ເປີດໂຕຜະລິດຕະພັນ ທຄຕລ ບໍລິການເງິນດ່ວນຊຸມຊົນໄລຍະ 2

- New product of bcel - ເປີດໂຕຜະລິດຕະພັນ ທຄຕລ ບໍລິການເງິນດ່ວນຊຸມຊົນໄລຍະ 2
- Untitled design - ເປີດໂຕຜະລິດຕະພັນ ທຄຕລ ບໍລິການເງິນດ່ວນຊຸມຊົນໄລຍະ 2

ໃນວັນທີ25 ກັນຍານີ້, ທີ່ສູນ ICTC (ຫຼັກ 5) ນະຄອນຫຼວງວຽງຈັນ, ທະນາຄານການຄ້າຕ່າງປະເທດລາວໄດ້ເປີດໂຕຜະລິດຕະພັນ “ທຄຕລບໍລິການເງິນດ່ວນຊຸມຊົນໄລຍະ 2” ຫລື BCOME , ໂດຍການເຂົ້າຮ່ວມຂອງທ່ານນາງວັດທະນາດາລາລອຍຮອງຜູ້ວ່າທະນາຄານແຫ່ງ ສປປ ລາວ, ທ່ານ ພູຂົງ ຈັນທະຈັນ ຜູ້ອໍານວຍການໃຫຍ່ທະນາຄານການຄ້າຕ່າງປະເທດລາວມະຫາຊົນ, ທ່ານ Jean-Bernard Carrasco ເອກອັກຄະລັດຖະທູດອົດສະຕຣາລີ ປະຈໍາລາວ ທັງເປັນຕົວແທນສະໜັບສະໜູນໂຄງການ BCOME ພ້ອມດ້ວຍຜູ້ຕາງໜ້າຈາກກະຊວງ, ອົງການຈັດຕັ້ງກ່ຽວຂ້ອງ, ຄະນະອໍານວຍການແລະຕົວແທນ BCOME ເຂົ້າຮ່ວມນໍາດ້ວຍ.

ຜະລິດຕະພັນ “ທຄຕລ ບໍລິການເງິນດ່ວນຊຸມຊົນ” ຫຼືບີຄໍາ BCEL Communily Money Express or BCOME ແມ່ນຜະລິດຕະພັນການເງິນດິຈິຕ້ອນໃໝ່ຂອງທະນາຄານການຄ້າຕ່າງປະເທດລາວ ມະຫາຊົນ (ທຄຕລ) ຊຶ່ງໃຫ້ບໍລິການຜ່ານຕົວແທນ (Agent Banking) ເປັນການໃຫ້ບໍລິການດ້ານການເງິນທີ່ຫຼາກຫຼາຍ, ສະດວກແລະທັນສະໄໝໃນຊຸມຊົນໄດ້ຕະຫຼອດໂມງ 24 ຊົ່ວໂມງ. ຊຶ່ງເປັນໝາກຜົນຈາກໂຄງການຮ່ວມມືລະຫວ່າງ BCEL ແລະໂຄງການສົ່ງເສີມການເຂົ້າເຖິງແຫຼ່ງທຶນຂອງຜູ້ທຸກຍາກ (MAFIPP) ທີ່ໄດ້ຮັບທຶນສະໜັບສະໜູນຈາກລັດຖະບານອົດສະຕຣາລີພາຍໃຕ້ການຊີ້ນໍາຂອງທຫລສະບັບເລກທີ 1466/ກຄສງ ວັນທີ29/10/2013, ທຄຕລ ໄດ້ມີການແຕ່ງຕັ້ງຄະນະຮັບຜິດຊອບຜະລິດຕະພັນຂຶ້ນເພື່ອຮ່ວມເຮັດວຽກກັບທີ່ປຶກສາຂອງໂຄງການ MAFIPP  ເພື່ອຮ່ວມກັນພັດທະນາຜະລິດຕະພັນດັ່ງກ່າວ ໃຫ້ບັນລຸແຜນຍຸດທະສາດການຂະຫຍາຍຕາໜ່າງການບໍລິການດ້ານການເງິນໃຫ້ເຂົ້າເຖິງປະຊາຊົນເຂດຊຸມຊົນຫ່າງໄກຫຼາຍຂຶ້ນ.

