ຄະນະສະມາຄົມນັກທຸລະກິດໜຸ່ມລາວເດີນທາງເຂົ້າຮ່ວມກອງປະຊຸມສະມາຄົມນັກທຸລະກິດໜຸ່ມອາຊຽນ-ຈີນທີ່ໜານນິງ

- youth business - ຄະນະສະມາຄົມນັກທຸລະກິດໜຸ່ມລາວເດີນທາງເຂົ້າຮ່ວມກອງປະຊຸມສະມາຄົມນັກທຸລະກິດໜຸ່ມອາຊຽນ-ຈີນທີ່ໜານນິງ
- Untitled design - ຄະນະສະມາຄົມນັກທຸລະກິດໜຸ່ມລາວເດີນທາງເຂົ້າຮ່ວມກອງປະຊຸມສະມາຄົມນັກທຸລະກິດໜຸ່ມອາຊຽນ-ຈີນທີ່ໜານນິງ

ໃນວັນທີ 25 ກັນຍານີ້, ຄະນະສະມາຄົມນັກທຸລະກິດໜຸ່ມແຫ່ງຊາດລາວ 11 ທ່ານໄດ້ເດີນທາງເຂົ້າຮ່ວມກອງປະຊຸມສະມາຄົມນັກທຸລະກິດໜຸ່ມອາຊຽນ-ຈີນທີ່ເມືອງໜານໜິງ ສປຈີນ ໃນລະຫວ່າງວັນທີ 25-29 ກັນຍານີ້,  ເຊິ່ງໄດ້ຈັດຂຶ້ນທຸກໆປີໝູນວຽນກັນເປັນເຈົ້າພາບພາຍໃນປະເທດອາຊຽນ-ຈີນ.

ທ່ານ ຄຳແສນ ສີສະວົງ ປະທານສະມາຄົມນັກທຸລະກິດໜຸ່ມແຫ່ງຊາດລາວ ໄດ້ໃຫ້ສຳພາດຕໍ່ສື່ມວນຊົນວ່າ: ກອງປະຊຸມຄັ້ງນີ້, ຈັດຂຶ້ນເພື່ອເພີ່ມທະວີການຮ່ວມມືທາງດ້ານພັດທະນາເສດຖະກິດ, ການລົງທຶນພາຍໃນປະເທດອາຊຽນ ແລະ ຈີນ ແລະ ພິເສດແມ່ນຈະໄດ້ຄູ່ຮ່ວມພັດທະນາທາງດ້ານການຄ້າດ້ວຍກັນຢູ່ພາຍໃນປະເທດອາຊຽນ-ຈີນ, ພ້ອມທັງດຶງດູດເອົາການຮ່ວມມືໃຫ້ຫລາຍຂຶ້ນ.

ທ່ານ ຄຳແສນ ສີສະວົງ ໃຫ້ຮູ້ຕື່ມວ່າ: ປັດຈຸບັນ, ສະມາຄົມນັກທຸລະກິດໜຸ່ມແຫ່ງ ສປປ ລາວ ໄດ້ມີການປັບປຸງໃນຫລາຍດ້ານ ແລະ ມີ 5 ໂຄງການໃຫຍ່ທີ່ກຳລັງສ້າງຕັ້ງຂຶ້ນມາ ເຊັ່ນ: ໂຄງການສ້າງທະນາຄານສົ່ງເສີ່ມຜູ້ປະກອບການໜຸ່ມ, ພ້ອມທັງຈະດຶງດູດເອົາບັນດາປະເທດອາຊຽນ ແລະ ຈີນ ເຂົ້າມາຮ່ວມ, ໂຄງການສ້າງເຂດເສດຖະກິດຂອງຜູ້ປະກອບການໜຸ່ມອາ ຊຽນ-ຈີນ, ໂຄງການສ້າງສູນສົ່ງເສີມຜູ້ປະກອບການ ຫລື ສູນພັດທະນາຜູ້ປະກອບການທຸລະກິດທີ່ມີຢູ່ ແລະ ສ້າງທຸລະກິດໃໝ່, ຝຶກອົບຮົມການບໍລິຫານຈັດການແບບໃໝ່, ໂຄງການສ້າງສູນພັດທະນາການທ່ອງທ່ຽວແບບໃໝ່ ຕິດພັນກັບການສ້າງບຸກຄະລະກອນໃນການຮັບໃຊ້ໃນອຸດສາຫະກຳການທ່ອງທ່ຽວ ຈະເປີດຫ້ອງການສູນຢູ່ແຂວງຫລວງພະບາງ ແລະ ໂຄງການສ້າງສູນພົບປະນັກທຸລະກິດໜຸ່ມໃນນະຄອນຫລວງວຽງຈັນ, ເຊິ່ງເປົ້າໝາຍຫລັກແມ່ນດຶງດູດຄວາມສາມັກຄີຂອງຜູ້ປະກອບການໜຸ່ມ, ພ້ອມທັງສ້າງຄວາມເຂັ້ມແຂງໃຫ້ຜູ້ປະກອບການໜຸ່ມສາມາດແຂ່ງຂັນກັບສາກົນໄດ້ ແລະ ຊຸກຍູ້ສົ່ງເສີມ, ປຸກລະດົມໃຫ້ຊາວໜຸ່ມລາວທີ່ບໍ່ມີວຽກເຮັດງານທຳໃຫ້ຫັນມາເປັນຜູ້ປະກອບການ ຫລື ເປັນເຈົ້າຂອງທຸລະກິດຈາກລະດັບນ້ອຍໆຂຶ້ນຫາໃຫຍ່ໄດ້.

- Wave100S AD to Website 2020 0 - ຄະນະສະມາຄົມນັກທຸລະກິດໜຸ່ມລາວເດີນທາງເຂົ້າຮ່ວມກອງປະຊຸມສະມາຄົມນັກທຸລະກິດໜຸ່ມອາຊຽນ-ຈີນທີ່ໜານນິງ

 

- WhatsApp Image 2020 05 27 at 5 - ຄະນະສະມາຄົມນັກທຸລະກິດໜຸ່ມລາວເດີນທາງເຂົ້າຮ່ວມກອງປະຊຸມສະມາຄົມນັກທຸລະກິດໜຸ່ມອາຊຽນ-ຈີນທີ່ໜານນິງ
- WhatsApp Image 2020 05 27 at 5 - ຄະນະສະມາຄົມນັກທຸລະກິດໜຸ່ມລາວເດີນທາງເຂົ້າຮ່ວມກອງປະຊຸມສະມາຄົມນັກທຸລະກິດໜຸ່ມອາຊຽນ-ຈີນທີ່ໜານນິງ
error: Alert: ເນື້ອຫາຂ່າວມີລິຂະສິດ !!