ສະພາຮັບຮອງເອົາກົດໝາຍສົນທິສັນຍາ ແລະ ສັນຍາສາກົນ

- sapha 1 - ສະພາຮັບຮອງເອົາກົດໝາຍສົນທິສັນຍາ ແລະ ສັນຍາສາກົນ
- Untitled design - ສະພາຮັບຮອງເອົາກົດໝາຍສົນທິສັນຍາ ແລະ ສັນຍາສາກົນ

 

- sapha 1 300x300 - ສະພາຮັບຮອງເອົາກົດໝາຍສົນທິສັນຍາ ແລະ ສັນຍາສາກົນຜ່ານການນຳສະເໜີຮ່າງກົດໝາຍວ່າດ້ວຍສົນທິສັນຍາ ແລະ ສັນຍາສາກົນຂອງທ່ານລັດຖະມົນຕີກະຊວງການຕ່າງປະເທດ ຕໍ່ກອງປະຊຸມສະໄໝສາມັນເທື່ອທີ 3 ຂອງສະພາແຫ່ງຊາດຊຸດທີ VIII ໃນວັນທີ 8 ພຶດສະພານີ້, ຈາກນັ້ນໄດ້ຮັບພິຈາລະນາ ແລະ ຮັບຮອງເອົາຈາກ ສສຊ ຢ່າງເປັນເອກະພາບ, ຊຶ່ງກົດໝາຍດັ່ງກ່າວ ສ້າງຂຶ້ນເພື່ອເພີ່ມທະວີຄວາມເປັນເຈົ້າການໃນການຄຸ້ມຄອງລັດກ່ຽວກັບວຽກງານການຕ່າງປະເທດດ້ວຍກົດໝາຍທີ່ມີຄວາມສັກສິດ, ໂດຍສະເພາະ ແມ່ນວຽກງານສົນທິສັນຍາ ແລະ ສັນຍາສາກົນ ໃຫ້ມີຄວາມເປັນເອກພາບໃນຂອບເຂດທົ່ວປະເທດ, ແນໃສ່ສ້າງສະພາບແວດລ້ອມພາຍນອກທີ່ເອື້ອອຳນວຍ, ເຊື່ອມໂຍງກັບພາກພື້ນ ແລະ ສາກົນ, ຂະຫຍາຍການຮ່ວມມືກັບຕ່າງປະເທດ ທັງຍາດແຍ່ງການຊ່ວຍເຫລືອ ແລະ ດຶງດູດການລົງທຶນຈາກຕ່າງປະເທດ ປະກອບສ່ວນອັນສຳຄັນເຂົ້າໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ, ພ້ອມທັງເປັນການແກ້ໄຂບັນຫາ ແລະ ສິ່ງທ້າທາຍຕ່າງໆທີ່ເກີດຂຶ້ນໃນການສ້າງ ແລະ ຈັດຕັ້ງປະຕິບັດສົນທິສັນຍາ ແລະ ສັນຍາສາກົນ ໃນໄລຍະຜ່ານມາ. ກົດໝາຍດັ່ງກ່າວ ປະກອບມີ 8 ພາກ, 23 ໝວດ ແລະ 136 ມາດຕາ,

ທ່ານລັດຖະມົນຕີກະຊວງການຕ່າງປະເທດ ໃຫ້ຮູ້ວ່າ: ໄລຍະຜ່ານມາ, ການຈັດຕັ້ງປະຕິບັດວຽກງານສົນທິສັນຍາ ແມ່ນອີງໃສ່ລັດຖະບັນຍັດສະບັບເລກທີ 01/ປປທ ວ່າດ້ວຍການສ້າງ, ການເຂົ້າຮ່ວມເປັນພາຄີ ແລະ ການຈັດຕັ້ງປະຕິບັດສົນທິສັນຍາສາກົນ, ສ່ວນການຈັດຕັ້ງປະຕິບັດວຽກງານສັນຍາສາກົນນັ້ນ ແມ່ນຍັງບໍ່ມີນິຕິກຳເປັນບ່ອນອີງ, ການຈັດຕັ້ງປະຕິ ບັດລັດຖະບັນຍັດດັ່ງກ່າວເປັນເວລາ 8 ປີຜ່ານມາ, ເຫັນວ່າລັດຖະບັນຍັດດັ່ງ ກ່າວ ເປັນນິຕິກຳຕົ້ນຕໍໃນການຄຸ້ມຄອງວຽກງານການສ້າງ ແລະ ຈັດຕັ້ງປະຕິບັດສົນທິສັນຍາຂອງລາວ ໃຫ້ເຂົ້າສູ່ລະບຽບການເທື່ອລະກ້າວ, ເພື່ອເປັນການຄຸ້ມຄອງການສ້າງ ແລະ ຈັດຕັ້ງປະຕິບັດເອກະສານການຮ່ວມມືລະຫວ່າງລາວ ແລະ ຕ່າງປະເທດໃນໄລຍະແຫ່ງການເຊື່ອມໂຍງກັບພາກພື້ນ ແລະ ສາກົນ ໄດ້ເປັນຢ່າງດີພໍສົມຄວນ ເພື່ອນຳເອົາຜົນປະໂຫຍດມາສູ່ປະເທດຊາດ.

- Wave100S AD to Website 2020 0 - ສະພາຮັບຮອງເອົາກົດໝາຍສົນທິສັນຍາ ແລະ ສັນຍາສາກົນ
- WhatsApp Image 2020 05 27 at 5 - ສະພາຮັບຮອງເອົາກົດໝາຍສົນທິສັນຍາ ແລະ ສັນຍາສາກົນ
- WhatsApp Image 2020 05 27 at 5 - ສະພາຮັບຮອງເອົາກົດໝາຍສົນທິສັນຍາ ແລະ ສັນຍາສາກົນ
error: Alert: ເນື້ອຫາຂ່າວມີລິຂະສິດ !!