UN ເຜີຍກອງກຳລັງອາເມລິກາ ແລະ ອັບການິດສະຖານ ໂຈມຕີຖືເດັກ ແລະ ຜູ້ຍິງເສຍຊີວິດ

- advert banner 728 90 728x90 - UN ເຜີຍກອງກຳລັງອາເມລິກາ ແລະ ອັບການິດສະຖານ ໂຈມຕີຖືເດັກ ແລະ ຜູ້ຍິງເສຍຊີວິດ

ສະຫະ​ປະຊາ​ຊາດ ຖະ​ແຫລ​ງອ້າງ​ຕາມ​ລາຍ​ງານ​ເບື້ອງຕົ້ນພົບ​ວ່າ: ປະຕິບັດ​ການ​ຂອງ​ກອງ​ກຳລັງ​ອາ​ເມ​ລິ​ກາ ​ແລະ ອັບ​ກາ​ນິດ​ສະຖານ ທີ່​ລະດົມ​ໂຈມ​ຕີ​ທາງ​ອາກາດ​ຕໍ່​ກຸ່ມ​ຕິດ​ອາວຸດ ​ໄດ້​ສັງຫານ​ສະມາຊິກ​ຄອບຄົວ​ຊາວ​ອັບ​ກາ​ນິດ​ສະຖານ​ເຖິງ 12 ຄົນ ສ່ວນ​ຫລາຍ​ເປັນ​ເດັກນ້ອຍ.

ຖະ​ແຫລ​ງການ​ສຳນັກ​ປະສານ​ງານ​ສະຫະ​ປະຊາ​ຊາດ​ໃນ​ອັບ​ກາ​ນິດ​ສະຖານ ລະບຸ​ວ່າ: ຜູ້​ເຄາະ​ຮ້າຍ​ປະກອບ​ມີ​ເດັກນ້ອຍ​ຈຳນວນ 10 ຄົນ ອາຍຸ 6-15 ປີ ​ແລະ ຜູ້ຍິງ 2 ຄົນ​ທີ່​ເສຍ​ຊີວິດ​ຈາກ​ປະຕິບັດ​ການ​ໂຈມ​ຕີ​ທາ​ງອາກາດ​ທຳລາຍ​ເຮືອນ​ຂອງ​ພວກ​ເຂົາ ຢູ່​ແຂວງ​ວາ​ດັດ​ໃກ້​ນະຄອນຫລວງ​ກາ​ບູນ ​ໃນ​ຄໍ່າ​ວັນ​ທີ 23 ກັນຍາ. ລາຍ​ງານ​ຂອງ UN ດັ່ງກ່າວ ​ເທົ່າ​ກັບ​ສະໜັບສະໜູນ​ຄຳ​ເວົ້າຂອງ​ທ່ານ ອາ​ໝັດ ຈາ​ຟາຣີ ສະມາຊິກ​ສະພາ​ທ້ອງ​ຖິ່ນ ທີ່​ໃຫ້​ສຳພາດ AFP ວ່າ: ສະມາຊິກ 12 ຄົນ​ໃນ​ຄອບຄົວ​ດຽວ​ກັນ​ຖືກ​ສັງຫານ​ຈາກ​ປະຕິບັດ​ການ​ໂຈມ​ຕີ​ທາ​ງອາກາດ​ມຸ່ງ​ເປົ້າໝາຍ​ກຸ່ມ​ນັກຮົບ​ຕາ​ລີ​ບັນ ​ແລະ ມີ​ເຮືອນ​ພັງ​ອີກ 3 ຫລັງ. ນອກຈາກ​ນີ້ ໜ່ວຍ​ງານ UN ຍັງ​ພິຈາລະນາ​ທົບ​ທວນ​ຕາມ​ທີ່​ມີ​ລາຍ​ງານ​ປະຕິບັດ​ການ​ໂຈມ​ຕີ​ທາງ​ອາກາດ​ໃນ​ພື້ນທີ່​ອື່ນໆ​ທີ່​ເປັນ​ເຫດ​ໃຫ້​ພົນລະ​ເຮືອນ​ເສຍ​ຊີວິດ ​ໂດຍ​ໄດ້​ສະ​ແດງ​ຄວາມ​ກັງວົນ​ຢ່າງ​ຍິ່ງ​ຕໍ່​ກໍລະນີ​ພົນລະ​ເຮືອນ​ເສຍ​ຊີວິດ​ຈຳນວນ​ຫລາຍ​ຂຶ້ນຈາກ​ປະຕິບັດ​ການ​ໂຈມ​ຕີ​ທາງ​ອາກາດ​ໃນ​ປີ​ນີ້.

- Tiger Head 728x90 - UN ເຜີຍກອງກຳລັງອາເມລິກາ ແລະ ອັບການິດສະຖານ ໂຈມຕີຖືເດັກ ແລະ ຜູ້ຍິງເສຍຊີວິດ
- 1 1 - UN ເຜີຍກອງກຳລັງອາເມລິກາ ແລະ ອັບການິດສະຖານ ໂຈມຕີຖືເດັກ ແລະ ຜູ້ຍິງເສຍຊີວິດ
error: Content is protected !!