ລາວຈັດສຳມະນາວິທະຍາສາດການຄຸ້ມຄອງ ແລະ ພັດທະນາສື່ໃນໄລຍະໃໝ່

- new media training - ລາວຈັດສຳມະນາວິທະຍາສາດການຄຸ້ມຄອງ ແລະ ພັດທະນາສື່ໃນໄລຍະໃໝ່
- Untitled design - ລາວຈັດສຳມະນາວິທະຍາສາດການຄຸ້ມຄອງ ແລະ ພັດທະນາສື່ໃນໄລຍະໃໝ່

ໃນວັນທີ 24-25 ກັນຍານີ້, ຄະນະໂຄສະນາອົບຮົມສູນກາງພັກຮ່ວມກັບ ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ແລະ ກະຊວງໄປສະນີ, ໂທລະຄົມມະນາຄົມ ແລະ ການສື່ສານ, ໄດ້ຈັດກອງປະຊຸມສຳມະນາວິ ທະຍາສາດ ໃນຫົວຂໍ້: “ການຄຸ້ມຄອງ, ນຳໃຊ້ ແລະ ພັດທະນາສື່ໃນໄລຍະໃໝ່” ໂດຍການເປັນປະທານຂອງທ່ານ ກິແກ້ວ ໄຂຄໍາພິທູນ ເລຂາທິການສູນກາງພັກ, ຫົວໜ້າຄະນະໂຄສະນາອົບຮົມສູນກາງພັກ, ເພື່ອແນໃສ່ປັບປຸງສື່ມວນຊົນລາວໃຫ້ມີການຫັນປ່ຽນທີ່ດີຂຶ້ນ, ນັບທັງດ້ານການຈັດຕັ້ງ, ການແບ່ງໜ້າທີ່ຄວາມຮັບຜິດຊອບຊີ້ນຳ-ນຳພາ, ການຄຸ້ມຄອງ ແລະ ການພັດທະນາສື່ມວນຊົນລາວເຮົາໃຫ້ເຄື່ອນໄຫວຖືກຕ້ອງຕາມແນວທາງນະໂຍບາຍຂອງພັກ ແລະ ລະບຽບກົດໝາຍຂອງລັດ, ປະກອບສ່ວນຢ່າງຕັ້ງໜ້າເຂົ້າໃນການສຶກສາອົບຮົມທົ່ວປວງຊົນ, ທັງເປັນເວທີແຫ່ງການແລກປ່ຽນຄຳຄິດຄຳເຫັນຂອງມະຫາຊົນໄດ້ຢ່າງກວ້າງຂວາງ, ປະກອບສ່ວນເຂົ້າໃນການພັດທະນາເສດຖະກິດ-ສັງຄົມຂອງປະເທດໄດ້ຢ່າງມີປະສິດທິຜົນ.

ໃນກອງປະຊຸມຄັ້ງນີ້, ຜູ້ເຂົ້າຮ່ວມໄດ້ຮັບຟັງການສະເໜີໃນຫົວຂໍ້ສຳຄັນຕ່າງໆຈາກຫລາຍພາກສ່ວນ ຄື: ບົດລາຍງານຂອງທ່ານ ສະຫວັນຄອນ ລາຊະມົນຕີ ຮອງລັດຖະມົນຕີກະຊວງຖະແຫລງຂ່າວ, ວັດທະນະທໍາ ແລະ ທ່ອງທ່ຽວ ເພື່ອສັງເກດຕີລາຄາການເຄື່ອນໄຫວຂອງສື່ມວນຊົນໃນຜ່ານມາ ແລະ ທິດທາງສະເພາະໜ້າ ແລະ ຍາວນານ, ບົດລາຍງານຂອງທ່ານຮອງຄະນະໂຄສະນາອົບຮົມສູນກາງພັກວ່າດ້ວຍທັດສະນະຂອງພັກຕໍ່ກັບສື່ມວນຊົນໃນໄລຍະໃໝ່, ການມີສ່ວນຮ່ວມຂອງສູນອິນເຕີເນັດຕໍ່ການຄຸ້ມຄອງ, ການນຳໃຊ້ ແລະ ການພັດທະນາສື່ໃນໄລຍະໃໝ່, ຄວາມຈົງໃຈ ຫລື ຍຸດທະສາດຂອງສື່ຕາເວັນຕົກໃນການມ້າງເພທຳລາຍລະບອບສັງຄົມ, ການຄຸ້ມຄອງ, ການຕອບຕ້ານ ແລະ ການແກ້ໄຂປະກົດການຫຍໍ້ທໍ້ໃນສື່ສັງຄົມໃນໄລຍະໃໝ່ ແລະ ຫົວຂໍ້ສຳຄັນອື່ນໆ, ພ້ອມທັງໄດ້ປຶກສາຫາລື ແລະ ແລກປ່ຽນຄວາມຄິດເຫັນຢ່າງກົງໄປກົງມາ ເພື່ອແນໃສ່ຄຸ້ມຄອງ, ນຳໃຊ້ ແລະ ພັດທະນາສື່ມວນຊົນລາວເຮົາໃຫ້ນັບມື້ດີຂຶ້ນກ່ວາເກົ່າ.

