ສະໜາມມວຍຕະຫລາດຫ້ວຍຫົງເປີດຝຶກຊ້ອມຟຣີ

- advert banner 728 90 728x90 - ສະໜາມມວຍຕະຫລາດຫ້ວຍຫົງເປີດຝຶກຊ້ອມຟຣີ

ສະໜາມ​ມວຍ​ຕະຫລາດ​ຫ້ວຍ​ຫົງ​ເປີດ​ຝຶກ​ຊ້ອມ​ຟຣີລະ​ຫວ່າງ​ເດືອນກັນຍາ-​ຕຸລາ​ນີ້ ​ເພື່ອ​ສົ່ງ​ເສີມ​ໃຫ້​ຄົນ​ທີ່​ມີ​ຄວາມ​ຮັກ​ມັກ​ດ້ານ​ກິລາກ້າວ​ສູ່ການ​ເປັນ​ນັກ​ກິລາ​ມື​ອາຊີບ​ໃນ​ອະນາ​ຄົດ ພ້ອມ​ທັງ​​ເປັນ​ການ​ອອກ​ກໍາລັງ​ກາຍ​ຮັກສາ​ສຸຂະພາບ.

ທ່ານ ສຸ​ລີ ມີ​ລະ​ໄມ ​ເຈົ້າ​ຂອງ​ສະໜາມ​ມວຍ​ຕະຫລາດ​ຫ້ວຍ​ຫົງ ​ໄດ້​ໃຫ້​ສໍາພາດ​ວ່າ: ພາຍຫລັງ​​ເລີ່​ມ​ເປີດ​ສະໜາມ​ມວຍ​ແຕ່​ຕົ້ນ​ເດືອນກັນຍາ​ຜ່ານ​ມາ ​ເຫັນ​ວ່າການ​ຕອບ​ຮັບ​ຂອງ​ນັກ​ກິລາ ​ແລະ ​ແຟນມວຍ​​ແມ່ນ​ມີ​ຄວາມ​ຄຶກຄື້ນ ​ເຊິ່ງພາຍ​ໃນ 1 ອາທິດ ​ພວກ​ເຮົາ​ຈະ​ຈັດການ​ແຂ່ງຂັນ 2-3 ຄັ້ງ ​ເພື່ອ​ເປັນ​ເວທີ​ໃຫ້​ແກ່​ນັກ​ກິລາ​ໄດ້​ມີ​ການ​ເຄື່ອນ​ໄຫວຢູ່​ຕະຫລອດ​ເວລາ. ນອກຈາກ​ນັ້ນ ພວກ​ເຮົາ​ຍັງ​ໄດ້​ເປີດສອນ​ຕີມວຍ​ໃຫ້​ແກ່​ນ້ອງໆ​ເຍົາວະ​ຊົນ ຫລື​ ຜູ້​ທີ່​ມີ​ຄວາມ​ຮັກ​ມັກ​ກິລາ​ປະ​ເພດ​ນີ້ ໂດ​ຍບໍ່​ຈໍາກັດ​ອາຍຸ ​ແລະ ​ເພດ​ໄວ ​​ເຊິ່ງ​ເວລາຝຶກ​ຊ້ອມ​ແມ່ນ​ເລີ່​ມ​ແຕ່ 17:00-20:00 ​ໂມງທຸກໆ​ມື້.

- 1 1 - ສະໜາມມວຍຕະຫລາດຫ້ວຍຫົງເປີດຝຶກຊ້ອມຟຣີ
- Tiger Head 728x90 - ສະໜາມມວຍຕະຫລາດຫ້ວຍຫົງເປີດຝຶກຊ້ອມຟຣີ

ສະໝາ​ມມວຍ​ຕະຫລາດ​ຫ້ວຍ​ຫົງ​ຕັ້ງ​ຢູ່​ທາງ​ຫລັງ​ຕະຫລາດ​ຫ້ວຍ​ຫົງ ບ້ານ​ຫ້ວຍ​ຫົງ ​ເມືອງ​ຈັນທະ​ບູລີ ນະຄອນຫລວງ​ວຽງ​ຈັນ.

error: Content is protected !!