EU ສ້າງໂຄງການແຂ່ງເສັ້ນທາງ ສາຍໄໝໃໝ່ຂອງຈີນໃນອາຊີ

- advert banner 728 90 728x90 - EU ສ້າງໂຄງການແຂ່ງເສັ້ນທາງ ສາຍໄໝໃໝ່ຂອງຈີນໃນອາຊີ

ສະຫະພາບ​ເອີຣົບ (EU) ກຽມ​ເປີດ​​ໂຄງການທາງ​ເລືອກ​ສຳລັບ​ອາຊີ ​ໂດຍ​ໂຄສະນາ​ວ່າ: ຈະ​ບໍ່​ເຮັດ​ໃຫ້​ປະ​ເທດ​ທີ່​ມີ​ໜີ້​ຢູ່​ແລ້ວ​ຕ້ອງ​ໃຊ້​ຈ່າຍ​ເງິນ​ຄືນ​ຈຳນວນ​ຫລາຍ. ຂະນະ​ທີ່​ມີ​ຂໍ້​ກັງວົນ​ຕໍ່​ໂຄງການ​ເສັ້ນທາງ​ສາຍ​ໄໝ​ໃໝ່​ຂອງ​ຈີນ ​ເຊິ່ງ​ເປັນ​ແຜນການ​ຄ້າ​ຂະໜາດ​ໃຫຍ່​ທີ່​ຈີນ​ໃຊ້​ເງິນ​ກູ້​ຈຳນວນ​ມະຫາສານ.

ຄາດ​ວ່າ​ປະ​ເທດ​ສະມາຊິກ EU ຈະ​ລົງ​ນາມ​ຂໍ້​ຕົກລົງ​ຍຸດ​ທະ​ສາດ​ເຊື່ອມ​ໂຍງ​ອາຊີ​ໃໝ່​ໃນ​ກອງ​ປະຊຸມ​ສຸດ​ຍອດ​ຜູ້ນຳ​ເອີຣົບ ​ແລະ ອາຊີ ​ເດືອນ​ໜ້າ ຕາມ​ໂຄງການ​ທີ່​ມີ​ຈຸດປະສົງ​ເພື່ອ​ປັບປຸງ​ລະບົບ​ຄົມມະນາຄົມ, ​ເຊື່ອມ​ໂຍງ​ດ້ານ​ດິຈິ​ຕອນ ​ແລະ ພະລັງງານ. ຂະນະ​ທີ່​ສົ່ງ​ເສີມ​ດ້ານ​ສິ່ງ​ແວດ​ລ້ອມ ​ແລະ ຍົກ​ລະດັບ​ມາດຕະຖານ​ແຮງ​ງານ. EU ຢືນຢັນ​ວ່າ: ​ໂຄງການ​ໃນ​ອາຊີ​ບໍ່​ໄດ້​ແຂ່ງ​ກັບປະ​ເທດ​​ໃດ, ຂະນະ​ທີ່​ມີຂຶ້ນ​ໄລຍະ​ດຽວ​ກັບ​ຈີນ​ໂຄສະນາ​ໂຄງການ​ເສັ້ນທາງ​ສາຍ​ໄໝ​ໃໝ່, ກໍ່ສ້າງ​ເສັ້ນທາງ​ລົດ​ໄຟ, ຖະໜົນ ​ແລະ ທ່າ​ເຮືອ​ເຊື່ອມ​ໂຍງ​ໄປ​ທົ່ວ​ໂລກ ​ໂດຍ​ຈີນ​ໃຫ້​ເງິນ​ກູ້​ຫລາຍ​ພັນ​ລ້ານ​ໂດ​ລາ. ທ່ານ ນາງ ​ເຟ​ເດຣິກາ ​ໂມ​ເກຣິນີ ຫົວໜ້າ​ຝ່າຍ​ຕ່າງປະ​ເທດ EU ກ່າວ​ວ່າ: ​ໄລຍະ​ຫລາຍ​ເດືອນ​ຜ່ານ​ມາ, EU ​ໄດ້​ເຈລະຈາ​ກັບປະ​ເທດ​ໃນ​ອາຊີ​ສ່ວນ​ໜຶ່ງ​ທີ່​ໃຫ້​ຄວາມ​ສົນ​ໃຈ​ເຂົ້າຮ່ວມ​ໂຄງການ​ຂອງ​ເອີຣົບ ​ເຊິ່ງມີ​ເປົ້າໝາຍ​ເພື່ອ​ສ້າງ​ວຽກ ​ແລະ ການ​ຂະຫຍາຍຕົວ​ທາງ​ເສດຖະກິດ ​ເພື່ອ​ຜົນ​ປະ​ໂຫຍ​ດຂອງ​ທ້ອງ​ຖິ່ນ.

- 1 1 - EU ສ້າງໂຄງການແຂ່ງເສັ້ນທາງ ສາຍໄໝໃໝ່ຂອງຈີນໃນອາຊີ
- lattana 1 - EU ສ້າງໂຄງການແຂ່ງເສັ້ນທາງ ສາຍໄໝໃໝ່ຂອງຈີນໃນອາຊີ
error: Content is protected !!