ນັກສຶກສາຝຶກງານຄວນຈະວາງໂຕແນວໃດໃນໄລຍະຝຶກງານ

- 022509 2018 - ນັກສຶກສາຝຶກງານຄວນຈະວາງໂຕແນວໃດໃນໄລຍະຝຶກງານ
- Untitled design - ນັກສຶກສາຝຶກງານຄວນຈະວາງໂຕແນວໃດໃນໄລຍະຝຶກງານ

ແນ່ນອນວ່າຫລັກສູດມະຫາວິທະຍາໄລສ່ວນຫລາຍນັ້ນ ຈະມີຫລັກສູດໃຫ້ນັກສຶກສາໄດ້ອອກໄປຝຶກງານຕາມບໍລິສັດຕ່າງໆທີ່ກົງກັບສາຍທີ່ນັກສຶກສາໄດ້ຮຽນມາ ເພື່ອໃຫ້ໄດ້ຮັບປະສົບການການເຮັດວຽກໂຕຈິງໄວ້ເປັນຄວາມຮູ້ເອົາໄວ້ໃຊ້ຝຶກຝົນໂຕເອງ ແລະ  ກຽມໂຕໃຫ້ພ້ອມກ່ອນທີ່ຈະເຂົ້າສູ່ການເປັນຜູ້ໃຫຍ່ເຮັດວຽກແທ້ໆນັ້ນເອງ. ແຕ່ສິ່ງທີ່ນັກສຶກສາຝຶກງານທຸກຄົນຄວນທີ່ຈະຈື່ໄວ້ ການຝຶກງານບໍ່ແມ່ນໄລຍະເວລາທີ່ເຮົາຈະເຮັດໂຕສະບາຍໆຄືກັບຕອນທີ່ຢູ່ໃນມະຫາວິທະຍາໄລໄດ້ ເພາະການໄປຝຶກງານໃນບໍລິສັດນັ້ນມັນຄືການເຮັດວຽກແທ້ໆ ເຮົາຕ້ອງເຕັມ 100% ໃນທຸກໜ້າທີ່ໆບັນດາອ້າຍເອື້ອຍມອບໝາຍວຽກໃຫ້ ເຮົາມາເບິ່ງກັນດີກ່ວາວ່າມາລະຍາດຂອງການຝຶກງານສຳລັບນັກສຶກສານັ້ນຈະມີຫຍັງແດ່ :

     – ແຕ່ງກາຍໃຫ້ສຸພາບ : ການທີ່ເຮົາມາຝຶກງານໃນບໍລິສັດຕ່າງໆໃນຖານະນັກສຶກສານັ້ນ ຢ່າລືມວ່າເຮົາກຳລັງແບກຊື່ສຽງກາມະຫາວິທະຍາໄລຂອງເຮົາຢູ່ພາຍໃຕ້ຊຸດນັກສຶກສາ ການສະແດງອອກດ້ວຍການແຕ່ງກາຍໃຫ້ເໝາະສົມນັ້ນຈຶ່ງເປັນເລື່ອງທີ່ຄວນເຮັດເປັນຢ່າງຍິ່ງ ເພາະບໍ່ພຽງແຕ່ມັນຈະບໍ່ເຮັດໃຫ້ມະຫາວິທະຍາໄລເສຍຊື່ສຽງແລ້ວ ຍັງເຮັດໃຫ້ບັນດາອ້າຍເອື້ອຍໃນບໍລິສັດເບິ່ງວ່າເຮົາເປັນຄົນສຸພາບຮຽບຮ້ອຍນຳ, ແຕ່ກໍມີບາງບໍລິສັດທີ່ອະນຸຍາດໃຫ້ນັກສຶກສານຸ່ງຊຸດທົ່ວໄປມາຝຶກງານໄດ້, ແຕ່ນັ້ນບໍ່ໄດ້ໝາຍຄວາມວ່າທ່ານຈະນຸ່ງຫຍັງມາຝຶກງານກໍໄດ້ ຊຸດທີ່ນຸ່ງນັ້ນຄວນເປັນຊຸດທີ່ສຸພາບ ແລະ ຮຽບຮ້ອຍນຳ.

     – ມີກາລະເທສະ : ນອກຈາກການແຕ່ງໂຕທີ່ຕ້ອງສຸພາບແລ້ວ ມາລະຍາດກໍຕ້ອງສຸພາບຄືກັນ ຄຳວ່າ ພາສາບອກຊາດ ມາລະຍາດບອກຕະກຸນ ຍັງຄົງໃຊ້ໄດ້ໃນທຸກສະຖານະການແທ້ໆ ບໍ່ວ່າຈະເປັນຕອນທີ່ເຮົາຢູ່ໃນມະຫາວິທະຍາໄລ ຫລື ຢູ່ໃນສະຖານທີ່ຝຶກງານ ການເວົ້າຈາດີ, ປະພຶດໂຕໃຫ້ໜ້າຮັກ ກໍຍິ່ງຈະເຮັດໃຫ້ບັນດາອ້າຍເອື້ອຍຢາກຈະສອນວຽກໃຫ້ນຳ ແລະ ສິ່ງສຳຄັນຖ້າເຮົາໄປເຮັດກິລິຍາບໍ່ຈົບງາມໃນສະຖານທີ່ຝຶກງານ ບໍ່ວ່າໂດຍຕັ້ງໃຈ ຫລື ບໍ່ໄດ້ຕັ້ງໃຈ ເຮົາກໍອາດຈະຖືກທາງບໍລິສັດຕິ ເຕືອນໄປເຖິງມະຫາວິທະຍາໄລໃນດ້ານພຶດຕິກຳທີ່ບໍ່ເໝາະສົມໄດ້ ເພາະສະນັ້ນແລ້ວຈົ່ງຈື່ໄວ້ງ່າຍໆເລີຍວ່າ ເຮັດໂຕໜ້າຮັກເຂົ້າໄວ້ ໃຜໆເຂົາກໍເອັນດູຮັກແພງທ່ານ.

