IMF ເຕືອນປະເທດອາຊີເລັ່ງຮັບມືບັນຫາສັງຄົມຜູ້ອາຍຸສູງ

- 1494299315230 960x0 - IMF ເຕືອນປະເທດອາຊີເລັ່ງຮັບມືບັນຫາສັງຄົມຜູ້ອາຍຸສູງ
- Untitled design - IMF ເຕືອນປະເທດອາຊີເລັ່ງຮັບມືບັນຫາສັງຄົມຜູ້ອາຍຸສູງ

- 1494299315230 960x0 300x169 - IMF ເຕືອນປະເທດອາຊີເລັ່ງຮັບມືບັນຫາສັງຄົມຜູ້ອາຍຸສູງ     ​ໂຕ​ກຽວ 9 ພຶດສະພາ: ກອງ​ທຶນ​ການ​ເງິນ​ສາກົນ ຫລື IMF ອອກ​ລາຍ​ງານ​ເຕືອນ​ປະ​ເທດ​ໃນ​ພາກພື້ນອາຊີ​ກຽມ​ຮັບ​ມື​ບັນຫາ​ຈຳນວນ​ປະຊາກອນ​ອາຍຸ​ສູງ​ທີ່​ເພີ່ມ​ຂຶ້ນຢ່າງ​ວ່ອງ​ໄວ ກ່ອນ​ທຸກ​ຢ່າງ​ຈະ​ຊ້າ​ເກີນ​ໄປ.

IMF ​ເຜີຍ​ແຜ່​ລາຍ​ງານ​ມຸມ​ມອງ​ທາງ​ເສດຖະກິດ​ໃນ​ພາກພື້ນອາຊີ-ປາຊີ​ຟິກ ລະບຸ​ວ່າ: ອາຊີ​ໄດ້​ປະ​ໂຫຍ​ດຈາກ​ການ​ປັນ​ຜົນ​ທາງ​ປະຊາກອນ​ຕະຫລອດ​ຫລາຍ​ທົດ​ສະ​ວັດ​ຜ່ານ​ມາ, ​ແຕ່​ຈຳນວນ​ປະຊາກອນ​ຜູ້​ອາຍຸ​ສູງ​ທີ່​ພວມ​ເພີ່ມ​ຂຶ້ນຈະ​ເຮັດ​ໃຫ້​ເກີດ​ພາສີທາງ​ປະຊາກອນ​ໃນ​ດ້ານ​ການ​ເຕີບ​ໃຫຍ່​ຂອງ​ແຕ່ລະ​ປະ​ເທດ. ທັງ​ນີ້ ການ​ປັບ​ຮັບ​ການ​ເປັນ​ສັງຄົມ​ຜູ້​ອາຍຸ​ສູງ​ຍັງ​ເປັນ​ສິ່ງ​ທ້າ​ທາຍ​ສຳລັບ​ອາຊີ ​ເນື່ອງ​ຈາກ​ລາຍ​ຮັບ​ຕໍ່​ຫົວ​ຄົນ​ຂອງ​ປະຊາກອນ​ໃນ​ຫລາຍ​ປະ​ເທດ​ຕໍ່າ ສົ່ງ​ຜົນ​ໃຫ້​ກາຍ​ເປັນ​ຜູ້​ອາຍຸ​ສູງ​ກ່ອນ​ຈະ​ມີ​ຖານະ​ຮັ່ງມີ.

ລາຍ​ງານ​ເປີດ​ເຜີຍ​ອີກ​ວ່າ: ອັດຕາ​ການ​ເຕີບ​ໃຫຍ່​ຂອງ​ຈຳນວນ​ປະຊາກອນ​ຢູ່​ອາຊີ​ມີ​ທ່າ​ອ່ຽງຈະ​ຫລຸດ​ລົງ​ເຫລືອ​ສູນ​ພາຍ​ໃນ​ປີ 2050. ຂະນະ​ທີ່​ອັດຕາ​ສ່ວນ​ປະຊາກອນ​ໄວ​ເຮັດ​ວຽກ​ຈະ​ຫລຸດ​ລົງ​ຢ່າງ​ຕໍ່​ເນື່ອງ​ໃນຕໍ່ໜ້າ ສວນ​ທາງ​ກັບ​ປະຊາກອນ​ທີ່​ມີ​ອາຍຸ​​ແຕ່ 65 ປີ​ຂຶ້ນ​ໄປ ​ເຊິ່ງຈະ​ເພີ່ມ​ສູງ​ຂຶ້ນຢ່າງ​ວ່ອງ​ໄວ​ປະມານ 2,5 ທົບ​ຈາກ​ປັດຈຸບັນ​ພາຍ​ໃນ​ປີ 2050. ໝາຍ​ຄວາມ​ວ່າ: ການ​ປ່ຽນ​ແປງ​ທາງ​ປະຊາກອນ​ຈະ​ສົ່ງ​ຜົນ​ກະທົບ​ເຮັດ​ໃຫ້​ອັດຕາ​ການ​ຂະຫຍາຍຕົວ​ທາງ​ເສດຖະກິດ​ໂລກ​ຫລຸດ​ລົງ 0,1ຈຸດ​ຕໍ່​ປີ​ໃນ​ອີກ 3 ທົດ​ສະ​ວັດ​ຕໍ່ໜ້າ.

- Wave100S AD to Website 2020 0 - IMF ເຕືອນປະເທດອາຊີເລັ່ງຮັບມືບັນຫາສັງຄົມຜູ້ອາຍຸສູງ
- WhatsApp Image 2020 05 27 at 5 - IMF ເຕືອນປະເທດອາຊີເລັ່ງຮັບມືບັນຫາສັງຄົມຜູ້ອາຍຸສູງ
- WhatsApp Image 2020 05 27 at 5 - IMF ເຕືອນປະເທດອາຊີເລັ່ງຮັບມືບັນຫາສັງຄົມຜູ້ອາຍຸສູງ
error: Alert: ເນື້ອຫາຂ່າວມີລິຂະສິດ !!