ສ.ເກົາຫລີ ເລີ່ມລົງຄະແນນເລືອກຜູ້ນຳຄົນໃໝ່ແລ້ວ

- 95977619 cca423e3 0ab5 42a2 a0a8 b8f080042a19 - ສ.ເກົາຫລີ ເລີ່ມລົງຄະແນນເລືອກຜູ້ນຳຄົນໃໝ່ແລ້ວ
- Untitled design - ສ.ເກົາຫລີ ເລີ່ມລົງຄະແນນເລືອກຜູ້ນຳຄົນໃໝ່ແລ້ວ
- 95977619 cca423e3 0ab5 42a2 a0a8 b8f080042a19 300x200 - ສ.ເກົາຫລີ ເລີ່ມລົງຄະແນນເລືອກຜູ້ນຳຄົນໃໝ່ແລ້ວ
ຊາວ ສ.ເກົາຫລີ ເລີ່ມອອກໄປລົງຄະແນນສຽງເລືອກຕັ້ງປະທານາທິບໍດີຄົນໃໝ່ ໂດຍມີຜູ້ສະໝັກທັງໝົດ 13 ທ່ານ

ໜ່ວຍ​ເລືອກ​ຕັ້ງທົ່ວ ສ.​ເກົາຫລີ ​ເປີດ​ໃຫ້​ປະຊາຊົນ​ເຂົ້າ​​ໃຊ້​ສິດ​ອອກສຽງ​ເລືອກ​ປະທານາທິບໍດີ​ຄົນ​ໃໝ່​ແລ້ວ ພາຍ​ຫລັງ​ຕ້ອງ​ຈັດການ​ເລືອກ​ຕັ້ງຢ່າງ​ກະທັນຫັນ ​ເນື່ອງ​ຈາກ​ທ່ານ​ນາງ ປັນ​ກິນ​ເຮ ອະດີດ​ຜູ້ນຳ​ຄົນ​ກ່ອນ ຖືກ​ຖອດ​ຖອນ​ຈາກ​ຕຳ​ແໜ່​ງປະທານາທິບໍດີ ​ເພາະ​ພົວພັນ​ການ​ສໍ້​ລາດ​ບັງ​ຫລວງ ​ໃນ​ເດືອນ​ມີນາ​ຜ່ານ​ມາ.

ມີ​ຜູ້​ລົງ​ສະໝັກ​ຊິງ​ຕຳ​ແໜ່​ງປະທານາທິບໍດີ​ຄົນ​ໃໝ່​ຂອງ ສ.​ເກົາຫລີ ​ໃນ​ຄັ້ງນີ້ 13 ທ່ານ, ​ແຕ່​ຜົນ​ການ​ສຳ​ຫລວດ​ຄວາມ​ຄິດ​ເຫັນ​ຂອງ​ຫລາຍ​ສຳນັກ​ຊີ້​ວ່າ: ທ່ານ ມູນ ​​ແຈ ອິນ ຜູ້​ສະໝັກ​ຈາກ​ພັກ​ປະຊາທິປະ​ໄຕ ​ໄດ້​ຮັບ​ຄະ​ແນນ​ນິຍົມ​ສູງ​ສຸດ ​ເຊິ່ງຫ່າງ​ຜູ້​ສະໝັກ​ຄົນ​ອື່ນໆ​ຫລາຍ ​ໂດຍ​ທ່ານ ມູນ ​ເປັນ​ນັກ​ການ​ເມືອງ​ທີ່​ມີ​ປະສົບ​ການ​ຫລາຍ ​ເຄີຍ​ລົງ​ສະໝັກ​ຮັບ​ເລືອກ​ຕັ້ງປະທານາທິບໍດີ​ໃນ​ປີ 2012 ​ແລະ ​ໄດ້​ຮັບ​ຄະ​ແນນ​ສຽງ​ເປັນ​ຮອງ​ຈາກ​ອະດີດ​ປະທານາທິບໍດີ ປັກ​ ກິນ ​ເຮ.

- 95977620 ec7df3a6 ce3b 4b58 9126 206c603085af 300x200 - ສ.ເກົາຫລີ ເລີ່ມລົງຄະແນນເລືອກຜູ້ນຳຄົນໃໝ່ແລ້ວ
ຜົນສຳຫລວດຫລາຍສຳນັກຊີ້ວ່າທ່ານ ມູນ ແຈ ອິນ ມີຄະແນນນິຍົມນຳໜ້າຜູ້ສະໝັກຄົນອື່ນໆ

ທ່ານ ມູນ ຍັງ​ເປັນ​ຜູ້​ສະໝັກ​ທີ່​ຍົກ​ນະ​ໂຍບາຍ​ຜູກ​ມິດ​ເຊື່ອມ​ສຳພັນ​ກັບ ສປປ ​ເກົາຫລີ ​ເນື່ອງ​ຈາກ​ທ່ານ​ເຄີຍ​ຮ່ວມ​ຢູ່​ໃນ​ລັດຖະບານ​ຊຸດ​ທີ່​ດຳ​ເນີນ​ນະ​ໂຍບາຍ “ຕາ​ເວັນ​ສາຍ​ແສງ” (Sunshine policy) ​ເຊິ່ງ​ເນັ້ນຄວາມ​ປອງ​ດອງ ​ແລະ ການ​ຮ່ວມ​ມື​ລະຫວ່າງ​ສອງ​ເກົາຫລີ​ມາ​ກ່ອນ ​ເຊິ່ງກົງກັນຂ້າມ​ກັບ​ລັດຖະບານ​ຂອງ​ນາງ ປັກ ກິນ ​ເຮ ທີ່​ມີ​ທ່າ​ທີ​ແຂງ​ກະດ້າງ ​ແລະ ຕັດ​ການ​ພົວພັນ​ກັບ ສປປ ​ເກົາຫລີ.

