ລັດຖະບານລາວມອບເງິນຊ່ວຍເຫລືອປະຊາຊົນຍີ່ປຸ່ນທີ່ໄດ້ຮັບຜົນກະທົບຈາກໄພທຳມະຊາດ

- lao AIDS to japan - ລັດຖະບານລາວມອບເງິນຊ່ວຍເຫລືອປະຊາຊົນຍີ່ປຸ່ນທີ່ໄດ້ຮັບຜົນກະທົບຈາກໄພທຳມະຊາດ
- Untitled design - ລັດຖະບານລາວມອບເງິນຊ່ວຍເຫລືອປະຊາຊົນຍີ່ປຸ່ນທີ່ໄດ້ຮັບຜົນກະທົບຈາກໄພທຳມະຊາດ

ໃນວັນທີ 25 ກັນຍານີ້, ທ່ານນາງ ຄຳເພົາ ເອີນທະວັນ ຮອງລັດຖະມົນຕີກະຊວງການຕ່າງປະເທດ, ໄດ້ຕາງໜ້າໃຫ້ລັດຖະບານ ແລະ ປະຊາຊົນ ລາວ ມອບເງິນຊ່ວຍເຫລືອຈຳນວນ 100.000 ໂດລາສະຫະລັດໃຫ້ແກ່ປະຊາຊົນຍີ່ປຸ່ນ, ທີ່ໄດ້ຮັບຜົນກະທົບຈາກໄພພິບັດທາງທໍາມະຊາດນໍ້າຖ້ວມ ແລະ ດິນເຈື່ອນຢູ່ພາກຕາເວັນຕົກຂອງປະເທດໃນຕົ້ນເດືອນກໍລະກົດທີ່ຜ່ານມາ. ຕາງໜ້າລັດຖະບານຍີ່ປຸ່ນຮັບໂດຍທ່ານ ຕາເກຊິ ຮິກິຮາຣະ ເອກອັກຄະຣາຊະທູດຍີ່ປຸ່ນປະຈຳລາວ.

ໃນໂອກາດນີ້, ທ່ານນາງ ຄຳເພົາ ເອີນທະວັນ ໄດ້ສະແດງຄວາມເສົ້າສະຫລົດໃຈຢ່າງສຸດຊຶ້ງຕໍ່ຄອບຄົວຜູ້ເສຍຊີວິດ ແລະ ຜູ້ໄດ້ຮັບຜົນກະທົບຈາກເຫດການດັ່ງກ່າວ, ພ້ອມທັງສະແດງຄວາມຫວັງວ່າ​ໃນ​ການຊ່ວຍເຫລືອຄັ້ງນີ້, ຈະເປັນສ່ວນໜຶ່ງໃນການປະກອບສ່ວນຊ່ວຍເຫລືອແບ່ງເບົາຄວາມທຸກໂສກຂອງບັນດາຜູ້ປະສົບໄພ ແລະ ກໍເປັນການສະແດງໃຫ້ເຫັນເຖິງນໍ້າໃຈມິດຕະພາບ ແລະ ຄວາມສາມັກຄີຮັກແພງຂອງປະຊາຊົນລາວຕໍ່ປະຊາຊົນຍີ່ປຸ່ນ ແລະ ເຊື່ອໝັ້ນວ່າພາຍໃຕ້ການຊີ້ນໍາ-ນໍາພາຂອງລັດຖະບານຍີ່ປຸ່ນ ບວກກັບຄວາມສາມັກຄີເປັນຈິດໜຶ່ງໃຈດຽວຂອງປະຊາຊົນຍີ່ປຸ່ນ, ຜູ້ປະສົບໄພ ຈະຜ່ານຜ່າວິກິດການນີ້ໄປໄດ້ດ້ວຍດີ ແລະ ຂໍໃຫ້ຜູ້ປະສົບໄພໃນຄັ້ງນີ້, ຈົ່ງເຂັ້ມແຂງ ແລະ ມີກຳລັງໃຈໃນການຕໍ່ສູ້ເພື່ອໃຫ້ສະພາບການດໍາລົງຊີວິດກັບຄືນສູ່ສະພາບປົກກະຕິໂດຍໄວ.

ໃນໂອກາດດຽວກັນ, ທ່ານທູດ ຕາເກຊິ ຮິກິຮາຣະ ກໍໄດ້ສະແດງຄວາມຂອບໃຈມາຍັງລັດຖະບານລາວ ທີ່ໄດ້ມອບເງິນຈຳນວນດັ່ງກ່າວ, ເພື່ອຊ່ວຍເຫລືອປະຊາຊົນຍີ່ປຸ່ນ ທີ່ໄດ້ຮັບຜົນກະທົບຈາກໄພພິບັດທາງທຳມະຊາດໃນຄັ້ງນີ້, ​ເຊິ່ງເປັນການສະແດງໃຫ້ເຫັນເຖິງນໍ້າໃຈມິດຕະພາບ ແລະ ຄວາມສາມັກຄີຮັກແພງລະຫວ່າງລັດຖະບານລາວ ແລະ ຍີ່ປຸ່ນ ກໍຄືປະຊາຊົນສອງຊາດນັບມື້ງອກງາມຍິ່ງໆຂຶ້ນ.

- Wave100S AD to Website 2020 0 - ລັດຖະບານລາວມອບເງິນຊ່ວຍເຫລືອປະຊາຊົນຍີ່ປຸ່ນທີ່ໄດ້ຮັບຜົນກະທົບຈາກໄພທຳມະຊາດ
- WhatsApp Image 2020 05 27 at 5 - ລັດຖະບານລາວມອບເງິນຊ່ວຍເຫລືອປະຊາຊົນຍີ່ປຸ່ນທີ່ໄດ້ຮັບຜົນກະທົບຈາກໄພທຳມະຊາດ
- WhatsApp Image 2020 05 27 at 5 - ລັດຖະບານລາວມອບເງິນຊ່ວຍເຫລືອປະຊາຊົນຍີ່ປຸ່ນທີ່ໄດ້ຮັບຜົນກະທົບຈາກໄພທຳມະຊາດ
error: Alert: ເນື້ອຫາຂ່າວມີລິຂະສິດ !!