ລາວ​ເພີ່ມ​ທະວີ​ສະກັດ​ກັ້ນ​ເຊື້ອ​ໄວຣັດວໍ້​ຈາກ​ສັດລ້ຽງ

- Pet - ລາວ​ເພີ່ມ​ທະວີ​ສະກັດ​ກັ້ນ​ເຊື້ອ​ໄວຣັດວໍ້​ຈາກ​ສັດລ້ຽງ
- Untitled design - ລາວ​ເພີ່ມ​ທະວີ​ສະກັດ​ກັ້ນ​ເຊື້ອ​ໄວຣັດວໍ້​ຈາກ​ສັດລ້ຽງ

ຂປລ. ໃນວັນທີ 24 ກັນຍາ ນີ້, ກະຊວງກະສິກໍາ ແລະ ປ່າ ໄມ້ ຮ່ວມກັບ ກະຊວງ ສາທາລະນະສຸກ ໄດ້ຈັດພິທີຖະແຫລງຂ່າວ ວັນວໍ້ໂລກ ປະຈໍາປີ 2018, ໂດຍການເປັນປະທານຂອງ ທ່ານ ບຸນຂວາງ ຄໍາບຸນເຮືອງ ຮອງລັດຖະມົນຕີ ກະຊວງກະສິກໍາ ແລະ ປ່າໄມ້, ທ່ານ ດຣ. ພູທອນ ເມືອງປາກ ຮອງລັດຖະມົນຕີ ກະຊວງສາທາລະນະສຸກ, ທ່ານ ນາງ ລໍແຮນ ຕາງໜ້າອົງການອະນາໄມໂລກ ປະຈໍາ ສປປ ລາວ, ແມ່ນເພື່ອເປັນການເຜີຍແຜ່ຂໍ້ມູນຂ່າວສານ ແລະ ປູກຈິດສໍານຶກ ໃຫ້ປະຊາຊົນບັນດາເຜົ່າໄດ້ຮັບຮູ້ ແລະ ເຂົ້າໃຈ ກ່ຽວກັບພະຍາດວໍ້ ຫລາຍຂຶ້ນກວ່າເກົ່າ ແລະ ເພື່ອເປັນການສ້າງຂະບວນການບໍລິການ ສັກຢາກັນພະຍາດວໍ້ໃຫ້ໝາ ແລະ ແມວ, ພ້ອມສາເຫດ ທີ່ເຮັດໃຫ້ເກີດພະຍາດວໍ້ ແມ່ນມາຈາກການຕິດເຊື້ອໄວຣັດວໍ້ ທີ່ມີຢູ່ໃນນໍ້າລາຍຂອງສັດ ທີ່ເປັນພະຍາດວໍ້, ເຊິ່ງສາມາດຕິດຕໍ່ທາງກົງໂດຍການຖືກໝາ, ແມວ ຫລື ສັດປະ​ເພດອື່ນໆ ທີ່ມີເຊື້ອວໍ້ກັດ, ​ເຮັດໃຫ້ເຊື້ອພະຍາດເຂົ້າສູ່ຮ່າງກາຍ ໂດຍຜ່ານທາງບາດແຜ ແລະ ເສັ້ນປະສາດເຂົ້າສູ່ສະໝອງ, ເຊິ່ງພາໃຫ້ເປັນພະຍາດສະໝອງອັກເສບເຖິງ 99% ຂອງຜູ້ທີ່ຕິດເຊື້ອ ແມ່ນມີສາເຫດມາຈາກໝາກັດ.

ທ່ານ ດຣ. ພູທອນ ເມືອງປາກ ​​ກ່າວ​ວ່າ: ພະຍາດວໍ້ເປັນພະຍາດທີ່ຮ້າຍແຮງ ບໍ່ວ່າຄົນ ຫລື ສັດ ຖ້າຫາກເປັນພະຍາດວໍ້ແລ້ວ ແມ່ນບໍ່ສາມາດປິ່ນປົວໃຫ້ຫາຍດີ​ໄດ້, ແຕ່ເຮົາສາມາດປ້ອງກັນບໍ່ໃຫ້ສັດກັດ ແລະ ບໍ່ໃຫ້ຄົນເປັນພະຍາດວໍ້ໄດ້ ດ້ວຍການສັກຢາກັນ. ດັ່ງນັ້ນ, ກະຊວງກະສິກໍາ ແລະ ປ່າໄມ້ ຈຶ່ງ​ໄດ້​ຮ່ວມກັບກະຊວງສາທາລະນະສຸກ ​ແລະ ອົງການ​ອານາ​ໄມ​ໂລກ ຈິ່ງ​ຈະຈັດງານວັນວໍ້ໂລກຂຶ້ນ ທີ່ເດີ່ນ ເຈົ້າຟ້າງຸ່ມ ເລີ່ມແຕ່ເວລາ 8:00-16:00 ຂອງວັນທີ 28 ກັນຍາ ນີ້. ຈິ່ງຂໍເຊີນຊວນທຸກທ່ານທີ່ລ້ຽງໝາ, ແມວ ສາມາດເອົາສັດລ້ຽງ ຂອງ ທ່ານ ໄປສັກຢາກັນພະຍາດວໍ້ ​ໂດຍ​ບໍ່​ເສຍ​ຄ່າ ​ໃດໆ.

- Wave100S AD to Website 2020 0 - ລາວ​ເພີ່ມ​ທະວີ​ສະກັດ​ກັ້ນ​ເຊື້ອ​ໄວຣັດວໍ້​ຈາກ​ສັດລ້ຽງ

ໃນແຕ່ລະປີ ສປປ ລາວ ໄດ້ຮັບຜົນກະທົບຈາກພະຍາດວໍ້ ແລະ ມີຂໍ້ມູນລາຍງານຈາກຄົນທີ່ຖືກໝາກັດ ແລະ ພົບເຊື້ອໄວຣັດວໍ້ ຈາກບາງແຂວງ ຫາສູນວິເຄາະ ແລະ ລະບາດວິທະຍາ ມີຕົວເລກສະສົມ ແຕ່ປີ 2012-2017 ມີສັດກັດທັງໝົດ 264 ຄົນ, ​ ​ ເສຍຊີວິດ​ 23 ຄົນ./.

- WhatsApp Image 2020 05 27 at 5 - ລາວ​ເພີ່ມ​ທະວີ​ສະກັດ​ກັ້ນ​ເຊື້ອ​ໄວຣັດວໍ້​ຈາກ​ສັດລ້ຽງ
- WhatsApp Image 2020 05 27 at 5 - ລາວ​ເພີ່ມ​ທະວີ​ສະກັດ​ກັ້ນ​ເຊື້ອ​ໄວຣັດວໍ້​ຈາກ​ສັດລ້ຽງ
error: Alert: ເນື້ອຫາຂ່າວມີລິຂະສິດ !!