ຂໍ້ແນະນຳເບື້ອງຕົ້ນຫາກພົບເຫັນຄົນຖືກທຳຮ້າຍ

- 042609 2018 - ຂໍ້ແນະນຳເບື້ອງຕົ້ນຫາກພົບເຫັນຄົນຖືກທຳຮ້າຍ
- Untitled design - ຂໍ້ແນະນຳເບື້ອງຕົ້ນຫາກພົບເຫັນຄົນຖືກທຳຮ້າຍ

ຖ້າຫາກມື້ໃດມື້ໜຶ່ງທີ່ທ່ານໄປພົບເຫັນ ຫລື ຢູ່ໃນເຫດການນັ້ນແທ້ໆ ທ່ານຈະມີວິທີໃຫ້ຄວາມຊ່ວຍເຫລືອເບື້ອງຕົ້ນແກ່ຜູ້ທີ່ກຳ ລັງຖືກທຳຮ້າຍແນວໃດ ? ມື້ນີ້ພວກເຮົາມີຂໍ້ແນະນຳໃນການເຂົ້າຊ່ວຍເຫລືອ ຫາກພົບເຫັນຄົນຖືກທຳຮ້າຍມາແນະນຳທ່ານ.

- Wave100S AD to Website 2020 0 - ຂໍ້ແນະນຳເບື້ອງຕົ້ນຫາກພົບເຫັນຄົນຖືກທຳຮ້າຍ
  1. ຕັ້ງສະຕິ ປະເມີນສະຖານະການ : ຫາກພົບເຫັນຄົນກຳລັງຖືກທຳຮ້າຍ ບໍ່ວ່າຈະໄວໃດ ຫລື ເພດໃດກໍຕາມ ຄວນຢຸດ ແລະໃຫ້ຄວາມຊ່ວຍເຫລືອ ໂດຍການປະເມີນເບິ່ງສະຖານະການກ່ອນວ່າຜູ້ທີ່ກຳລັງລົງມືທຳຮ້າຍມີອາວຸດ ເຊັ່ນ : ມີດ, ສິ່ງຂອງມີຄົມ ຫລື ປືນຕິດໂຕຫລືບໍ່ ເພາະວ່າເຮົາຕ້ອງນຶກເຖິງຄວາມປອດໄພຂອງໂຕເຮົາເອງນຳວ່າຈະບໍ່ເກີດຄວາມສູນເສຍໄປຫລາຍກ່ວາການທຳຮ້າຍຮ່າງກາຍກັນ.
  2. ໂທແຈ້ງເຈົ້າໜ້າທີ່ຕຳຫລວດ, ເອີ້ນໜ່ວຍກູ້ໄພ ຫລື ເອີ້ນລົດໂຮງໝໍ : ໃນກໍລະນີທີ່ພົບເຫັນເຫດການຄົນຖືກທຳຮ້າຍ, ແຕ່ປະ ເມີນເບື້ອງຕົ້ນແລ້ວວ່າບໍ່ສາມາດເຂົ້າຊ່ວຍເຫລືອໄດ້ດ້ວຍຕົນເອງ ໃຫ້ໂທແຈ້ງເຈົ້າໜ້າທີ່ຕຳຫລວດໃຫ້ໄວທີ່ສຸດ ເພື່ອບໍ່ໃຫ້ສະຖານະ ການບານປາຍ ຫລື ເກີດຄວາມສູນເສຍໃນພາຍຫລັງ ຫລື ໃນກໍລະນີທີ່ຜູ້ຖືກທຳຮ້າຍໄດ້ຮັບບາດເຈັບສາຫັດຫລາຍກໍໃຫ້ໂທເອີ້ນ ໜ່ວຍກູ້ໄພ ຫລື ລົດໂຮງໝໍມານຳ ເພື່ອໃຫ້ໄດ້ຮັບການປະຖົມພະຍາບານເບື້ອງຕົ້ນກ່ອນ.
  3. ຂໍຄວາມຊ່ວຍເຫລືອຈາກຜູ້ອື່ນຮ່ວມນຳ : ຫາກພົບເຫັນເຫດການຄົນຖືກທຳຮ້າຍ ເຮົາບໍ່ຄວນນິ້ງເສີຍ ຢືນເບິ່ງ ຫລື ຍ່າງຜ່ານໄປ ແມ່ນແຕ່ໃນກໍລະນີທີ່ພົບເຫັນເຫດການນັ້ນພຽງລຳພັງ ແລ້ວສະຖານະການນັ້ນບໍ່ສາມາດຄວບຄຸມໄດ້ດ້ວຍໂຕຄົນດຽວ ແນະນຳວ່າໃຫ້ໄປຂໍຄວາມຊ່ວຍເຫລືອຈາກຄົນອື່ນຮ່ວມນຳ ເພາະຖ້າເຮົາວູ່ວາມເຂົ້າໄປຊ່ວຍຄົນດຽວອາດຈະເຮັດໃຫ້ຖືກລູກຫລົງໄດ້ ຢ່າງໜ້ອຍກໍຍັງເຮັດໃຫ້ມີຈຳນວນຄົນທີ່ສາມາດເຂົ້າມາເປັນພະຍານຕື່ມໄດ້.
  4. ເຂົ້າໄປຫ້າມ ແລະ ເຈລະຈາໄກ່ເກ່ຍໃຫ້ : ຂໍ້ນີ້ຕ້ອງອາໄສທັງສະຕິ ແລະ ຄວາມກ້າຮ່ວມນຳເປັນຢ່າງຍິ່ງ, ແຕ່ຫາກປະເມີນສະຖານະການແລ້ວວ່າຄົນຮ້າຍບໍ່ມີອາວຸດຕິດໂຕ ເຊິ່ງເຮົາສາມາດເຂົ້າໄປຊ່ວຍເຫລືອໄດ້ທັນທີ ໂດຍເບື້ອງຕົ້ນແມ່ນການເຂົ້າໄປແຍກໂຕຄົນກະທຳອອກຈາກຄົນທີ່ຖືກທຳຮ້າຍຮ່າງກາຍ ເພື່ອບໍ່ໃຫ້ຜູ້ຖືກກະທຳບາດເຈັບສາຫັດໜັກໄປກ່ວາເກົ່າ ຫລື ອີກກໍລະນີທີ່ເຮົາສາມາດເຂົ້າໄປໄກ່ເກ່ຍໃຫ້ເລື່ອງລາວຍຸດຕິລົງໄດ້ ກໍເປັນສິ່ງທີ່ຄວນໃຫ້ຄວາມຊ່ວຍເຫລືອເພື່ອນມະນຸດດ້ວຍກັນ.
- WhatsApp Image 2020 05 27 at 5 - ຂໍ້ແນະນຳເບື້ອງຕົ້ນຫາກພົບເຫັນຄົນຖືກທຳຮ້າຍ
- WhatsApp Image 2020 05 27 at 5 - ຂໍ້ແນະນຳເບື້ອງຕົ້ນຫາກພົບເຫັນຄົນຖືກທຳຮ້າຍ
error: Alert: ເນື້ອຫາຂ່າວມີລິຂະສິດ !!