ປໍ້ານໍ້າມັນຫລາຍແຫ່ງຖືກສັ່ງໃຫ້ປັບປຸງມາດຕະຖານໂດຍໄວ

- SKLL0995 - ປໍ້ານໍ້າມັນຫລາຍແຫ່ງຖືກສັ່ງໃຫ້ປັບປຸງມາດຕະຖານໂດຍໄວ
- Untitled design - ປໍ້ານໍ້າມັນຫລາຍແຫ່ງຖືກສັ່ງໃຫ້ປັບປຸງມາດຕະຖານໂດຍໄວ

ກະຊວງວິທະຍາສາດ ແລະ ເຕັກໂນໂລຊີ, ໄດ້ສັ່ງໃຫ້ຜູ້ປະກອບການປໍ້າມັນເຊື້ອໄຟຫລາຍແຫ່ງເລັ່ງປັບປຸງມາດຕະຖານໂດຍໄວ, ພາຍຫລັງກວດພົບເຫັນວ່າຫລາຍປໍ້າໃນທົ່ວປະເທດບໍ່ໄດ້ຄຸນນະພາບ ແລະ ມີສານປົນເປື້ອນໃນນໍ້າມັນ.

ກະຊວງດັ່ງກ່າວ ໃຫ້ຮູ້ວ່າ: ພາຍຫລັງນໍາໃຊ້ລົດກວດສອບຄຸນນະພາບເຄື່ອນໄຫວກວດກາຄຸນນະພາບຕາມປໍ້ານໍ້າມັນທີ່ມີການສ່ອງແສງຂອງສັງຄົມ ກໍຄືຜູ້ຊົມໃຊ້ໃນທົ່ວປະເທດນັບແຕ່ຕົ້ນເດືອນສິງຫາມາຮອດຕົ້ນເດືອນກັນຍາ 2018 ນີ້ ພົບວ່າມີປໍ້ານໍ້າມັນແຫ່ງໜຶ່ງຢູ່ເມືອງວຽງທອງແຂວງບໍລິຄໍາໄຊມີທາດເຫລົ້າເຈືອປົນໃນນໍ້າມັນແອດຊັງທໍາມະດາ, ພ້ອມທັງມີນໍ້າມັນກາສໄຕ ແລະ ກົດໄຂມັນປົນໃນນໍ້າມັນກາຊວນອີກດ້ວຍ, ກວດພົບມີນໍ້າມັນກາສໄຕປົນເປື້ອນໃນນໍ້າມັນກາຊວນຢູ່ປໍ້າແຫ່ງໜຶ່ງໃນເມືອງປາກອູແຂວງຫລວງພະບາງ, ກວດພົບມີໄຂມັນເຈືອປົນໃນນໍ້າມັນກາຊວນຢູ່ປໍ້າແຫ່ງໜຶ່ງຢູ່ເມືອງທຸລະຄົມແຂວງວຽງຈັນ ແລະ ປໍ້າແຫ່ງໜຶ່ງຢູ່ເມືອງທ່າແຂກແຂວງຄໍາມ່ວນ. ນອກນີ້, ຍັງກວດພົບທາດເຫລົ້າ ປົນໃນນໍ້າມັນແອດຊັງຢູ່ປໍ້າແຫ່ງໜຶ່ງໃນເມືອງໄຊບູລີແຂວງສະຫວັນນະເຂດແລະ ປໍ້າແຫ່ງໜຶ່ງຢູ່ເມືອງວຽງຄໍາແຂວງຫລວງພະບາງ, ຢູ່ເມືອງຈໍາປາສັກ, ເມືອງປະທຸມພອນ ແລະ ເມືອງໂພນທອງແຂວງຈໍາປາສັກມີທາດເຫລົ້າເຈືອປົນ. ນອກນີ້,​ ຍັງມີປໍ້ານໍ້າມັນອີກ 2 ແຫ່ງຢູ່ເມືອງໂຂງແຂວງຈໍາປາສັກມາດຕະຖານຂອງນໍ້າມັນແອັດຊັງພິເສດເທົ່າກັບນໍ້າມັນແອັດຊັງທໍາມະດາ ແຕ່ຈໍາໜ່າຍໃນລາຄານໍ້າມັນແອັດຊັງພິເສດ. ຈາກກໍລະນີດັ່ງກ່າວ, ໜ່ວຍງານກ່ຽວຂ້ອງຈຶ່ງໄດ້ຊີ້ນໍາໃຫ້ເຈົ້າຂອງປໍ້າຮີບຮ້ອນປັບປຸງແກ້ໄຂສານຕ່າງໆທີ່ປົນເປື້ອນໃນນໍ້າມັນໂດຍໄວ ເພື່ອຮັບປະກັນດ້ານມາດຕະຖານ ແລະ ຄຸນນະພາບທີ່ດີ, ທັງເປັນການປົກປ້ອງຜົນປະໂຫຍດຜູ້ຊົມໃຊ້ອີກດ້ວຍ.

- Wave100S AD to Website 2020 0 - ປໍ້ານໍ້າມັນຫລາຍແຫ່ງຖືກສັ່ງໃຫ້ປັບປຸງມາດຕະຖານໂດຍໄວ
- WhatsApp Image 2020 05 27 at 5 - ປໍ້ານໍ້າມັນຫລາຍແຫ່ງຖືກສັ່ງໃຫ້ປັບປຸງມາດຕະຖານໂດຍໄວ
- WhatsApp Image 2020 05 27 at 5 - ປໍ້ານໍ້າມັນຫລາຍແຫ່ງຖືກສັ່ງໃຫ້ປັບປຸງມາດຕະຖານໂດຍໄວ
error: Alert: ເນື້ອຫາຂ່າວມີລິຂະສິດ !!