ປີທ່ອງທ່ຽວຕ້ອງໄດ້ປັບປຸງແກ້ໄຂປັດໄຈຫລາຍດ້ານ

- b14117f419e63268d43ad5e5f396150f - ປີທ່ອງທ່ຽວຕ້ອງໄດ້ປັບປຸງແກ້ໄຂປັດໄຈຫລາຍດ້ານ
- Untitled design - ປີທ່ອງທ່ຽວຕ້ອງໄດ້ປັບປຸງແກ້ໄຂປັດໄຈຫລາຍດ້ານ

ໂດຍ: ທິດກ່ຳ 

ຖ້າຫາກພວກເຮົາຍົກ ເອົານິ້ວມືມານັບມັນຍັງພຽງ ອີກ 3 ເດືອນກໍຈະໝົດປີ 2018; ເຊິ່ງປີນີ້ໃຜ ກໍຮູ້ຢ່າງ ເຕັມໃຈແລ້ວວ່າເປັນປີທ່ອງ ທ່ຽວລາວ ແຕ່ໜ້າເສຍດາຍ ທີ່ປະເທດເຮົາປະສົບກັບໄພ ທຳມະຊາດ ຢ່າງຮ້າຍແຮງ, ເຊິ່ງມັນໄດ້ສົ່ງຜົນກະທົບບໍ່ ໜ້ອຍຕໍ່ການດຶງດູດຜູ້ມາ ທ່ຽວຕາມຕົວເລກຄາດໝາຍ ວາງໄວ້.

 

ໄພນໍ້າຖ້ວມປີນີ້ສົ່ງຜົນກະທົບປີທ່ອງທ່ຽວລາວບໍ່ໜ້ອຍ2018/

ແຂວງສາລະວັນຕົກລົງໃຫ້ສຳຫລວດແຫລ່ງທ່ອງທ່ຽວປາກເສັດ-ແກ້ງກຸ2018/

ແຕ່ພາຍຫລັງໝົດຝົນ ແລະ ອອກພັນສາແລ້ວຈາກ ນັ້ນ, ກິດຈະກຳຕ່າງໆ ກໍຈະມີ ຂຶ້ນຢ່າງລຽນຕິດກວ້າງຂວາງໃນທົ່ວປະເທດເຊັ່ນ: ຢູ່ນະຄອນ ຫລວງວຽງຈັນເຮົາກໍຈະມີບຸນຊ່ວງເຮືອ, ຕໍ່ໃສ່ບຸນນະມັດສະ ການພະທາດຫລວງ, ຈາກນັ້ນ ກໍຈະມີບຸນສິນກິນທານ ແລະ ກິດຈະກຳອື່ນໆ ຂອງແຕ່ລະ ບ້ານ, ແຕ່ລະເມືອງຢ່າງ ຫລວງຫລາຍ.

ສ່ວນວ່າຢູ່ແຕ່ລະທ້ອງ ຖິ່ນເຂດແຂວງຕ່າງໆ ກໍຈະ ມີຫລາຍກິດຈະກຳທີ່ມີສີສັນ ເຊັ່ນ: ແຂວງບໍລິຄຳໄຊກໍແມ່ນ ບຸນນະມັດສະການພະທາດ ພະບາດໂພນສັນ, ແຂວງຄຳ ມ່ວນກໍແມ່ນ ບຸນພະທາດສີ ໂຄດຕະບອງ ແຂວງສະຫວັນ ນະເຂດກໍແມ່ນພະທາດອີງ ຮັງ, ແຂວງຈຳປາສັກກໍແມ່ນ ບຸນວັດພູ ແລະ ບັນດາແຂວງ ຕ່າງໆ ທີ່ຢູ່ພາກເໜືອພາກ ໃຕ້ຕ່າງ ກໍພາກັນຈັດກິດຈະ ກຳທີ່ຕົນມີແຜນໄວ້ໃນໂອກາດ ປີທ່ອງທ່ຽວລາວ 2018.

