົ່າພັດເສຍໝາ
- Untitled design - ໄດ້ປາເສຍເຂົ້າ ໄດ້ເຕົ່າພັດເສຍໝາ

ໂດຍ: ທິດກ່ຳ

ອາທິດທີ່ຜ່ານມາ, ຫລັງ ຈາກສະພາບນ້ຳຖ້ວມໄດ້ບົກ ແຫ້ງລົງທິດກ່ຳໄດ້ມີໂອກາດ ໄປເລາະບາງທ້ອງຖິ່ນແຖວ ບ້ານໃໝ່ຜ້າຊ້າງ, ເມືອງຄູນຄຳ ແຂວງຄຳມ່ວນ ເຫັນເຂົ້າໃນນາ ຂອງປະຊາຊົນຕາຍກ້ຽງເອີດ ເຕີດທົ່ວທົ່ງ.

 

ກຽມການຜະລິດຫລັງນ້ຳຖ້ວມໃຫ້ດີ2018/

ທົ່ວປະເທດມີເນື້ອທີ່ການຜະລິດກະສິກຖືກຜົນກທົບຈາກນ້ຳຖ້ວມ 108 ພັນເຮັກຕາ2018/

ປີນີ້, ຖືວ່າບ້ານໃດເມືອງ ໃດຢູ່ເລາະຫ້ວຍ, ເລາະເຊ, ເລາະຂອງ ກໍເກືອບວ່າຖືກນ້ຳ ຖ້ວມເປັນບໍລິເວນກວ້າງ, ຢູ່ ບ້ານປາກກະດັນເມືອງປາກ ຊັນໃນມື້ທິດກ່ຳຜ່ານໄປຍັງ ເຫັນລູກຫລານພາກັນໄປຮຽນໜັງສືຢູ່ວັດຍ້ອນວ່າໂຮງຮຽນ ຖືກນ້ຳຖ້ວມ. ກໍຮູ້ສຶກເຫັນ ໃຈຕໍ່ ການເສຍຫາຍເຂົ້າໃນນາຜືນ ໃຫຍ່ຂອງປະຊາຊົນໃນບັນດາບ້ານຕ່າງໆທີ່ໄດ້ພົບເຫັນ, ສະ ເພາະບ້ານໃໝ່ຜາຊ້າງບ່ອນ ທິດກ່ຳໄປຮອດຈອດເຖິງນັ້ນ ມີບາງຄົນເຂົາກໍຈົ່ມຕໍ່ໜ້າວ່າຫາກໍຈ້າງດຳນາໝົດເງິນ ລ້ານປາຍ, ພໍດີດຳໄດ້ສອງມື້ ຮອດມື້ທີສາມຝົນກໍໜ່ຳລົງ ເຂົ້າໃນນາກໍຖືກນ້ຳຖ້ວມກ້ຽງເອີດເຕີດດັ່ງທິດກ່ຳເຫັນຕົວ ຈິງນີ້ລະ! ປະໂຫຍກທຳອິດ ທີ່ຂ້າພະເຈົ້າໃຫ້ກຳລັງໃຈ ເຂົາເຈົ້າ ກໍຄືໃຫ້ພ້ອມກັນສູ້ຊົນ ແລະ ອົດທົນເພາະພວກເຮົາ ຍັງມີນາແຊງຂວາງໜ້າຢູ່.

ນອກນັ້ນ, ກໍໃຫ້ພາກັນ ປູກຝັງ-ລ້ຽງສັດຕື່ມເພະວ່າ ເຂດດັ່ງກ່າວເປັນເຂດຍົກຍ້າຍ ມາລວມກັນເປັນບ້ານໃຫຍ່, ໂດຍແມ່ນໂຄງການຂອງລັດ ຖະບານ ແລະ ເຂື່ອນນ້ຳເທີນ ຫີນບູນເປັນຜູ້ຮັບຜິດຊອບ ຈັດສັນ, ຖືເອົາການຜະລິດ ເຂົ້ານາແຊງເປັນອັນຕົ້ນຕໍ, ຍັງ ມີໂຄງການປູກຢາງພາລາ, ລ້ຽງສັດ, ປູກພືດຜັກຕ່າງໆ ເປັນສຳຮອງ. ມາຮອດປັດ ຈຸບັນ, ຢາງພາລາກໍສາມາດ ກີດໄດ້ແລ້ວສະເລ່ຍລາຍຮັບ ແຕ່ລະເດືອນ ກໍບໍ່ຫລຸດລ້ານ ຫາສອງລ້ານກີບ ຫລື ບາງ ຄອບຄົວກໍຫລາຍກວ່ານັ້ນ.

- Wave100S AD to Website 2020 0 - ໄດ້ປາເສຍເຂົ້າ ໄດ້ເຕົ່າພັດເສຍໝາ

ແນວໃດກໍຕາມ, ອີກສິ່ງ ໜຶ່ງທີ່ທິດກ່ຳໄດ້ເຫັນກັບຕາ ນັ້ນກໍແມ່ນປູປາໃນຫ້ວຍໜອງຄອງບຶງ, ແມ່ນ້ຳລຳເຊຢູ່ເຂດ ນັ້ນມີຫລາຍເປັນພຶງເປັນແພ ກວ່າປີຜ່ານໆມາ, ອັນສາເຫດ ກໍຍ້ອນວ່າປີນີ້ຝົນຕົກຫລາຍ ນ້ຳຖ້ວມໃນຫລາຍທ້ອງຖິ່ນ ເຂດແຂວງໃນທົ່ວປະເທດ ເຮັດ ໃຫ້ປາຈາກຫລາຍແຫ່ງໃນທຳມະຊາດ, ນັບທັງປາແຕກໜອງ ຄົນລ້ຽງລຸລັ່ງທັ່ງເທມາເຕົ້າ ໂຮມກັນຢູ່ຫ້ວຍໜອງຄອງບຶງ ແລະ ແມ່ນ້ຳລຳເຊຫລັງຈາກ ນ້ຳໄດ້ບົກແຫ້ງລົງ.