- Wave100S AD to Website 2020 0 - ເປີດໂຕຜະລິດຕະພັນ ທຄຕລ ບໍລິການເງິນດ່ວນຊຸມຊົນໄລຍະ 2

BCOME ເກີດຂຶ້ນຈາກພື້ນຖານຄວາມຕ້ອງການຂອງສັງຄົມ ຫຼືປະຊາຊົນຜູ້ທີ່ມີຄວາມຫຍຸ້ງຍາກ ແລະ ຂໍ້ຈໍາກັດໃນການເຂົ້າເຖິງການບໍລິການທຸລະກໍາທາງດ້ານການເງິນ, ທຄຕລ ເຫັນໄດ້ເຖິງຄວາມສໍາຄັນ ດັ່ງກ່າວ ຈຶ່ງໄດ້ມີການສຶກສາຄົ້ນຄວ້າ ແລະ ພັດທະນາລະບົບຜະລິດຕະພັນການເງິນດິຈິຕ້ອນໃໝ່ອອກໃຫ້ບໍລິການສູ່ສັງຄົມ ແຕ່ເດືອນມິຖຸນາປີ 2015 ເປັນຕົ້ນມາ. ຈາກເບື້ອງຕົ້ນ ມີຕົວແທນພຽງ 12 ຮ້ານ, ມີລູກຄ້າໃຊ້ບໍລິການພຽງ 55 ຄົນ, 83 ທຸລະກໍາລວມມູນຄ່າ 139 ລ້ານກີບ, ມາຮອດໄຕມາດທີ 2 ປີ 2018 ມີລູກຄ້າເພີ່ມຂຶ້ນເກືອບ 14 ພັນຄົນ, ທຸລະກໍາຫຼາຍກວ່າ 48 ພັນລາຍການ, ສະເລ່ຍວົງເງິນທີ່ເຄື່ອນໄຫວຕໍ່ເດືອນປະມານ 20 ກວ່າຕື້ກີບສັງເກດເຫັນວ່າຜະລິດຕະພັນດັ່ງກ່າວໄດ້ມີການຕອບຮັບຈາກສັງຄົມເປັນຢ່າງດີ ຈຶ່ງໄດ້ມີການພັດດທະນາໄປເລື້ອຍໆ. ໃນໄລຍະຜ່ານມາ BCOME  ສາມາດໃຫ້ບໍລິການໄດ້ 2 ຜະລິດຕະພັນຄື: ການໂອນລອຍແລະການມອບເງິນເຂົ້າແລະໃນມື້ນີ້ ທຄຕລ ໄດ້ເປີດໃຫ້ບໍລິການ “ທຄຕລບໍລິການເງິນດ່ວນຊຸມຊົນໄລຍະ 2” ຫຼື BCOME ຂຶ້ນຊຶ່ງປະຊາຊົນສາມາດໃຊ້ບໍລິການຜະລິດຕະພັນທີ່ຫຼາກຫຼາຍໄດ້ທີ່ຮ້ານຕົວແທນດັ່ງນີ້: ເປີດບັດ ATM BCOME, ຝາກເງິນເຂົ້າບັນຊີທຄຕລແລະບັດATM BCOME, ຖອນເງິນດ້ວຍຜະລິດຕະພັນບັດພາຍໃນທຄຕລ, ໂອນລອຍ-ໂອນເຂົ້າບັນຊີທຄຕລ,ໂອນຂ້າມທະນາຄານ (ພາຍໃນປະເທດ), ຈ່າຍຄ່ານໍ້າ, ຄ່າໄຟຟ້າ ແລະ ຄ່າໂທລະສັບ, ຈ່າຍຄ່າທໍານຽມທາງປະຈໍາປີ ແລະ ບໍລິການອື່ນໆ. ທຄຕລ ຈະພະຍາຍາມພັດທະນາປັບປຸງຄຸນນະພາບດ້ານຜະລິດຕະພັນແລະການບໍລິການດ້ານການເງິນດິຈີຕ້ອນແບບໃໝ່ນີ້ໃຫ້ສອດຄ່ອງກັບຄວາມຮຽກຮ້ອງຕ້ອງການຂອງລູກຄ້າແລະປະຊາຊົນທົ່ວໄປໃນແຕ່ລະໄລຍະ ເພື່ອອໍານວຍຄວາມສະດວກໃນການເຂົ້ສເຖິງບໍລິການດ້ານການເງິນໃຫ້ທົ່ວເຖິງແລະເພີ່ມຂຶ້ນເລື້ຍໆ, ໂດຍສະເພາະແມ່ນເຂດຫ່າງໄກສອກຫຼີກຫຼືເຂດຕົວເມືອງທີ່ຍັງບໍ່ທັນເຂົ້າເຖິງທະນາຄານຫຼືສະຖາບັນການເງິນຈຸລະພາກຕ່າງໆໄດ້.

- WhatsApp Image 2020 05 27 at 5 - ເປີດໂຕຜະລິດຕະພັນ ທຄຕລ ບໍລິການເງິນດ່ວນຊຸມຊົນໄລຍະ 2
- WhatsApp Image 2020 05 27 at 5 - ເປີດໂຕຜະລິດຕະພັນ ທຄຕລ ບໍລິການເງິນດ່ວນຊຸມຊົນໄລຍະ 2
error: Alert: ເນື້ອຫາຂ່າວມີລິຂະສິດ !!