ສ່ວນ​ທ່ານ ອັນ ​ເຊິ​ລ ຊູ ຫົວໜ້າ​ພັກ​ປະຊາຊົນ ​ເຊິ່ງ​ເປັນ​ທັງ​ອະດີດ​ທ່ານໝໍ ​ແລະ ມະຫາ​ເສດຖີ​ກິດຈະການ​ຊັອບ​ແວ ​ເປັນ​ຜູ້​ສະໝັກ​ທີ່​ຜົນສຳ​ຫລວດ​ຊີ້​ວ່າ​ມີ​ຄະ​ແນນ​ນິຍົມ​ຕາມ​ຫລັງ​ມາ​ເປັນອັນ​ດັບ​ສອງ. ​ເຖິງ​ຢ່າງ​ໃດ​ກໍ​ຕາມ ທ່ານ​ປະກາດ​ຢືນຢັນ​ວ່າ​ຕົນ​ເອງ​ຍັງ​ມີ​ໂອກາດ​ໄດ້​ຮັບ​ໄຊຊະນະ​ຢູ່.

- Wave100S AD to Website 2020 0 - ສ.ເກົາຫລີ ເລີ່ມລົງຄະແນນເລືອກຜູ້ນຳຄົນໃໝ່ແລ້ວ
- 95977621 21969e5e 5eff 41c4 aad4 dd5ef5a42914 300x169 - ສ.ເກົາຫລີ ເລີ່ມລົງຄະແນນເລືອກຜູ້ນຳຄົນໃໝ່ແລ້ວ
ທ່ານ ອັນ ເຊິລ ຊູ ອະດີດທ່ານໝໍ ແລະ ມະຫາເສດຖີກິດຈະການຊັອບແວ ມີຄະແນນນິຍົມມາເປັນອັນດັບສອງ

ຄາດ​ວ່າ​ຈະ​ມີ​ຜູ້​ອອກ​ມາ​ໃຊ້​ສິດ​ເລືອກ​ຕັ້ງ​ໃນ​ເທື່ອ​ນີ້​ຈຳນວນ​ຫລາຍ ​ໂດຍ​ສະ​ເພາະ​ກຸ່ມ​ຄົນ​ໄວ​ໜຸ່ມ ​ໂດຍ​ບັນຫາ​ທີ່ຊາວ ສ.​ເກົາຫລີ ​ໃຫ້​ຄວາມ​ສຳຄັນ​ໃນ​ການ​ພິຈາລະນາ​ນະ​ໂຍບາຍ​ຂອງ​ຜູ້​ສະໝັກ ນອກຈາກ​ບັນຫາ ສປປ ​ເກົາຫລີ ​ແລ້ວ ຍັງ​ລວມທັງ​ການ​ຮັກສາ​ເສດຖະກິດ​ທີ່​ພວມ​ຟື້ນຕົວ​ຂອງ​ປະ​ເທດ ລວມທັງ​ການ​ປະຕິຮູບ​ເພື່ອ​ກະຈາຍ​ອຳນາດ ​ແລະ ຜົນ​ປະ​ໂຫຍ​ດອອກ​ຈາກ​ກຸ່ມ​ຊົນ​ຊັ້ນນຳ​ເຊັ່ນ: ກຸ່ມ​ການ​ເມືອງ​ອະນຸລັກ​ນິຍົມ ​ແລະ ກຸ່ມ​ທຸລະ​ກິດ​ແຊ​ໂບລ.

ໜ່ວຍ​ເລືອກ​ຕັ້ງທົ່ວ ສ.​ເກົາຫລີ ຈະ​ປິດ​ການ​ລົງ​ຄະ​ແນນ​ໃນ​ເວລາ 20:00 ​ໂມງ ຕາມ​ເວລາ​ທ້ອງ​ຖິ່ນ ຫລື ປະມານ 18:00 ​ໂມງ ຕາມ​ເວລາ​ຢູ່​ລາວ ​ເຊິ​່ງຄາດ​ວ່າ​ຈະ​ສາມາດ​ຮູ້​ຜົນ​ການ​ເລືອກ​ຕັ້ງ​ໄດ້​ໃນ​ເວລາ​ບໍ່​ດົນ​ຫລົງ​ປິດ​ການ​ລົງ​ຄະ​ແນນ.

- WhatsApp Image 2020 05 27 at 5 - ສ.ເກົາຫລີ ເລີ່ມລົງຄະແນນເລືອກຜູ້ນຳຄົນໃໝ່ແລ້ວ
- WhatsApp Image 2020 05 27 at 5 - ສ.ເກົາຫລີ ເລີ່ມລົງຄະແນນເລືອກຜູ້ນຳຄົນໃໝ່ແລ້ວ
error: Alert: ເນື້ອຫາຂ່າວມີລິຂະສິດ !!