ການນໍາຂັ້ນສູງພັກ-ລັດ ເຂົ້າວາງພວງມະລາໄຫວ້ອາໄລຕໍ່ດວງວິນຍານຂອງ ສະຫາຍ ເຈີນ ດາຍ ກວາງ ອະດີດປະທານປະເທດ ສສ.ຫວຽດນາມ

- Presiden of laos - ການນໍາຂັ້ນສູງພັກ-ລັດ ເຂົ້າວາງພວງມະລາໄຫວ້ອາໄລຕໍ່ດວງວິນຍານຂອງ ສະຫາຍ ເຈີນ ດາຍ ກວາງ ອະດີດປະທານປະເທດ ສສ.ຫວຽດນາມ
- Untitled design - ການນໍາຂັ້ນສູງພັກ-ລັດ ເຂົ້າວາງພວງມະລາໄຫວ້ອາໄລຕໍ່ດວງວິນຍານຂອງ ສະຫາຍ ເຈີນ ດາຍ ກວາງ ອະດີດປະທານປະເທດ ສສ.ຫວຽດນາມ

ໃນວັນທີ 26 ກັນຍານີ້, ການນໍາຂັ້ນສູງພັກ-ລັດ ນໍາໂດຍສະຫາຍ ບຸນຍັງ ວໍລະຈິດ ເລຂາທິການໃຫຍ່ຄະນະບໍລິຫານງານສູນກາງພັກ, ປະທານປະເທດແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ, ທ່ານປະທານສະພາແຫ່ງຊາດ ນາງ ປານີ ຢາທໍຕູ້, ທ່ານນາຍົກລັດຖະມົນຕີ ທອງລຸນ ສີສຸລິດໄດ້ເຂົ້າວາງພວງມະລາໄຫວ້ອາໄລຕໍ່ດວງວິນຍານຂອງສະຫາຍ ເຈີນ ດາຍ ກວາງ ອະດີດປະທານປະເທດແຫ່ງ ສາທາລະນະລັດ ສັງຄົມນິຍົມຫວຽດນາມ ຢູ່ທີ່ສະຖານທູດຫວຽດນາມປະຈໍາລາວ, ໃນໂອກາດນີ້, ສະຫາຍ ບຸນຍັງ ວໍລະຈິດ ໄດ້ຂຽນປື້ມໄຫວ້ອາໄລ ໂດຍມີເນື້ອໃນວ່າ: ຄະນະບໍລິຫານງານສູນກາງພັກປະຊາຊົນປະຕິວັດລາວ, ສະພາແຫ່ງຊາດ, ລັດຖະບານແຫ່ງສາທາລະນະລັດ ປະຊາທິປະໄຕ ປະຊາຊົນລາວ ແລະ ສູນກາງແນວລາວສ້າງຊາດ ຮູ້ສຶກສະເທືອນໃຈ ແລະ ເສົ້າໂສກເສຍດາຍເປັນຢ່າງຍິ່ງເມື່ອໄດ້ຮັບຂ່າວການຈາກໄປໂດຍບໍ່ມີວັນກັບຄືນມາຂອງສະຫາຍ ເຈີນ ດາຍ ກວາງ ກໍາມະການກົມການເມືອງສູນກາງພັກ, ປະທານປະເທດແຫ່ງ ສາທາລະນະລັດ ສັງຄົມນິຍົມຫວຽດນາມ. ການຈາກໄປຂອງສະຫາຍ ເຈີນ ດາຍ ກວາງ ບໍ່ພຽງແຕ່ເປັນການສູນເສຍຜູ້ນໍາທີ່ເຄົາລົບຮັກຂອງພັກ, ລັດ ແລະ ປະຊາຊົນຫວຽດນາມ, ແຕ່ຍັງເປັນການສູນເສຍເພື່ອນມິດສະຫາຍທີ່ໃກ້ຊິດ ແລະ ສະໜິດສະໜົມທີ່ສຸດຂອງພັກ, ລັດ ແລະ ປະຊາຊົນລາວ ພວກຂ້າພະເຈົ້າອີກດ້ວຍ.

ສະຫາຍ ເຈີນ ດາຍ ກວາງ ເປັນຜູ້ໜຶ່ງທີ່ປະກອບສ່ວນສໍາຄັນໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດຂອງ ສສ.ຫວຽດນາມ ໃນຕະຫລອດຊີວິດຂອງການເຄື່ອນໄຫວປະຕິວັດຂອງຕົນ, ໂດຍສະເພາະໃນຂົງເຂດວຽກງານປ້ອງກັນຄວາມສະຫງົບ ແລະ ຄວາມເປັນລະບຽບຮຽບຮ້ອຍພາຍໃນຂອງຫວຽດນາມ. ສະຫາຍ ເຈີນ ດາຍ ກວາງ ຍັງເປັນຜູ້ໜຶ່ງທີ່ໄດ້ປະກອບສ່ວນສໍາຄັນເຂົ້າໃນການຮັດແໜ້ນ ແລະ ເສີມຂະຫຍາຍການພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານລະຫວ່າງລາວ ແລະ ຫວຽດນາມ ຕະຫລອດມາ.