- Wave100S AD to Website 2020 0 - ປີທ່ອງທ່ຽວຕ້ອງໄດ້ປັບປຸງແກ້ໄຂປັດໄຈຫລາຍດ້ານ

ສິ່ງທີ່ທິດກ່ຳ ໄດ້ເວົ້າມາ ນີ້, ມັນເປັນພຽງສ່ວນໜຶ່ງ ຂອງກິດຈະກຳການທ່ອງ ທ່ຽວທາງດ້ານວັດທະນະທຳ ເທົ່ານັ້ນ, ສ່ວນວ່າທາງດ້ານ ປະຫວັດສາດ ແລະ ທຳມະ ຊາດນັ້ນກໍມີຢ່າງຫລວງ ຫລາຍພໍສົມຄວນໃນທົ່ວ ປະເທດ, ແຕ່ແນວໃດກໍຕາມ, ບັນດາກິດຈະກຳທີ່ໄດ້ຍົກມາ ຂ້າງເທິງນັ້ນ ພຽງແຕ່ເປັນ ພາບລວມຂອງກິດຈະກຳໃນ ການຊັກຊວນອວນຕ້ອນຄົນ ພາຍໃນ ແລະ ຕ່າງປະເທດໄປ ຫລິ້ນໄປທ່ຽວເພື່ອຜັກຜ່ອນ ຢ່ອນອາລົມ ແລະ ສຶກສາ ຄົ້ນຄວ້າຕາມເງື່ອນໄຂ ແລະ ສະພາບຄວາມເປັນຈິງຂອງ ແຫລ່ງທ່ອງທ່ຽວໃນແຕ່ລະ ແຫ່ງ.

ສະຫລຸບແລ້ວຜ່ານຈາກການຈັດຕັ້ງປະຕິບັດນັບແຕ່ ມື້ເປີດປີທ່ອງທ່ຽວ ມາຮອດປັດ ຈຸບັນທິດກ່ຳ ຈະບໍ່ນຳເອົາຕົວ ເລກຕົວຜາຢ່າງລະອຽດມາ ຢັ້ງຢືນສູ່ກັນຟັງວ່າ ໄດ້ຈັກ ໝື່ນ, ຈັກແສນ, ຈັກລ້ານຫລື ໄດ້ເທົ່ານັ້ນ, ເທົ່ານີ້ເປີເຊັນ, ແຕ່ ກໍແນໃສ່ວ່າ ມາຮອດໄລຍະນີ້ ຕົວເລກທີ່ເຮົາຕັ້ງເປົ້າໄວ້ນັ້ນ ອາດບໍ່ໄດ້ຕາມຄາດໝາຍຍ້ອນຫລາຍສາເຫດ.

ໃນໂອກາດການເຂົ້າ ຮ່ວມກອງປະຊຸມລັດຖະບານ ເປີດກວ້າງຄັ້ງວັນທີ 17-18 ກັນຍາ ທີ່ຜ່ານມາ, ທ່ານ ລັດ ຖະມົນຕີ ກະຊວງຖະແຫລງ ຂ່າວ, ວັດທະນະທຳ ແລະ ທ່ອງທ່ຽວກໍໄດ້ເປີດໃຈໃຫ້ ສຳພາດວ່າ ປີທ່ອງທ່ຽວລາວ ບໍ່ບັນລຸຕາມເປົ້າ, ຍອດຈອງ ຫ້ອງ ກໍຫລຸດລົງເກືອບ 80 ເປີເຊັນ ດ້ວຍສາເຫດປະເທດ ເຮົາປະສົບໄພນ້ຳຖ້ວມຢ່າງ ໜັກໜ່ວງສົມຄວນ, ສະຖານ ທີ່ທ່ອງທ່ຽວຫລາຍແຫ່ງຖືກ ນ້ຳຖ້ວມ, ເສັ້ນທາງຫລາຍ ສາຍໃນທົ່ວປະເທດຖືກເປ້ເພ ເສຍຫາຍອັນເຮັດໃຫ້ການ ໄປມາຫຍຸ້ງຍາກ ແລະ ບັນຫາ ອື່ນໆ ກໍຕາມມາ.