ໃນໂອກາດນີ້, ທ່ານຫົວໜ້າຄະນະໂຄສະນາອົບຮົມສູນກາງພັກ ໄດ້ກ່າວວ່າ: ປັດຈຸບັນ, ເຖີງວ່າສື່ມວນຊົນເຮົາຈະມີການພັດທະນາປ່ຽນແປງຢ່າງໃຫຍ່ຫລວງ ແລະ ກ້າວກະໂດດຂັ້ນ ຊຶ່ງໄດ້ປະກອບສ່ວນສຳຄັນເຂົ້າໃນພາລະກິດສ້າງສາ ແລະ ພັດທະນາປະເທດຊາດ, ແຕ່ສື່ມວນຊົນເຮົາຍັງມີຫລາຍດ້ານທີ່ເປັນຂໍ້ຈຳກັດ ແລະ ບໍ່ທັນກັບສະພາບຄວາມຮຽກຮ້ອງຕ້ອງການຕົວຈິງໃນພາລະກິດຂອງພັກເຮົາ, ສື່ອອນລາຍທີ່ສັງຄົມໃຫ້ຄວາມນິຍົມຫລາຍມີທັງດ້ານບວກ ແລະ ດ້ານລົບນັ້ນ ໄດ້ກະທົບຢ່າງແຮງໃສ່ກະແສແນວຄິດ ກໍຄືການເຄື່ອນໄຫວປະຕິບັດໜ້າທີ່ການເມືອງຂອງທົ່ວປວງຊົນ. ດັ່ງນັ້ນ, ກົມການເມືອງສູນກາງພັກ ຈິ່ງໄດ້ມອບໃຫ້ຄະນະໂຄສະນາອົບຮົມສູນກາງພັກເປັນໃຈກາງຄົ້ນຄ້ວາຊອກຫາວິທີການປັບປຸງວຽກງານສື່ມວນຊົນລາວໃຫ້ມີຄຸນນະພາບ ແລະ ທັນກັບຄວາມຮຽກຮ້ອງຕ້ອງການຂອງໜ້າທີ່ການເມືອງໃນໄລຍະໃໝ່ ແລະ ທຸກບັນຫາທີ່ກອງປະຊຸມນຳມາຄົ້ນຄ້ວາໃນຄັ້ງນີ້ຈະນຳສະເໜີຕໍ່ກົມການເມືອງສູນກາງພັກ ເພື່ອໃຫ້ທິດຊີ້ນຳຢ່າງທັນການ ແລະ ຖືກຕ້ອງຕໍ່ວຽກງານສື່ມວນຊົນໃນຕໍ່ໜ້າ.

- Wave100S AD to Website 2020 0 - ລາວຈັດສຳມະນາວິທະຍາສາດການຄຸ້ມຄອງ ແລະ ພັດທະນາສື່ໃນໄລຍະໃໝ່

ປັດຈຸບັນ, ສື່ມວນຊົນລາວມີທັງສື່ແບບດັ້ງເດີມ ແລະ ສື່ແບບໃໝ່, ດ້ານສື່ສິ່ງພິມມີໜັງສືພິມ 13 ສະບັບ, ໃນນັ້ນລາຍວັນ 11 ສະບັບ, ວາລະສານ 113 ສະບັບ, ໃນນີ້ເປັນຂອງເອກະຊົນ 49 ສະບັບ, ສື່ອີເລັກໂຕຼນິກມີວິທະຍຸກະຈາຍສຽງຂັ້ນສູນກາງ 3 ແຫ່ງ, ຂັ້ນເມືອງ 18 ແຫ່ງ (ຢຸດອອກອາກາດ 1 ແຫ່ງຢູ່ແຂວງໄຊສົມບູນ) ແລະ ນະຄອນຫລວງມີ 8 ແຫ່ງ, ຂັ້ນເມືອງ 42 ແຫ່ງ, ໂທລະພາບຂັ້ນສູນກາງມີ 6 ແຫ່ງ, ຂັ້ນແຂວງ 15 ແຫ່ງ (ຢຸດອອກອາກາດ 7 ແຫ່ງ), ຂັ້ນເມືອງ 11 ແຫ່ງ (ຢຸດອອກອາກາດ 5 ແຫ່ງ). ນອກນີ້, ຍັງໄດ້ຕິດຕັ້ງໂທລະໂຄ່ງຢູ່ 5.365 ບ້ານຂອງຈຳນວນ 8.442 ບ້ານໃນທົ່ວປະເທດ, ແຕ່ລະອົງກອນສື່ມວນຊົນລ້ວນແຕ່ມີສື່ແບບໃໝ່ ເປັນຕົ້ນ: ເວັບໄຊ, ເຟສບຸກ ແລະ ໜ້າເວບເພຈປະເພດຕ່າງໆຢ່າງຫລວງຫລາຍ.

- WhatsApp Image 2020 05 27 at 5 - ລາວຈັດສຳມະນາວິທະຍາສາດການຄຸ້ມຄອງ ແລະ ພັດທະນາສື່ໃນໄລຍະໃໝ່
- WhatsApp Image 2020 05 27 at 5 - ລາວຈັດສຳມະນາວິທະຍາສາດການຄຸ້ມຄອງ ແລະ ພັດທະນາສື່ໃນໄລຍະໃໝ່
error: Alert: ເນື້ອຫາຂ່າວມີລິຂະສິດ !!