ໃນຊ່ວງເວລາໂສກເສົ້າອາໄລຢ່າງສຸດຊຶ້ງນີ້, ຄະນະບໍລິຫານງານສູນກາງພັກປະຊາຊົນປະຕິວັດລາວ, ສະພາແຫ່ງຊາດ, ລັດຖະບານແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ, ສູນກາງແນວລາວສ້າງຊາດ ແລະ ປະຊາຊົນລາວ ຂໍສະແດງຄວາມອາໄລອາວອນຢ່າງສຸດຊຶ້ງ ແລະ ຂໍແບ່ງເບົາຄວາມທຸກເສົ້າໂສກເສຍໃຈ ມາຍັງຄະນະບໍລິຫານງານສູນກາງພັກກອມມູນິດຫວຽດນາມ, ສະພາແຫ່ງຊາດ, ລັດຖະບານແຫ່ງ ສາທາລະນະລັດ ສັງຄົມນິຍົມຫຽດນາມ, ສູນກາງແນວໂຮມປະເທດຊາດຫວຽດນາມ ແລະ ປະຊາຊົນຫວຽດນາມ ອ້າຍນ້ອງ, ໂດຍສະເພາະຕໍ່ຄອບຄົວ, ຍາດພີ່ນ້ອງ ແລະ ເພື່ອນມິດຂອງສະຫາຍເຈີນ ດາຍ ກວາງ ມານະໂອກາດນີ້, ຂໍສະແດງຄວາມອາໄລຮັກຢ່າງສຸດຊຶ້ງ ເຖິງດວງວິນຍານຂອງສະຫາຍ ເຈີນ ດາຍ ກວາງ ຈົ່ງໄປສູ່ສຸຂະຕິດ້ວຍເຖີ້ນ.

- Wave100S AD to Website 2020 0 - ການນໍາຂັ້ນສູງພັກ-ລັດ ເຂົ້າວາງພວງມະລາໄຫວ້ອາໄລຕໍ່ດວງວິນຍານຂອງ ສະຫາຍ ເຈີນ ດາຍ ກວາງ ອະດີດປະທານປະເທດ ສສ.ຫວຽດນາມ

ຂ່າວໃຫ້ຮູ້ຕື່ມວ່າ: ໃນວັນທີ 26 ກັນຍານີ້, ສະຫາຍ ພັນຄໍາ ວິພາວັນ ຜູ້ປະຈໍາການຄະນະເລຂາທິການສູນກາງພັກ, ຮອງປະທານປະເທດແຫ່ງສາທາລະນະລັດ ປະຊາທິປະໄຕ ປະຊາຊົນລາວ, ໄດ້ນໍາພາຄະນະຜູ້ແທນຂັ້ນສູງພັກ-ລັດຂອງລາວ ໄປວາງພວງມະລາໄຫວ້ອາໄລຕໍ່ດວງວິນຍານຂອງສະຫາຍ ເຈີນ ດາຍ ກວາງ ຢູ່ນະຄອນຫລວງຮ່າໂນ້ຍ, ໃນໂອກາດນີ້, ສະຫາຍ ພັນຄໍາ ວິພາວັນ ໄດ້ຕາງໜ້າໃຫ້ພັກ,​ ລັດ ແລະ ປະຊາຊົນລາວ, ຂໍສະແດງຄວາມອາໄລອາວອນຢ່າງສຸດຊຶ້ງ ແລະ ຂໍແບ່ງເບົາຄວາມທຸກເສົ້າໂສກເສຍໃຈຕໍ່ພັກ, ລັດ ແລະ ປະຊາຊົນຫວຽດນາມ​, ໂດຍສະເພາະຕໍ່ຄອບຄົວ, ຍາດພີ່ນ້ອງ ແລະ ເພື່ອນມິດຂອງສະຫາຍເຈີນ ດາຍ ກວາງ ມານະໂອກາດນີ້, ຂໍສະແດງຄວາມອາໄລຮັກຢ່າງສຸດຊຶ້ງເຖິງດວງວີນຍານຂອງສະຫາຍ ເຈີນ ດາຍ ກວາງ ຈົ່ງໄປສູ່ສຸຂະຕິດ້ວຍເຖີ້ນ.

- WhatsApp Image 2020 05 27 at 5 - ການນໍາຂັ້ນສູງພັກ-ລັດ ເຂົ້າວາງພວງມະລາໄຫວ້ອາໄລຕໍ່ດວງວິນຍານຂອງ ສະຫາຍ ເຈີນ ດາຍ ກວາງ ອະດີດປະທານປະເທດ ສສ.ຫວຽດນາມ
- WhatsApp Image 2020 05 27 at 5 - ການນໍາຂັ້ນສູງພັກ-ລັດ ເຂົ້າວາງພວງມະລາໄຫວ້ອາໄລຕໍ່ດວງວິນຍານຂອງ ສະຫາຍ ເຈີນ ດາຍ ກວາງ ອະດີດປະທານປະເທດ ສສ.ຫວຽດນາມ
error: Alert: ເນື້ອຫາຂ່າວມີລິຂະສິດ !!