ເພາະສະນັ້ນ, ໃນໄລຍະ ທ້າຍປີນີ້ຈະຕ້ອງໄດ້ດຳເນີນ ຫລາຍມາດຕະການເພື່ອໃຫ້ ນັກທ່ອງທ່ຽວເຂົ້າມາລາວ ໃຫ້ຫລາຍຂຶ້ນເປັນຕົ້ນ ສືບຕໍ່ ຈັດຕັ້ງບັນດາກິດຈະກຳສົ່ງ ເສີມການທ່ອງທ່ຽວ, ສຸກຍູ້ ພາກເອກະຊົນໃຫ້ປັບປຸງ ແລະ ກໍ່ສ້າງພື້ນຖານໂຄງລ່າງເພື່ອຮັບໃຊ້ການທ່ອງທ່ຽວໃຫ້ ຫລາຍຂຶ້ນ, ສືບຕໍ່ໂຄສະນາ ການທ່ອງທ່ຽວຜ່ານສື່ມວນ ຊົນທັງພາຍໃນ ແລະ ຕ່າງປະ ເທດໃຫ້ຫລາຍຂຶ້ນ.
ເຖິງຢ່າງໃດກໍດີ, ໃນ ຄວາມເປັນຈິງແລ້ວໃນປີນີ້ ປະເທດເຮົາກໍປະສົບໄພນ້ຳ ຖ້ວມອີ່ຫລີ, ມີບັນຫາເຂື່ອນ ແຕກຄົນຕາຍ, ໄດ້ຢ່າງໜຶ່ງພັດ ເສຍຢ່າງໜຶ່ງ, ໄດ້ກິນປາພັດ ເສຍເຂົ້າ ໄດ້ເຕົ່າພັດເສຍໝາ ກາຍເປັນບັນຫາກົດໜ່ວງ ຫລາຍອັນຕໍ່ການພັດທະນາ ປະເທດຊາດ.
ສະນັ້ນ, ເພື່ອເຮັດໃຫ້ບັນ ຍາກາດການທ່ອງທ່ຽວໃນ ທ້າຍປີເປັນໄປຢ່າງລາບລື້ນ ພວກເຮົາກໍຕ້ອງໄດ້ພ້ອມກັນ ແກ້ຫລາຍຂັ້ນ, ຫລາຍຂອດ ແລະ ຫລາຍບັນຫາເຊັ່ນ: ກ່ອນ ອື່ນແມ່ນແກ້ເລື່ອງຄົນຜູເຮັດ ຄື: ເວົ້າແລ້ວຕ້ອງເຮັດຢ່າງ ຈິງຈັງບໍ່ໃຫ້ເວົ້າລ້າ.
ບໍ່ໃຫ້ປາກໃຫຍ່ກວ່າທ້ອງ, ແກ້ເລື່ອງຄຸນນະພາບຂອງຜູ້ ເຮັດບໍລິການທ່ອງທ່ຽວ, ນັກ ທ່ອງທ່ຽວເຂົ້າມາລາວຄ່າໃຊ້ ຈ່າຍສູງກວ່າໝູ່, ອັນສຳຄັນ ກ່ອນອື່ນໝົດແມ່ນເສັ້ນທາງ ໄປມາໃຫ້ສະດວກສະບາຍ, ວ່ອງໄວ, ດຽວນີ້ເສັ້ນທາງສາຍ ເລືອດເລກທີ 13 ເປເພເສຍ ຫາຍຫລາຍ, ຕອນຝົນຕົກ ໜັກ ນ້ຳຖ້ວມ, ເປັນບວກຂຸມ, ພໍນ້ຳ ແຫ້ງແດດອອກມີແຕ່ຂີ້ຝຸ່ນ, ແກ້ເລື່ອງນັກທ່ອງທ່ຽວຂີ້ລົດ ໄປຕາມທາງຖືກເຈົ້າໜ້າທີ່ ກວດແລ້ວປັບໄໝ, ແກ້ໃນ ເລື່ອງນັກທ່ອງທ່ຽວເຂົ້າມາ ບໍ່ໃຫ້ໂຈນດຶງກະເປົາ, ແກ້ໃນ ເລື່ອງຂີ່ລົດໄປຕາມທາງເຫັນແຕ່ລົດຕຳກັນ, ປະເທດເຮົາ ບໍ່ມີທະເລ ແຕ່ກໍຂໍໃຫ້ມີອັນເປີດ ຫູ, ເປີດຕາ ແລະ ເປີດໃຈ.

ຍາມກາງເວັນໃຫ້ໄດ້ເບິ່ງສິ່ງທີ່ງາມໃນຕາ, ກາງຄືນມາ ໃຫ້ໄດ້ເບິ່ງການສະແດງທີ່ ອ່ອນຊ້ອຍໂລດໂຜນຂອງສິລະປະທີ່ຫລາກຫລາຍສີສັນນັ້ນ ຄືສິ່ງທີ່ນັກທ່ອງທ່ຽວເຂົາ ໄຝ່ຝັນ./.

- b14117f419e63268d43ad5e5f396150f - ປີທ່ອງທ່ຽວຕ້ອງໄດ້ປັບປຸງແກ້ໄຂປັດໄຈຫລາຍດ້ານ
(ພາບປະກອບ)
- WhatsApp Image 2020 05 27 at 5 - ປີທ່ອງທ່ຽວຕ້ອງໄດ້ປັບປຸງແກ້ໄຂປັດໄຈຫລາຍດ້ານ
- WhatsApp Image 2020 05 27 at 5 - ປີທ່ອງທ່ຽວຕ້ອງໄດ້ປັບປຸງແກ້ໄຂປັດໄຈຫລາຍດ້ານ
error: Alert: ເນື້ອຫາຂ່າວມີລິຂະສິດ !!