ສະຫວັນນະເຂດ-ມຸກດາຫານ ຫາລືກຽມງານຊ່ວງເຮືອສອງຝັ່ງຂອງ ປະຈຳປີ ພສ 2561

- 952 1 - ສະຫວັນນະເຂດ-ມຸກດາຫານ ຫາລືກຽມງານຊ່ວງເຮືອສອງຝັ່ງຂອງ ປະຈຳປີ ພສ 2561
- Untitled design - ສະຫວັນນະເຂດ-ມຸກດາຫານ ຫາລືກຽມງານຊ່ວງເຮືອສອງຝັ່ງຂອງ ປະຈຳປີ ພສ 2561

ກອງປະຊຸມພົບປະລະ ຫວ່າງຄະນະຜູ້ແທນ ແຂວງ ສະຫວັນນະເຂດ ແລະ ຈັງຫວັດ ມຸກດາຫານ ຣາຊະອານາຈັກ ໄທ ເພື່ອກະກຽມຈັດງານບຸນ ອອກພັນສາ ປະວໍລະນາ ແລະ ຊ່ວງເຮືອສອງຝັ່ງຂອງ ປະຈຳ ປີ ພສ 2561 ໄດ້ຈັດຂຶ້ນທີ່ ຫ້ອງ ວ່າການນະຄອນ ໄກສອນ ພົມວິຫານ, ໂດຍການເຂົ້າຮ່ວມ ເປັນປະທານຂອງ ທ່ານ ຄຳພູນ ຕຸໄພທູນ ຮອງເຈົ້າແຂວງສະ ຫວັນນະເຂດ, ທ່ານ ເພີ່ມສັກ ສະວິຣັກຮອງຜູ້ວ່າ ຣາຊະການ ຈັງຫວັດມຸກດາຫານ, ພ້ອມ ດ້ວຍຄະນະຮັບຜິດຊອບໃນ ດ້ານຕ່າງໆ ຂອງທັງສອງຝ່າຍ.

 

ນະຄອນຫລວງພະບາງຈັດງານ ຊ່ວງເຮືອບຸນຫໍ່ເຂົ້າປະດັບດິນ2018/

ຄວັນຫລົງໃນງານບຸນອອກພັນສາ ແລະ ຊ່ວງເຮືອປະເພນີ2017/

ໃນພິທີທ່ານຄຳພູນ ຕຸໄພທູນ ໃນນາມເຈົ້າພາບຈັດກອງ ປະຊຸມຄັ້ງນີ້ ກໍໄດ້ລາຍງານ ແຜນການຈັດງານໂດຍສະ ເພາະງານບຸນ ອອກພັນສາປະ ວໍລະນາ ແລະ ຊ່ວງເຮືອສອງ ຝັ່ງຂອງທີ່ເຄີຍ ໄດ້ຈັດຮ່ວມກັນ ມາເປັນເວລາຍາວນານສົມ ຄວນ, ເຊິ່ງໃນປີນີ້ທາງ ແຂວງ ສະຫວັນນະເຂດກໍຄືນະຄອນ ໄກສອນ ພົມວິຫານ ໄດ້ກຳ ນົດເອົາມື້ຈັດງານຄື: ເລີ່ມແຕ່ ວັນທີ 20-25 ຕຸລານີ້ ໂດຍມີ ການຄົບງັນຢູ່ບໍລິເວນແຄມ ຂອງ, ສ່ວນການແຂ່ງຂັນເຮືອ ຊ່ວງ ແມ່ນຈະໄດ້ຈັດຂຶ້ນໃນວັນ ທີ 24-25 ຕຸລາ.

ສ່ວນການໄປຮ່ວມງານ ຢູ່ ຈັງຫວັດມຸກດາຫານຂອງຄະ ນະຜູ້ແທນ ແລະ ປະຊາຊົນ ທົ່ວໄປ ແມ່ນໄດ້ກຳນົດເອົາ ວັນທີ 22 ຕຸ ລາ, ສຳລັບຜູ້ແທນ ໄປຮ່ວມງານມີຈຳນວນ 20 ທ່ານ, ແມ່ນໃຊ້ ບັດ VIP , ພ້ອມ ດ້ວຍຜູ້ຕິດຕາມອີກ 30 ທ່ານ ແມ່ນໃຊ້ບັດຕິດຖົງເສື້ອທີ່ທາງ ຄະນະກຳມະການໄດ້ກຳນົດ ໄວ້, ເຊິ່ງນຳໃຊ້ເຮືອບັກເປັນ ພາຫະນະ.

- Wave100S AD to Website 2020 0 - ສະຫວັນນະເຂດ-ມຸກດາຫານ ຫາລືກຽມງານຊ່ວງເຮືອສອງຝັ່ງຂອງ ປະຈຳປີ ພສ 2561

ໃນນັ້ນໄດ້ກຳນົດທ່າລົງບັກ ຄືຢູ່ທ່າເກົ່າແຖວໂຮງໝໍແຂວງ, ເລີ່ມເປີດໃຫ້ບໍລິການແຕ່ເວລາ 7:00 ໂມງຮອດ 17:00 ໂມງ, ເຊິ່ງລະບຽບການສ່ວນໃຫຍ່ ກໍ ເໝືອນໆກັບທຸກໆປີທີ່ຜ່ານມາ.

ສຳລັບຄະນະຜູ້ແທນ ແລະ ມວນຊົນຈັງຫວັດມຸກດາຫານ ຈະເດີນທາງມາຮ່ວມງານທີ່ ແຂວງສະຫວັນນະເຂດແມ່ນ ວັນທີ 25 ຕຸລາ.
ກອງປະຊຸມຄັ້ງນີ້ ທັງສອງ ຝ່າຍກໍໄດ້ມີການຕົກລົງເປັນ ເອກະພາບກັນເພື່ອຈະໄດ້ມີການ ຈັດງານຮ່ວມກັນ ແລະ ໃຫ້ປະ ຊາຊົນທັງສອງຝັ່ງໄດ້ມາຮ່ວມ ງານບຸນອອກພັນສາຮ່ວມກັນ ແລະ ຈະພ້ອມກັນຮັກສາຮີດ ຄອງປະເພນີອັນດີງານນີ້ໄວ້ສືບ ຕໍ່ໄປຈົນຊົ່ວລູກ, ຊົ່ວຫລານ./.

- 952 1 - ສະຫວັນນະເຂດ-ມຸກດາຫານ ຫາລືກຽມງານຊ່ວງເຮືອສອງຝັ່ງຂອງ ປະຈຳປີ ພສ 2561

- WhatsApp Image 2020 05 27 at 5 - ສະຫວັນນະເຂດ-ມຸກດາຫານ ຫາລືກຽມງານຊ່ວງເຮືອສອງຝັ່ງຂອງ ປະຈຳປີ ພສ 2561
- WhatsApp Image 2020 05 27 at 5 - ສະຫວັນນະເຂດ-ມຸກດາຫານ ຫາລືກຽມງານຊ່ວງເຮືອສອງຝັ່ງຂອງ ປະຈຳປີ ພສ 2561
error: Alert: ເນື້ອຫາຂ່າວມີລິຂະສິດ !!