     – ຢ່າປິດກັ້ນໂຕເອງ : ເພາະການຝຶກງານເປັນສິ່ງທີ່ເຮັດໃຫ້ເຮົາໄດ້ຮຽນຮູ້ຫຍັງຫລາຍໆຢ່າງທີ່ເຮົາບໍ່ເຄີຍໄດ້ຮູ້ໃນຮົ້ວມະຫາວິ ທະຍາໄລ ເພາະສະນັ້ນນີ້ແມ່ນໂອກາດທີ່ເຮົາຈະຕັກຕວງຄວາມຮູ້ໃໝ່ໆໃຫ້ກັບໂຕເອງໃຫ້ໄດ້ຫລາຍທີ່ສຸດ, ຢ່າໄປຢ້ານ ແລະ ປິດກັ້ນ ໂຕເອງຈົນບໍ່ກ້າເຮັດໃນສິ່ງທີ່ເຮົາບໍ່ເຄີຍເຮັດມາກ່ອນ, ລອງເຮັດສິ່ງແປກໃໝ່ອອກຈາກມຸມສະບາຍຂອງເຮົາເບິ່ງ ແລ້ວເຮົາອາດຈະພົບວ່າເຮົາເຮັດຫຍັງໄດ້ຫລາຍກ່ວາທ່ີເຮົາຄິດ ແລະ ເຮົາອາດຈະຫລົງຮັກ ແລະ ຊື່ນຊົມໃນສິ່ງໃໝ່ໆທີ່ເຮົາຫາກໍໄດ້ລອງກໍເປັນໄດ້.

- Wave100S AD to Website 2020 0 - ນັກສຶກສາຝຶກງານຄວນຈະວາງໂຕແນວໃດໃນໄລຍະຝຶກງານ

     – ກົງຕໍ່ເວລາ : ບໍ່ວ່າຈະຢູ່ໃນສະຖານະນັກສຶກສາໃນມະຫາວິທະຍາໄລ ຫລື ສະຖານທີ່ຝຶກງານ ການກົງຕໍ່ເວລາເປັນສິ່ງທີ່ສົມ ຄວນເຮັດ ເພາະການມີລະບຽບ ແລະ ວິໄນຕໍ່ໂຕເອງນັ້ນ ສະແດງໃຫ້ເຫັນວ່າເຮົາເປັນຄົນທີ່ໃສ່ໃຈໃນວຽກທີ່ໄດ້ຮັບມອບໝາຍ ຂໍໍ້ນີ້ ບອກເລີຍວ່າເຮັດໃຫ້ໂຕເອງລຶ້ງເຄີຍ ແລ້ວຈະກາຍເປັນນິໄສ ແລະ ເຮັດໃຫ້ເຮົາກາຍເປັນຄົນກົງຕໍ່ເວລາ ແລະ ມີວິໄນ ທັງໃນຊີວິດມະຫາວິທະຍາໄລ ແລະ ຊີວິດການເຮັດວຽກຫລັງຈົບມະຫາວິທະຍາໄລໄປໂດຍບໍ່ຕ້ອງຝືນເລີຍ.

     – ທັດສະນະຄະຕິຕ້ອງດີ :  ເພາະທຸກໆຢ່າງເລີ່ມຈາກໂຕເຮົາ ຖ້າເຮົາມີທັດສະນະຄະຕິທີ່ດີ, ເບິ່ງໂລກໃນແງ່ບວກ ເຮົາກໍໍຈະເຮັດວຽກດ້ວຍຄວາມສົດຊື່ນ, ບໍ່ໝົ່ນໝອງ ຖ້າເມົາແຕ່ຕັ້ງແງ່ວ່າໂຕເອງເກັ່ງ, ມີຄວາມສາມາດ, ບໍ່ຍອມເຮັດວຽກນ້ອຍໆ ອັນນີ້ກໍບໍ່ ແມ່ນເລື່ອງທີ່ດີເລີຍ ບໍ່ວ່າວຽກນ້ອຍວຽກໃຫຍ່ມັນກໍແມ່ນວຽກທີ່ເຂົາມອບໝາຍມາໃຫ້ເຮົາ ເຮົາກໍຕ້ອງເຮັດດ້ວຍຄວາມຕັ້ງໃຈ ຖ້າບໍ່ເຂົ້າໃຈຫຍັງໃຫ້ຖາມ ເພາະຄວາມຕັ້ງໃຈໃນການເຮັດວຽກຈະເຮັດໃຫ້ເຮົາໄດ້ຮັບປະໂຫຍດຈາກການຝຶກງານໄດ້ເຕັມໆ ບໍ່ວ່າວຽກນັ້ນຈະນ້ອຍ ຫລື ໃຫຍ່ກໍຕາມ.

- WhatsApp Image 2020 05 27 at 5 - ນັກສຶກສາຝຶກງານຄວນຈະວາງໂຕແນວໃດໃນໄລຍະຝຶກງານ
- WhatsApp Image 2020 05 27 at 5 - ນັກສຶກສາຝຶກງານຄວນຈະວາງໂຕແນວໃດໃນໄລຍະຝຶກງານ
error: Alert: ເນື້ອຫາຂ່າວມີລິຂະສິດ !!