ປັດຈຸບັນ, ປະຊາຊົນແຖບ ນັ້ນພວມໄດ້ກິນປາລົງຕ້ອນ, ລົງໂຕ່ງ, ໃສ່ເບັດ, ໃສ່ມອງປາ ຄໍ່ໂຕສ່ຳແຂນ, ສ່ຳແຄ່ງກິໂລ ລະ15.000 ກີບ. ສ່ວນໂຕ ນ້ອຍສ່ຳໝາກກ້ວຍລົງມາ ບາງມື້ຂາຍພຽງແຕ່ 5.000 ຫລື 10.000 ກີບຕໍ່ໂລ. ໃຜ ຜູ້ມັກກິນປາ, ທ່ອງທ່ຽວໄປ ພັກຜ່ອນແຖວຊົນນະບົດ ໃນຍາມນີ້ແມ່ນໄປຊອກກິນ ປາລົງຕ້ອນລົງຫລີ່ ຫລື ຊື້ ເອົາແລ້ວ ກໍເຈີດເອົາໄປເຜົາ ຢູ່ບ່ອນທ່ອງທ່ຽວ, ຕາມສະ ຖານທີ່ທຳມະຊາດບ່ອນຄັກໆ ໄດ້ສຳພັດກັບອາກາດສົດເປັນ ພາບທີ່ຫາຍາກ, ທັງມ່ວນ ທັງມີຊີວິດຊີວາສຳລັບຜູ້ທີ່ ມັກ ຫລື ວ່າສຳລັບພວກເຮົາ ເຈົ້າຂ້ອຍໃນໂອກາດປີທ່ອງ ທ່ຽວລາວ.

ເມື່ອໄປເຫັນຄວາມອຸດົມ ສົມບູນຂອງແຫລ່ງເຂົ້າປາ ອາຫານໃນທຳມະຊາດ, ທິດ ກ່ຳຍັງເປັນຫວ່ງໃນເລື່ອງ ການອານຸລັກຮັກສາເພາະວ່າ ໃນຫລາຍທ້ອງຖິ່ນຜ່ານມາ ຫາປາແບບດັບສູນສຸດທ້າຍ ປູ ປາມັນກໍເລີຍດັບ.

ການແກ້ງແຍ້ງໃນການ ຊອກຢູ່ຫາກິນມັນກໍເພີ່ມທະ ວີຂຶ້ນຖ້າອຳນາດການປົກ ຄອງທ້ອງຖິ່ນບໍ່ເດັດຂາດເຂັ້ມແຂງ, ຊ້ຳບໍ່ໜຳວັດຖຸອຸປະ ກອນໃນການຫາປາສະໄໝນີ້ ຍິ່ງພັດທະນາ ແລະ ທັນສະ ໄໝຂຶ້ນເລື້ອຍໆ, ການຫາປູ ຫາປານອກຈາກຫາກິນພໍ ກຸ້ມປາກກຸ້ມທ້ອງແລ້ວ, ພັດ ຍັງຕ້ອງການເອົາໄປຂາຍ ເພາະປາຈາກແຫລ່ງທຳມະ ຊາດໃຜໆ ກໍຕ້ອງການບໍລິ ໂພກກັນທັງນັ້ນ.

ເຖິງຢ່າງໃດກໍດີ, ຕາມ ທິດກ່ຳວ່າປີນີ້ມີຫລາຍບ້ານ, ຫລາຍທ້ອງຖິ່ນພວກເຮົາເສຍ ເຂົ້າໃນນາ ແຕ່ພວກເຮົາພັດ ໄດ້ປາໃນແຫລ່ງທຳມະຊາດ ອັນເປັນພື້ນຖານຂອງຄວາມ ອຸດົມສົມບູນຂອງບ້ານເມືອງ ແລະ ສິ່ງເຫລົ່ານີ້ລະມັນຈະ ເປັນແຫລ່ງຊັບສິນທີ່ພວກເຮົາຕ້ອງໄດ້ພ້ອມກັນປົກປັກຮັກ ສາໃຫ້ຍືນຍົງຕະຫລອດໄປ./.

- aea3ec5f96095925da40e28a76b5149b59393b25f700decd222d53d639c0446d - ໄດ້ປາເສຍເຂົ້າ ໄດ້ເຕົ່າພັດເສຍໝາ
(ພາບປະກອບ)
- WhatsApp Image 2020 05 27 at 5 - ໄດ້ປາເສຍເຂົ້າ ໄດ້ເຕົ່າພັດເສຍໝາ
- WhatsApp Image 2020 05 27 at 5 - ໄດ້ປາເສຍເຂົ້າ ໄດ້ເຕົ່າພັດເສຍໝາ
error: Alert: ເນື້ອຫາຂ່າວມີລິຂະສິດ !!