ຕຳຫລວດຫວຽດນາມມ້າງເຄືອຂ່າຍ ພະນັນອອນລາຍ 26 ລ້ານໂດລາ

- 1537860966128 960x0 - ຕຳຫລວດຫວຽດນາມມ້າງເຄືອຂ່າຍ ພະນັນອອນລາຍ 26 ລ້ານໂດລາ
- Untitled design - ຕຳຫລວດຫວຽດນາມມ້າງເຄືອຂ່າຍ ພະນັນອອນລາຍ 26 ລ້ານໂດລາ

​ເຈົ້າໜ້າ​ທີ່​ຫວຽດນາມລາຍ​ງານ​ວ່າ: ຕຳຫລວດມ້າງ​ເຄືອ​ຂ່າຍ​ພະນັນ​ອອນ​ລາຍ​ຄິດ​ເປັນ​ມູນ​ຄ່າ​ເກືອບ 26 ລ້ານ​ໂດ​ລາ​ສະຫະລັດ ​ແລະ ຈັບ​ກຸມ​ເກືອບ 10 ຄົນ ລວມທັງ​ຢຶດປືນ ​ແລະ ​ເງິນສົດ​ໄວ້​ນຳ. ຖື​ເປັນ​ປະຕິບັດ​ການ​ກວາດ​ລ້າງ​ທຸລະ​ກິດ​ພະນັນ​ລາຍ​ຫລ້າ​ສຸດ​ທີ່​ຂະຫຍາຍ​ເຄືອ​ຂ່າຍ​ຫລາຍ​ຂຶ້ນ ​ເຖິງ​ວ່າ​ມີ​ກົດໝາຍ​ຄວບ​ຄຸມ​ເຂັ້ມງວດ​ກໍ​ຕາມ.

​ແຫ​ລ່ງຂ່າວ​ຕຳຫລວດ​ທ້ອງ​ຖິ່ນ ​ແລະ ສື່​ທາງ​ການ​ຫວຽດນາມ ລາຍ​ງານ​ວ່າ: ​ເຄືອ​ຂ່າຍ​ພະນັນ​ອອນ​ລາຍ​ເປີດ​ຫລາຍ​ເວັບ​ໄຊ​ໃຫ້​ບໍລິການ​ພະນັນ​ກິລາ ​ແລະ ການ​ພະນັນ​ອື່ນໆ​ ​ເຊິ່ງດຶງ​ດູດ​ນັກ​ພະນັນ​ອອນ​ລາຍ​ໄດ້​ຫລາຍ​ຮ້ອຍ​ຄົນ. ​ເຄືອ​ຂ່າຍ​ອອນ​ລາຍ​ຂະຫຍາຍ​ທຸລະ​ກິດ​ໄປ​ຫລາຍ​ແຂວງ​ທາງ​ພາກ​ກາງ ​ແລະ ພາກ​ໃຕ້​ຂອງ​ຫວຽດນາມ ​ໂດຍ​ມີ​ທ້າວ ວຽນ ກ໊ອກ ຫວຽດ ອາຍຸ 37 ປີ ​ເປັນ​ຫົວໜ້າ​ເຄືອ​ຂ່າຍ. ​ແຫ​ລ່ງຂ່າວ​ຕຳຫລວດ​​ແຂວງ​ກວາງ​ນຳ ລາຍ​ງານ​ວ່າ: ​ເຈົ້າໜ້າ​ທີ່​ຈັບ​ກຸມ​ໄດ້ 7 ຄົນ ​ແລະ ​ເຂົ້າມາ​ມອບ​ຕົວ​ອີກ 3 ຄົນ ​ໂດຍ​ກຳລັງ​ສອບ​ສວນ​ຂະຫຍາຍ​ຜົນ​ຫາ​ຜູ້ກ່ຽວ​ຂ້ອງ​ໃນຂະ​ບວນການ. ນອກຈາກ​ນີ້ ​ເຈົ້າໜ້າ​ທີ່​ຍັງ​ບຸກຄົ້ນ​ເຮືອນ​ຫລາຍ​ຫລັງ​ທົ່ວ​ເມືອງ​ຕ່າງໆ ຢຶດປືນ​ໄຣ​ເຟິລ 2 ກະບອກ, ​ເງິນສົດ 20.000 ​ໂດ​ລາ​ສະຫະລັດ, ລົດ​​ໃຫຍ່​ຫລາຍ​ຄັນ ​ແລະ ​ໂທລະສັບ​ມື​ຖື​ຫລາຍ​ໜ່ວຍ. ສື່​ທາງ​ການ​ລາຍ​ງານ​ວ່າ: ຜູ້​ຕ້ອງ​ສົງ​ໄສ​ຍັງ​ເຮັດ​ທຸລະ​ກິດ​ຜິດ​ກົດໝາຍ​ປ່ອຍ​ເງິນ​ກູ້​ດອກ​ເບ້ຍ​ສູງ ​ແລະ ຮັບຈ້າງ​ທວງ​ໜີ້. ການ​ພະນັນ​ໃນ​ຫວຽດນາມ​ສ່ວນ​ຫລາຍ​ເຂົ້າຂ່າຍ​ຜິດ​ກົດໝາຍ ​ໂດຍ​ເຈົ້າຂອງ​ທຸລະ​ກິດ​ພະນັນ​ອອນ​ລາຍ​ມີ​ໂທດ​ຈຳ​ຄຸກ​ສູງ​ສຸດ 10 ປີ ​ແລະ ອະນຸຍາດ​ພຽງ​ຊາວ​ຕ່າງປະ​ເທດ​ເທົ່າ​ນັ້ນທີ່​ສາມາດ​ຫລິ້ນພະນັນ​ຕາມ​ກາສິ​ໂນ​ໄດ້.

- Wave100S AD to Website 2020 0 - ຕຳຫລວດຫວຽດນາມມ້າງເຄືອຂ່າຍ ພະນັນອອນລາຍ 26 ລ້ານໂດລາ
- WhatsApp Image 2020 05 27 at 5 - ຕຳຫລວດຫວຽດນາມມ້າງເຄືອຂ່າຍ ພະນັນອອນລາຍ 26 ລ້ານໂດລາ
- WhatsApp Image 2020 05 27 at 5 - ຕຳຫລວດຫວຽດນາມມ້າງເຄືອຂ່າຍ ພະນັນອອນລາຍ 26 ລ້ານໂດລາ
error: Alert: ເນື້ອຫາຂ່າວມີລິຂະສິດ !!