ຄົບຮອບ 40 ປີ ເດັກຫລອດແກ້ວຄົນທຳອິດຂອງໂລກ

- advert banner 728 90 728x90 - ຄົບຮອບ 40 ປີ ເດັກຫລອດແກ້ວຄົນທຳອິດຂອງໂລກ

ໃນເດືອນກໍລະກົດ 40 ປີຜ່ານມາ ເດັກຫລອດແກ້ວຄົນທຳອິດໄດ້ມືນຕາເບິ່ງໂລກທ່າມກາງຄວາມດີໃຈ, ຄວາມຕື່ນເຕັ້ນ ແລະ ຄວາມບໍ່ເຊື່ອໃຈ ແລະ ແນ່ນອນວ່າ ເຕັກໂນໂລຊີ IVF ເຊິ່ງໃຊ້ໃນຂະບວນການປະຕິສົນທິພາຍນອກຮ່າງກາຍໄດ້ປ່ຽນໂສມໜ້າໂລກທີ່ເຮົາອາໄສຢູ່ຢ່າງບໍ່ເຄີຍເປັນມາກ່ອນ.

ຊັລລີ ເຊສເຊຍ ປະທານອົງກອນຄວບຄຸມດູແລຜູ້ປະຕິບັດດ້ານໂຕອ່ອນມະນຸດ ແລະ ການຈະເລີນພັນແຫ່ງຊາດອັງກິດ(UK Human fertilization And Embryology Authority) ກ່າວວ່າ : ຕັ້ງແຕ່ນັ້ນເປັນຕົ້ນມາມີເດັກຫລາຍລ້ານຄົນທີ່ເກີດມາໃນ ໂລກນີ້ດ້ວຍເຕັກໂນໂລຊີທີ່ເອີ້ນວ່າ ເດັກຫລອດແກ້ວ ແລະ ຜູ້ຄົນທີ່ບໍ່ສາມາດມີລູກໄດ້ຕາມທຳມະຊາດກໍໄດ້ມີລູກສົມໃຈຢາກ.

ການເກີດຂອງເດັກນ້ອຍ ຫລຸຍ ບຣາວ ໃນປີ 1978 ຖືກເບິ່ງດ້ວຍສາຍຕາແຫ່ງຄວາມສົງໄສ ແລະ ຫວາດລະແວງ, ມີຄົນບາງກຸ່ມເບິ່ງວ່າ ເຕັກໂນໂລຊີເດັກຫລອດແກ້ວຫລຸດຄ່າຄວາມເປັນມະນຸດ.

ຢູ່ທີ່ພິພິດຕະພັນວິທະຍາສາດໃນນະຄອນຫລງລອນດອນ ມີງານນິເທດສະການທີ່ເອີ້ນວ່າ : “ເຕັກໂນໂລຊີ IVF ກັບແອນ້ອຍ ອີກ 6 ລ້ານຄົນຕໍ່ມາ” (IVF : Six Million Babies Later) ໄດ້ນຳເອົາສິ່ງຂອງສ່ວນໂຕຂອງ ຫລຸຍ ບຣາວ ທີ່ທາງພິພິດຕະພັນຂໍຢືມມາຈັດສະແດງໃນງານນຳອີກ.

ຄອນນີ່ ອໍບາກ ເຈົ້າໜ້າທີ່ຜູ້ດູແລພິພິດຕະພັນວິທະຍາສາດນະຄອນຫລວງລອນດອນ ກ່າວວ່າ : ໃນນິທັດສະການຈັດສະແດງປ້າຍຊື່ເດັກນ້ອຍເກີດໃໝ່ ແລະ ປອກແຂນຫລາຍອັນທີ່ແອນ້ອຍຫລຸຍ ບຣາວ ແລະ ເລສລີ່ ໃສ່ໃຫ້ຫລັງເກີດໃນໂຮງໝໍ ເຊິ່ງຕົນເອງເບິ່ງວ່າສ້າງຄວາມອ່ອນໄຫວທາງອາລົມ ແລະເຕັມປ່ຽມໄປດ້ວຍຄວາມຮັກ.

ປະເມີນວ່າມີເດັກຫລອດແກ້ວເກີດປີລະ 350.000 ຄົນທົ່ວໂລກ ແລະ ແນ່ນອນວ່າມີຄົນທີ່ບໍ່ສົມຫວັງນຳ ເພາະປະມານ 70% ຂອງເຕັກໂນໂລຊີເດັກຫລອດແກ້ວບໍ່ປະສົບຜົນສຳເລັດ.

- 1 1 - ຄົບຮອບ 40 ປີ ເດັກຫລອດແກ້ວຄົນທຳອິດຂອງໂລກ
- Tiger Head 728x90 - ຄົບຮອບ 40 ປີ ເດັກຫລອດແກ້ວຄົນທຳອິດຂອງໂລກ

ນາງ ເອັມມ່າ ເລກ ເປັນໜຶ່ງໃນຄົນທີ່ໄດ້ຮັບຂ່າວຮ້າຍວ່າບໍ່ສາມາດມີລູກໄດ້ຜ່ານ IVF. ນາງໄດ້ກ່າວວ່າ : ໝູ່ທຸກຄົນຂອງນາງຕອນນີ້ມີລູກກັນໝົດແລ້ວ ເຮັດໃຫ້ນາງຮູ້ສຶກວ່າຕົນເອງນຳໝູ່ບໍ່ທັນ ເພາະມີລູກບໍ່ໄດ້.

ແນວໃດກໍຕາມ, ການວິໄຈເດັກຫລອດແກ້ວອາດຈະນຳໄປສູ່ຄວາມຄືບໜ້າສຳຄັນໆໃນອະນາຄົດທີ່ອາດຈະຊ່ວຍໃຫ້ຄົນທີ່ມີລູກ ຍາກໃຫ້ສາມາດມີລູກໄດ້.

ທ່ານ ຢາຄູບ ຄາລາບ ອາຈານດ້ານການຈະເລີນພັນ ກ່າວວ່າ : ຄວາມກ້າວໜ້າທີ່ທຸກຄົນຢາກໃຫ້ເກີດຂຶ້ນກັບເຕັກໂນໂລຊີເດັກ ຫລອດແກ້ວແມ່ນຄວາມຄືບໜ້າທາງວິທະຍາສາດທີ່ຊ່ວຍໃຫ້ສາມາດສ້າງໄຂ່ ແລະ ອະສຸຈິທຽມ ຫລື ທີ່ສ້າງຈາກສະເຕັມແຊນໄດ້ ສຳເລັດ.

ບັນດານັກວິທະຍາສາດກ່າວວ່າ : ເຕັກໂນໂລຊີເດັກຫລອດແກ້ວທີ່ຊ່ວຍໃຫ້ເດັກນ້ອຍຫລຸຍ ບຣາວ ເກີດມາໃນໂລກນີ້ໄດ້ເມື່ອ 40 ປີກ່ອນ ຈະຊ່ວຍໃຫ້ມີເດັກນ້ອຍຄົນໃໝ່ເກີດຂຶ້ນໄດ້ໃນໂລກອີກປະມານ 400 ລ້ານຄົນ ພາຍໃນທ້າຍ ຄ.ສ ນີ້.

error: Content is protected !!