ວິທີຈັດການບັນຫາໝູ່ໃຊ້ຄຳເວົ້າຮຸນແຮງ ແຕ່ເກງໃຈບໍ່ກ້າບອກ

- 012609 2018 - ວິທີຈັດການບັນຫາໝູ່ໃຊ້ຄຳເວົ້າຮຸນແຮງ ແຕ່ເກງໃຈບໍ່ກ້າບອກ
- Untitled design - ວິທີຈັດການບັນຫາໝູ່ໃຊ້ຄຳເວົ້າຮຸນແຮງ ແຕ່ເກງໃຈບໍ່ກ້າບອກ

ມື້້ນີ້ພວກເຮົາມີເຄັດລັບການຈັດການບັນຫາໝູ່ໃຊ້ຄຳເວົ້າຮຸນແຮງ ຈົນເຮັດໃຫ້ເຮົາຮູ້ສຶກບໍ່ດີ, ແຕ່ກໍເກງໃຈບໍ່ກ້າບອກ ຍ້ອນວ່າເປັນໝູ່ກັນ.

ຍ້ອນຄຳເວົ້າໃຊ້ທຳຮ້າຍຄົນໄດ້ງ່າຍກ່ວາການລົງໄມ້ລົງມື ເຮົາເຊື່ອວ່າມັນຕ້ອງມີແນ່ສຳລັບໄວໜຸ່ມທີ່ມັກມີໝູ່ເປັນຄົນໃຊ້ຄຳເວົ້າແຮງໆຈົນຕິດເປັນນິໄສປະຈຳໂຕ ເຊິ່ງເວລາເວົ້າຢອກຫລິ້ນກັບເຮົາໃນບາງເທື່ອມັນກໍອາດຈະເຮັດໃຫ້ເຮົາຮູ້ສຶກບໍ່ດີໄດ້, ແຕ່ກໍບໍ່ຮູ້ວ່າຈະຈັດການແນວໃດກັບບັນຫານີ້ໄດ້ ເພາະເກງໃຈກັບຄຳວ່າໝູ່.

ຖ້າທ່ານກຳລັງມີມີບັນຫານີ້ຢູ່ຕໍ່ໄປນີ້ແມ່ນເຄັດລັບທີ່ອາດຊ່ວຍທ່ານໄດ້.

– ຕໍ່ລອງກັນກ່ອນວ່າໃຫ້ຫລຸດຄວາມແຮງລົງແດ່ ກ່ອນບັນຫາຈະເກີດ : ລອງລົມໃນແບບຫລິ້ນໆ ແຕ່ຈິງຈັງວ່າ ໃຫ້ຫລຸດຄວາມແຮງຂອງຄຳເວົ້າລົງແດ່ ເພາະຖ້າເວົ້າໄປດົນໆມັນອາດຈະເຖິງຈຸດເດືອດ ແລະ ແຕກຫັກກັນໄດ້ ເຊິ່ງແນະນຳວ່າໃຫ້ໃຊ້ຄຳເວົ້າໃນດ້ານຈິດຕະວິທະຍາວ່າບໍ່ໃຫ້ອີກຝ່າຍຮູ້ສຶກຜິດຢູ່ຝ່າຍດຽວ ຈົນຮູ້ສຶກບໍ່ດີ, ພະຍາຍາມເວົ້າແບບເປັນກາງໃຫ້ໄດ້ ເຊິ່ງຈະຊ່ວຍໃຫ້ເຮົາຫລີກເວັ້ນການມີບັນຫາ ແລະ ການປະທະໃນພາຍໜ້າໄດ້ຢ່າງບໍ່ຜິດໃຈກັນ.

- Wave100S AD to Website 2020 0 - ວິທີຈັດການບັນຫາໝູ່ໃຊ້ຄຳເວົ້າຮຸນແຮງ ແຕ່ເກງໃຈບໍ່ກ້າບອກ

– ຖ້າບໍ່ຢຸດ ກໍເວົ້າກົງໆກັນໄປເລີຍ : ເຖິງວ່າເຮົາອາດຈະໃຊ້ວິທີເບົາໆ ຖະໜອມນຳ້ໃຈໄປແລ້ວ, ແຕ່ຍັງບໍ່ເກີດຜົນ ກໍຕ້ອງເຂົ້າລົມກັນກົງໆ ເພື່ອກຳຈັດບັນຫາໄປເລີຍ ວ່າເຮົາບໍ່ມັກໃຫ້ໃຊ້ຄຳເວົ້າແບບນີ້ ຄວນປ່ຽນວິທີການລົມກັນໃໝ່ ເພາະຖ້າສະສົມໄປເລື້ອຍໆໃນຕອນສຸດທ້າຍມັນກໍຄືກັບການລະເບີດເວລາ ແລ້ວຜິດກັນຈົນເຊົາຄົບ ຫລື ເຊົາເປັນໝູ່ກັນໄປເລີຍ.

– ຝຶກຄວາມໃຈເຢັນຂອງໂຕເອງ : ຖ້າເຮົາບັງຄັບໃຜບໍ່ໄດ້ ກໍໍປ່ຽນທີ່ໂຕເຮົາເອງໃຫ້ເບິ່ງວ່າຄຳເວົ້າບໍ່ດີຕ່າງໆເປັນພຽງແຕ່ສິ່ງສົມມຸດ ແລ້ວພະຍາຍາມຢຸດຄວາມຄິດທີ່ປຸງແຕ່ງວ່າມັນຈະເຂົ້າມາທຳຮ້າຍຈິດໃຈຂອງເຮົາ ໃຫ້ເປັນພຽງແຕ່ຄຳເວົ້າທຳມະດາທີ່ບໍ່ໄດ້ສົ່ງຜົນຫຍັງກັບໂຕເຮົາ, ຢ່າໄປຍຶດຕິດກັບຄຳເວົ້າທີ່ບໍ່ດີຂອງຄົນອື່ນ ເຊັ່ນ : ເມື່ອເຂົາເວົ້າຫຍັງມາກໍໍປ່ອຍໄປ, ຢ່າໄປສົນໃຈຄຳເວົ້ານັ້ນ ຫລື ອາດຈະເຮັດທຳທ່າບໍ່ໄດ້ຍິນ, ບໍ່ສົນໃຈໄປເລີຍກໍໄດ້.

- WhatsApp Image 2020 05 27 at 5 - ວິທີຈັດການບັນຫາໝູ່ໃຊ້ຄຳເວົ້າຮຸນແຮງ ແຕ່ເກງໃຈບໍ່ກ້າບອກ
- WhatsApp Image 2020 05 27 at 5 - ວິທີຈັດການບັນຫາໝູ່ໃຊ້ຄຳເວົ້າຮຸນແຮງ ແຕ່ເກງໃຈບໍ່ກ້າບອກ
error: Alert: ເນື້ອຫາຂ່າວມີລິຂະສິດ !!